وهج بانفعال:ابد انتظري لين ياخذ روحك بعدين اسالي وشتسوين بلغي عليه ترا في قانون مو فوضى هي كل من هب ودب يطلع حرته بلغي عليه واشتكي اذا ماتبين تتطلقين مثل الكلب بيسكت
ردينا بكت:ماقدر وين اروح اذا اشتكيت ماعندي مكان وهذا اذا امه خلتني اعيش بتعسر حياتي
غيم:على اساس حياتك مو عسره الحين؟
رتيل بتدخل:شوفي انا مدري مين تقصدون او شسالفه
بس لا تسكتين له دام وصل الموضوع انه يحرقك لا تستبعدين بكره انك ميته ذا مو انسان طبيعي
ليال ضمتها :احنا معك والله معك انتي بس بادري مابتخسرين شي
ديم حزنت مره عليها:دقيقه دقيقه وقفوا حزن هي جت تنبسط وتستانس بعدها نعطيك خطط ودروس ونضبطك
قربت له ومسكت يدها :بحط لك ميكب اذا عادي عندك
ضحكت وهي تمسح دموعها:عادي
غيم:وانا بسوي شعرك بس خلصي الميكب
وهج:وانا وش اسوي؟
ليال :وقفي معي
قدرت ديم والبنات يغيرون جو ردينا يطقطقون على بعض ويضحكون كانوا في قمة السعادة والمصوره صورتهم كم صوره على طلب ليال تبيها ذكرى
والحضور بس كم شخص من الاقارب وخوال ليال فقط
دخلت ام ليث:يابنات يلا اطلعوا فهد يبي يدخل
ليال :مو بدري ياخاله؟
ام ليث وهي تهز كتوفها:والله هذا الطلب من زوجك
ضحكت وهج:والله يحق له يستعجل
لدُن تاففت:خلي ولدك يصبر بصور ترند تكفون
ام ليث تحاول ماتعصب؛اطلعي حبيبتي لدُن
غيم تشاور لدُن:لاتخربين برستيج ماما ولا بتقوم تدعسك قدامهم
تاففت وطلعت لحقوها البنات والمصوره كانت تعدل طرحة ليال وليال ممغوصه من بطنها بسبب التوتر
دخل فهد بعد مادق الباب :سلام عليكم
ردوا المصوره واللي معها ليال ماقدرت ترد وتمسك يدها اللي ترجف اتسعت ابتسامته من منظرها فهى فيها :ماشاءالله تبارك الله
المصوره تكلمت انه تبي تصورهم طنشها وأقترب لها وابتسامته كل ماله تزيد دنق راسه وقبلها قبله طويله بنهاية فكها غمضت عينها من قوة المشاعر اللي اقتحمتها بهالحظه وريحة عطره الرجوليه ودهن العود بهمس:فهد !
فهد هنا تعالوا دورا عليه كيف من نطقها لاسمه تلعب فيه لعب :عيونه !!
ليال تمسك يده اللي على خصرها وتبيه يوخر عنها :تعال نتصور
تدارك نفسه اخذ يده بيدها وبدت المصوره تعطيهم وضعيات ويطبقونها وتصورهم الوحيد اللي مستمتع هو طبعا فهد كإن يتأمل كل حركه تسويها وليال تتجاهل نظرته وتبي تخلص وقفت المصوره التفت ليال قرصته في عضده :لا تناظر
فهد بذهول يضحك :يامجنونه جالس مع واحد من الشباب انا
ليال تخزه:اص
كملت المصوره وفهد كان يضحك من قلبه كل ناظرها وناظرته تذكر الموقف ويضحك
وليد يدق الباب :احم احم ندخل؟
فهد بصوته الجهوري يمسح وجه:ادخل
دخل سعود وليد وعبدالله سلموا على اختهم ويباركون لها
سعود يشاور ليال:خوالي يبون يدخلون
ليال وهي ترد عليه:مابي يجون
سعود:لك اللي تبين ولا يضايقك شي
وليد:وش ماتبين!
عبدالله بتسال:خوالي بيدخلون !
ليال؛لا لا يدخلون شكرا وصل سلامهم
سعود اشر لهم انه يسكتون
وليد:اجل انا بروح اشوف ابوي
عبدالله: وانا معك واذا خلصت يافهد ارسل لي انادي ابوي وجدي يدخلون
فهد يعدل بشته:ابشر
طلعت المصوره بعد ماصورتهم كم صوره وطلعت تصور القاعه مابقى بالغرفه غيرهم
جلست وجلس معها شربت مويه تحاول تشغل نفسها عنه وعن نظراته :لاتناظر!!
فهد بروقان :لقيت فيك اجمل من اللي تخيلته مو بيدي خليني أتأمل
ضحكت بذهول من كلامه:صاحي انت!
فهد ضحك:شفيك !مو عاجبك تاملي ولا كلامي؟
ليال بحدود:لا ذا ولا ذا حدود ياطيب
حمر وجه من الضحك عليه ومن طريقة كلامها دخلت ام عبدالله وام ليث والجده
الجده بفرحه :ياعسى دوم هالضحكه ياولدي
وقف فهد سلم عليهم ومازال يضحك
ام عبدالله:العلم عند الله ان بنتي جايبه العيد دامها ساكته
فهد يناظرها :لا مو هي
ام ليث:يلا يافهد اطلع عشان الزفه
طلع فهد عشان تاخذ راحتها والبنات يجهزونها
دخلو العايله يتصورن مع ليال بالكوشه وكان متصدرهم الجد وبعدها اعمامها وخوانها وكان لهم زفه وليال داخل تمسك بطنها :بطني يعورني ماقدر
غيم تحاول تهديها حتى هي قمطت:لاتتوترين عادي انتي ماكله حبوب القالون !
ليال تهف على وجهها:ايه
ديم تضبط الطرحه من ورا :ليال كان تمشين بالسوق او اي مكان واهم شي على الميوزك اصلا المصورات بيصورنك وتمشين على خطواتهم اذا وقفوا وقفي واذا مشوا امشي خليها قاعده
ليال تنهدت :طيب طيب
طفت لمبات تعلن دخول العروسه واشتغل الميوزك
وبدت ليال تنزف تحاول تطبق كلام ديم وفادها كلامهم حاولت خوانها كان يعزوزن لها ويصفرون اول ماشافت خوانها ابتسمت وبدت تمشي بثقه وكانها كانت تحتاج تعزيزهم وصلت وبدت تسلم عليهم رغم ماتسمعهم زين من كثر التوتر وصوت الاغاني عالي الا انها تحاول ترد او تضحك ماتحملت تشوف ابوها كيف شاد على نفسه ويحاول مايناظرها فرحان فيها بنفس الوقت يحس بحزن حبيبته وقلبه بتكون ملك لغيره مهما كان يحس بشعور غريب رغم انها متزوجه ولد عمها وبتكون قريبه منه الا نه حزين
الجد يبوس راسها:ياجعل هالوجه مايمسه مضره ياعين مهدي
ليال وهي تبوس يده:الله يعزك ياجد
وليد:ماني مستوعب في احد بيشاركنا باختنا
ابو تركي بطقطقه:معليه اسبوعين وتستوعب وتسحب على اختك
وليد:الله يهديك ياعم ليه تفضحني
ابو تركي:العرق وانا عمك مايحتاج نفضحك كلنا مفضوحين
طلبت منهم المصوره يوقفون زين تاخذ لهم صوره وبعدها تاخذ صور عفويه اشتغلت الاغنيه واخوانها اخذوها يرقصونها واعمامهم والجد يرقص معها وهي بتموت من الخجل من التصفيق والانظار كلها عليها فهد يصفق لها في قمة الخرفنه ويحمد ربه ان الكائن الطيف اللي قدامه بمسمى زوجته
طلعت ردينا من القاعه ماقدرت تكمل تجلس تذكرت اهله ارسلت ليال وغيم دقت على السواق يجيها وهي تنتظر برا
ليث يناظر البنت اللي طالعه من القاعه واضح فيها شي:تركي شوف البنت ذي
تركي:وش فيها؟
ليث:مدري ياولد تحس فيها شي
تركي صفقه على راسه:وخر عينك لا تفضحنا
البنت طولت تنتظر برا
ليث:اروح اكلمها ؟
تركي:روح اذا انت رجال
ردينا وهي تناظرهم بصدمه معقوله الدنيا صغير الشخص اللي انقذها من المعتوه عوض قدامها مستحيل تنسى ملامحه ونبرته كيف سحب عوض وهي من ذاك اليوم تدعي له وسبحان اللي خلاه بطريقها وصل السايق وركبت معه بعد ماعطت تركي نظره خاطفه وشافت انه مايناظرها ابد عكس اللي جنبه يناظرها ويحش فيها واضح
عند الحلوين طلعوا الشباب تاركين البنات يكملون يومهم محد فقد ردينا كانوا مشغولين برقص والتصوير وليال مو مركزه بس تحاول تجاملهم رقصت مع ام ليث وكانوا يصفقون بكل حماس ويعزوزن من كل قلبهم من زمان الأفراح ماجتهم وعطوا الافراح حقها اليوم وزياده
جلست ليال بتعب :بنات خلاص تعبت لا اشوف احد يقول قومي ارقصي
لدُن:فهد بياخذ الدور في الفندق عجبه رقصك واضح
وهج وهي تضحك:تكفين وربي كنت بحش بس تذكرت انكم خواته والله انك كفو ماخليتها بخاطري
ليال:اننن سخيفات
بنت خالهم جت تبارك لها وهي نفسها اللي شافها فهد :مبروك ياعروسه
ليال بدون نفس:الله يبارك فيك
غيم :العشاء جاء اذا تبين تاكلين
سماهر بنت خالهم :ايه بس حبيت ابارك اول
ديم بلطافه:الله يسعدك
راحو كلهم مابقى الا غيم وليال يسولفون غيم باستوعاب:ردينا وين؟
ليال تصغر عيونها تحاول تدورها :ماشفتها من يوم انزفيت
غيم جت بتدق عليها شافت رسالتها :شوفي الخايسه ذي تقول اسفه بس ماتقدر تكمل فيها نوم وتعبانه وتعتذر
ليال جد حزينه عليها: لازم حل لها ماينفع تقعد مع الادامي ذا !!
غيم:بكلم اهلي عنها يمكن يقدرون يسااعدونها ونخلي رتيل بعد تكلم تركي ونحطها بامر الواقع
ليال تنهدت :نقوم نروح الغرفه ابي اغير
غيم وهي تساعدها:ماتبين تنزفين وحركات
ليال بزهق:ياخي وش الفايده من الحركات ذي امشي وبس
غيم:والله يعني اخاف امك تمردغنا
ليال تطلع لسانها:ماهي بحولنا
راحت الغرفه تبي تغير ومن حسن حظ ام عبدالله انها تجي:وش جابك هنا!
ليال بورطه:بغير ما ارتحت فيه
ام عبدالله بغضب:يابنتي انتي من وين تفهمين انك عروس تفهمين وش يعني عروس!!!
غيم طلعت قبل مايلحقها كلام
ليال تسلك لامها:ياماما وش تبين فيه حاضر بس لاتعصبين مو حلو والله طول الوقت تعصبين!
ام عبدالله :جهزي نفسك فهد يقول بياخذك
ليال بخوف:لا شوي تكفين
ام عبدالله:شوي ولا الحين مصيرك تروحين معه
جو يساعدونها البنات وامها وخالتها ابو عبدالله هو اللي طلعها رفض احد يساعده ساعدها تركب السياره التفت على فهد اللي كان يعدل شماغه :انتبه لها ترا اخذت اغلى ما عندي وحزنها من حزني والله كل العرب بكفه وليال بكفه
فهد الفرحه بتطلع من عينه يبي يركب مو فاضي لحد :ابد ليال صارت عين فهد وقلبه تطمن
ضربه على كتفه بامتنان
ودعه ركب فهد السياره:السلام عليكم
ليال:وعليكم السلام
فهد والروقان فل شغل اغنية محمد عبده وهو من اياك الملكه كل ما سمعها يطري على باله ليال بكل كلمه يعنيها ويغنيها محمد عبده قاصدها فهد لها صدق انها صعبه المنال بس حالف يكسر خشمها ويطيحها نفس ما طاح بعد انطراب وسكوت من ليال وصل الفندق نزل باستعجال عشان يساعدها خلها تتكي عليها عشان ماتطيح او تتعثر بفستانها دخل غرفته وهو يسمي بالله على ماكثر ما علموه وش يسوي الا انه توتر يبي يعرف وش بخاطرها اول مايدري هي اكلت :تبين نطلب ولا تغيرين ولا وش الوضع
ليال:براحتك انا بروح اغير ماقدر اجلس اكثر بالفستان
فهد :تمام خذي راحتك انا بصاله
دخلت داخل تغير لبسها فتحت الشنطه وحمدت ربها
ان الاغراض نفسها ماتغيرت لان امها غيرت الملابس بشنطة ليال بدون ماتدري ومن حسن حظ ليال انتبهت للشنطه وغيرتها قبل ماتروح القاعه اخذت لها بجامه سوداء ستان ساتره مسحت ميكبها وهي فعلا تبي تنام بس كيف تقوله طلعت مالقته شافت جواله يدق قربت بلقافه شافت الاسم غمضت عينها بغيره وغبنه كان الاسم "جودي💙" جت بترد جتها لحظة ادارك طقاق هو وهي حريقه تحرقهم حطته صامت وانسدحت بسرير وهي تضم المخده لها وتدعي انها تنام قبل مايجي وتوضح غيرتها له دخل بعد نصف ساعه دخل وهو شايل العشاء معه استغرب الهدوء ناد عليها مافي جاوب منها دخل الغرفه :ليال!
استغرب انها نامت وكان مخطط سوالف وعشاء ويوم طويل انسدت نفسه انه ياكل لحاله فصخ ثوبه وصلى له ركعتين انسدح بينام هو مقهور انه نامت جلس يطقطق على السرير ويفتح سنابات بصوت عالي يبيها تقوم او تنزعج وهي كانت بسابع نومه
قرب الجوال لاذنها ولا حست فيه :حش متزوج ولد انا مو بنت
رمى المخده عليها وانسدح بغبنه يحاول ينام وغفى وهو يفكر فيها
....
"ردينا"
من يوم رجعت وهي تفكر بكلام البنت وبعد مده من التفكير تشجعت ودخلت على رقم تركي وارسلت "السلام عليكم اخ تركي اعتذر على الوقت متأخر بس تشجعت اخطي خطوه انا متأخره فيها في حياتي واتمنى انك تساعدني من طرف ليال وغيم."
تركي كان يحاول ينام وعنده ارق صار له يومين ماينام اول ماغفت عينه فتح عينه على صوت الرساله عصب ماصدق على الله ينام جاء بيصمت الجوال طحت عينه على محتوى الرساله واستغرب اكثر انها تكون من طرف بنات عمه !! عدل جلسته يفتح الرساله وكانت اونلاين "وعليكم السلام "
كان يكتب ويحذف كان بيفصل عليها تررد "امري"
ردينا تاكل اظافرها وتنتظر الاجابه "انا ابي انفصل من زوجي "
تركي "المطلوب؟"
