البنات اول ماشافوا اميره جتهم يسولفون بصوت عالي عشان يحاولون يغطون صوت الشباب
ام ليال وهي ماسكه الفناجيل حقت الحريم با استغراب: بنات وين خالتي ؟
ديم بتوتر :بالمطبخ مع عمامي
ام ليال بااستغراب اكثر :فيه شي؟وش يسوون بالمطبخ
ناظرت بنتها اللي وجهها واضح في مصيبه تركت الفناجيل قربت من ليال ؛ليال يمه تعبانه؟
غيم رمت المخده عشان ليال تغير ملامح وجهها اللي فعلًا توضح في مصيبه صايره
ليال بتدارك الوضع: بس بطني يعورني شوي
أميره :اكلتي شيء؟
ليال :اي اكلت بالبيت
رتيل :ماينلام بطنك وانتي بس تشربين قهوه حتى اكل ما كليتي
اميره رفعت حواجبها بزعل:ليال وش اتفقنا عليه ؟مو قلنا نترك القهوه؟
ليال :يرضيك يشربون قهوه قدامي وانا ما اشرب؟
ام ليال بزعل :نتفاهم بالبيت يا ليال
راحت وهي زعلانه من بنتها الدكتوره منعها لمدة فتره ماتشرب قهوه اذا بتشرب مره عن الخاطر
ليال وهي ترسل بوسه لرتيل: رغم انك جبتي العيد فيني بس منقذه
رتيل قامت تبوس ليال عشان تقهر غيم
غيم تسوي نفسها متقرفه منهم :وجع ترا ساهمت في انقاذك
ليال بتكشير: لا والله حبيبتي وش ساهمتي فيه رميتي علي المخده شليتي وجهي
غيم بطقطقه :شسوي كله من وجهك اللي يوضح انه في مصيبه
ليال بقمطه:على اساس مافيه؟
لدُن:اتوقع هجدوا مافي صراخ
طلعت جدتهم اللي ماناظرت فيهم توجهت للمجلس الرجال
ليال تهز رجلها من توتر ارسلت لوليد مايرد وترسل لسعود مايرد
غيم بنرفزه :ليال اهجدي يرحم امك
ليال : ارسل لهم مايردون
رتيل :مابيردون الحين خليهم لين يهدون
ديم تحاول تهديها :ليالي واضح انه مافي شي يعني لا قدر الله وفيه شي تحسبين الوضع بيكون كذا؟
ليال تنهدت وتهف على وجهها
غيم قامت من مكانها وتدف ديم :روحي منك ياسراقه الدلع هذا دلع مايدلعها غير قال ايش ليالي جعل لياليك بزق
ديم بصدمه :مجنونه انتي فيك شيء؟
رتيل ميته ضحك
لدُن بضحكه:وش عندها غيمتنا ارتفع هرمون الذكور عندك؟
غيم بطقطقه: اي حبي تبين تكونين حبيبتي الثانيه ماعندي اعتراض
ضحكوا وغيم قامت تطقطق عليهم
بصـاله كلهم مجتمعين ماعدا البنات بالغرفه
الـجـد ماسك عصاه معصب درى ان وليد وتركي تهاوشوا بس مايدري شسالفه ودرى لدُن كبت القهوه على الحرمه :عيالي محد تجرا يمد يده على اخوه وانتم تبون تطلعون لنا بعلم جديد
ضرب بعصاه بالارض:كم اعماركم ؟ رجاجيل شنب مالي وجهك انت وهو تتضربون ما استحيتوا على نفسكم اللي بعمركم عليهم عيال وانتم حتى رجوله ما انتم فالحين فيها
وليد اللي يشد على يده يحاول يمسك نفسه منضغط وزاد ضغطه جده
الجد لمح وليد:اي ياشيخ وليد شرايك تقوم تضربني بعد!
الكل ساكت محمد معصب من ولده وحركاته وده يتكلم بس يدري ابوه بيفصل عليه ولا وده انه يغلط على ابوه
الجده مقصره صوتها:لاتضغطه على ماهو مضغوط
الجد باستفسار:اي ابي اعرف وش سبب المشكله ؟وش اللي خلاكم تمدون يدكم على بعض!
البنات دخلوا على ذي الكلمه كانت اول وحده ديم اللي كل الانظار جت عليهم قمطوا البنات على طول جلسوا بكنبه وحده
حتى ماتكفيهم بس راضين
عزام جته ضحكه وهو يشوف البنات قامطين مسح وجه بيده عشان مايضحك ماقدر يمسك نفسه على طول قام وطلع برا البنات ضحكوا
لف الجد يخزهم سكتوا على طول
الجد: نخلص من مشاكل العيال نبدا بمشاكل البنات
لدُن حست ان الموضوع يمسها ودها مادخلت عليهم يفصل عليها بس مو قدامهم
يكمل:اي يا ست لدُن ليش تكبين القهوه على الحرمه
لدُن ماتدري وش تقول فضلت السكوت
ضرب بعصاه بالارض: اتكلم مع جدار
لدُن: بلغلط كبيت عليها
الجد:ماشاءالله اللي يكب يضحك؟ مايعتذر؟
لدُن بقهر :عندي اسباب خاصه اكب عليها قهوه حتى مو بس اكب اقطع شعرها
ابو ليث بحده:لدُن
الجد:ماشاءالله يا لدُن تردين علي كذا؟ ليكون عندك اسباب خاصه
غيم مو قادره تمسك ضحكتها تحاول بس ماقدرت عزام ما امد يجلس ويهدي نفسه بس سمع ضحكت غيم لف شماغه على وجهه عشان مايضحك بس كانت ضحكة غيم كل مالها تزداد ضحك معها وهي زادت بضحك لدرجه كلهم ضحكوا معها
ضحكت لدُن :اول مره ضحكتك تنقذني
غيم وهي تقريبا هدت من الضحك مسحت دموعها :اسف قطعت اسبابكم الخاصه تقدرون تكملون
الجد ضحك من ضحك غيم اللي فعلًا ضحكتها تطربهم كلهم حتى وليد اللي معصب ابتسم
الجد:يا لدُن بنتفاهم بعدين ،وكل واحد على بيته وراكم دوام
لف على ولده محمد:وليد معي
محمد باس راس ابوه ؛تم
وليد اللي ماوده ابد لان جده واضح ماراح يترك الموضوع ابد
طلعوا كلهم مابقى الا تركي اللي انقهر على وليد
صدق وليد ضربه بس ماكان له داعي ان فصل عليه
الجد والجده خلوهم يجلسون مع بعض
مرت نصف ساعـه وكل واحد جالس بكنبه ويفكر
تركي بهدوء بعد ماجمع كلام:وليد
وليد لف بدون مايرد عليه
تركي:حقك علي وانا اخوك
وليد اللي ماوده يتناقش او يسمع شي او احد يبرر له اليوم راس بينفجر من الصداع :تركي تكفى خلها يوم ثاني
تركي بتفهم :خذ راحتك بس لاتزعل مني او تصد عني
وليد ابتسم له وطلع لغرفته يتروش ويمكن ينام مايدري بس اللي يعرفه انه مايبي يشوف احد
اليـوم الثانـي
الساعه 9 صباحًا في بيت الجد
على الطاولة الطعـام
فهد وسعود اول ناس جالسين يبون يعرفون السالفة
الجده وهي تجيب القهوة: يامرحبا حي الله احفادي نورتنا
فهد داري انه جدته قافطتهم لانهم قالوا اول مادخلوا انهم مشتاقين فطور من يدها
فهد قام ياخذ من يدها القهوه :حي الله قبلة الارض
سعود يبي بس يشوف وليد خايف عليه ماقدر حتى ينام ووليد مقفل جواله من امس :بطلع اشوف وليد
الـجـده ببتسامة :لاتخاف بخير الحين بينزل مع تركي
فهد بصدمه:تركي هنا
الـجـده بطقطقه :اي يقول مشتاق لفطور حقي ونام
ضحكوا على جدتهم اللي قافطتهم
الجد نازل وراه تركي وليد :وش عندكم تضحكون ضحكونا معكم
سلموا على جدهم وسعود عيونه على وليد يبي يشوف هل هو بخير متضايق يبي يتطمن
وليد ابتسم لسعود اللي واضح عليه القلق
جلسوا يفطرون وكان سوالفهم جداً عاديه
الجد مسح فمه :اشرقت الشمس وافطرنا والحمدلله ماودكم تحكون لنا!
وليد متردد : تضاربت مع فزاع وتركي درى وتهاوشت معه بس
الجد بصدمه:مع فزاع؟
وليد:ايه
الجد بعصبيه :وش مسوي لك ضيف ياوليد وانا بعمري ماضربت ضيف لي او هنته في مجلسي او في داري وانت تمد يدك عليه!!
وليد بهدوء العالم:لانه يستاهل
الجد بنرفزه من هدوء وليد:ياوليد انت تدري وش يعني ضيف ينهان في مجلسك
وليد يقاطع جده :صار اللي صار وانتهى والله وبالله واللي خلق الروح فيني ان لو ينعاد الزمن اني لا اضربه بعد
تركي تدخل:طيب علمنا وش السبب؟
وليد بنرفزه:مو لازم تعرف السبب انت امس تدخلت بدون ماتعرف تبي تعرف الحين؟
