ردينا كيف تشرح له"يعني ابيك تساعدني مابي اخلع ولا شي بس اتطلق منه "
تركي "تمام بكره عطيني التفاصيل واذا تقدرين تجين المكتب تعالي نتفاهم "
ردينا "تمام "
تنهدت براحه لاجمل خطوه خطتها من يوم توفوا اهله الحين بتشوف حياتها وهي كانت مقصره مع نفسها تذكرت بيت ابوها موجوده بتروح له وتسكن فيه ولا تقعد بالمذله اللي هي فيها نامت بعد تخطيط وحماس لحياتها الجديده.
"اليوم الثاني"
كانوا نايمين بعمق فتحت عينها بانزعاج من الانفاس اللي على يدها فزت بخوف وهي تحاول تستوعب هي وين وخرت يدها من فم فهد وهي مفجوعه رجلها على بطنه ويدها بفمه حمدت ربها انه نايم ولا حس فيها ركضت الحمام تغسل وتتوضى والواضح فاتتهم الصلاه طلعت تصلي بصاله شافت الاكل على الطاوله بالاكياس حزنت انها ماتعشى بس مجرد ماتذكرت الاتصال بتحلطم وغيره:احسن جعله يموت من الجوع السلوقي
صلت وهي بداخله بركان من الغضب اتجاه جلست وهي جوعانه ما اكلت شي من مغرب وصوت بطنها فاضحها وقفت تروح تقومه تبي تنزل تفطر وتخاف تنزل ويفصل عليها جت بتدخل الغرفه طلع بوجهها:صحيت!
فهد فاتح عين وعين مقفله من النوم:لا نايم!
ليال تكلم نفسها فوق انه يكلم سخيف :جوعانه ابي افطر
فهد:ابشري بس اصلي والبس واجيك
دخل فهد يتجهز جلست تنتظره وترد على القروبات دقت امها لما شافت ليال صاحيه:صباح الخير
ليال :صباح النور يااحلا ماما بالحياه
ام عبدالله بحنيه:كيفك !نمتي زين
ليال :اي الحمدلله كل شي زين
ام عبدالله:صاحي فهد!
ليال تناظر الغرفه باشمزاز:ايه انتظره يتجهز عشان ننزل نفطر
ام عبدالله : مابطول عليك عشان يمدك تتجهزين
ليال بينها وبين نفسها لو تدري اني للحين بالبجامه :يلا اجل مع سلامه
ام عبدالله:يحفظ الله
ليال بجوع :فهدد استعجل
طلع لها وشماغه على كتفه :يلا اطلعي قدامي لاحقك
لبست نقابها وطلعت وهي مو طايقته وجوعانه الاخلاق يعني صفر نزلوا افطرو كلهم ساكتين محد له خلق يتكلم
فهد يشرب قهوه تنحنح وهو يحط كوب القهوه على الطاوله:سفرتنا اليوم اذا ودك يعني واذا ماتبين عادي اكنسلها واختاري الوقت اللي تبين
عطته نظره ورجعت تشرب قهوتها بدون رد
فهد رفع حاجبه:اتكلم !
ليال ببرود يقتل :مايهم عادي عندي اي مكان
فهد :خلاص اجل نرجع الغرفه جهزي اغراضك عشان يمدي نلحق
ليال:مابنسلم على اهلنا!
وقف ياخذ جوالاته :لا
طلعوا للغرفه وكل واحد بجهة يجهز اغراضه حركو للمطار بدون محد يتكلم كان هدوء ماقبل العاصفة والحمدلله قدروا يلحقون على الطياره كان النداء الاخير
اول ماركب ارسل لاهله انه سافر وطفى جواله التفت لها وهي تناظر بشباك :تبين شي!
ليال :وش ابي!
فهد:مدري بس اسال
ليال بدون نفس:لا تسأل شكرا
ما حب يناقشها واضح اخلاقها ماش حتى هو اخلاقه مو ذاك الزود
"ببيت ابو ليث" تحديدًا بصاله العائله كلها مجتمعة ماعدا فهد
وغيم تحكي عن ردينا بس رؤس اقلام انها يتمه وفقدت اهلها وتزوجت ولد عمها ومطلع عيونها ماحبت تدخل بتفاصيل منعًا للاحراج لصديقتها
ابو ليث :وعم البنت ساكت!
ام ليث بصدمه :يووه ياعمري عليها مادريت انها متزوجه والله ماتستاهل واضح طيبه وعسل من يوم دخلت والابتسامة مافارقت وجهها
ديم : ايه بسم الله عليها قويه اصلا الحروق اللي بيدها منه بعد
ليث :اوففف حارقها!
غيم:اقولك لاعب في البنت
لدُن:بعيد عن كل شي بس قسم بالله نسخة ديم
ابو ليث:كيف!
ام ليث تخز لدُن:ماعليك منها بنتك تحب تهول
ليث بلعانه:قصدك جميله!
لدُن:اش جمال بس احلا من ديم بعد
غيم تغير الموضوع؛نرجع لموضوعنا ترا عطيتها رقم تركي
ليث:وش دخلك تعطينها !
ام ليث:وش جاب رقم تركي عندك!
غيم :اخذته من ليث وبعدين وش اللي وش دخلني! ابيه يساعدها مو محامي! جبت لها قضيه
ابو ليث ضحك: الله يسعدك والفزعه كان كلمتيني اول
ليث:الا الله ياخذك والفزعه انا يوم عطيتك الرقم رقمه الخاص ياحماره
غيم:طيب كلمه الحين وقول له السالفه يقدر يساعدها ؟
ابو ليث :خلاص يابابا عندي الموضوع بكلمه واشوف مايصير خاطرك الا طيب
غيم وقفت تبوس راسه؛عاش القائد
راح ابو ليث يكلم بالمكتب
ام ليث وهي تتحلف بالدُن :والله ماتسلمين تمدحين البنت عند ابوك ليه !
لدُن بورطه:حلوه طيب
ليث وقف:انا بطلع لان الواضح لي الناقش مابسلم منه
ام ليث:اي ماانت بسالم منه وهذا انت العود الكبير
ديم:ماما حسستيني ان بابا حق بنات
ام ليث:اسكتي بالله انا اعرف ابوكم اكثر منكم
ليث بتهويل يرفع صوته:اوووه اوه وش تقصدين يعني ابوي راعي بنات
ام ليث فكت السلبر حقها ورمته عليه:يالله مثل الكلب تجيبها لي
ليث:والله مالي دخل انتي رميتها
ام ليث:امك انا جيبها اشوف بسرعه
ليث :لا غش امي الغاليه لا تدخلين امومتك كالواسطه لو سمحتي
ام ليث بحده :جيبها لا الحقك الثانيه
ليث جابها لها :سمي
ام ليث: يلا اذلف
غيم بضحكه:كلاب لابسه ثياب والله
ليث :اص لا اكسر يدك قبل الملكه واعلمك مين الكلب
ام ليث:خلاص هدوء رجاء
ليث:مين يتكلم
ابو ليث:امك ياكلب
انخرش ليث :المعذره والله
ابو ليث:قلة ادب والله
ليث باس راسه:والله اسف نمزح
ابو ليث يدفه عنه:روح بوس راس امك مو راسي
ليث راح لها يعتذر ويبوسها
غيم تشاور لدُن:صدقيني انه سمع ماما
لدُن تمسك ضحكتها:يحاول يعدل سمعته عندها
غيم :قدوتي والله
لدُن دفتها :انتي طقعتي كذابه اول مايعطيك ابتسامه تذوبين على اساس ماشفتك بالزواج وانتي تصورينه وهو يرقص
غيم تجحد:ياكذوب كنت اصور ليال
لدُن :يلا اذا انتي صادقه ادخلي الصور وريني
غيم وقفت :فاضيه لك انا روحي بس
راحت لغرفتها قبل ماتنقفط جلست وهي تلقط انفاسها لانها كانت تركض فتحت الصور هي تشوف فيديوهات اللي صورته وهي تبتسم بخرفنه من رقصه اللي جاب راسها حضنته الجوال بحب وهي تتخيل ملكتها بحماس
"عند تركي"
مصدوم اللي حكى عنها عمه هي نفسها البنت اللي يبي يساعدها مسك راسه يانه يسوقونها عليه او ان الدنيا صغيره لهدرجه اخذ جواله يدق على عبدالله
عبدالله:ارحب
تركي مستعجل:شسم البنت اللي بالمستشفى!
عبدالله :الله يشغلك احسب داق من الشوق
تركي:اخلص
عبدالله:دينا اتوقع شي زي كذا ناسي
قفل بوجهه يعني هي ضحك بفرحه ارسل لها "انتي كنتي بالمستشفى ****يوم الثلاثاء ؟"
دق واتس بعدم قدره انه ينتظر عشان ترد
ردينا كانت تذاكر لان ماعندها شي وبعد ملكة غيم يبدا الفاينل ماتبي تضغط على نفسها ولا تنزل من معدلها فتحت جوالها وهي تشوف رسالة تركي تكلم نفسها:اوكي محامي بس مو لهدرجه ارسلت "ايه ليه؟"
تركي صرخ بفرحه "مدري اذا تذكريني بس انا اللي بعدت الكلب منك"
ردينا تقرا الرساله بققت عيونها بصدمه خافت انه يكذب عليها
طلعت وارسلت لغيم وليال وتدق على ليال كان عندها خط تذكرت ان امس يوم زوجها وهي من الصدمه نست للحظه
غيم ردت :وش فيك؟
ردينا بهلع :عندك صوره لولد عمك بسرعه ابيها
غيم استغربت طلبها:اي عندي امس الشباب مصورين صبر خليك على الخط اخذت كابتشر للصوره وارسلت لها
صاحت ردينا :يممه هو والله هو
غيم بخوف:بنت وش هو !
ردينا :هو ساعدني يوم كنت بالمستشفى
غيم :دقيقه فهميني
حكت لها ردينا وغيم ماكانت اقل منها بصدمه في اثناء وهي تسولف ارسل لها "ابي تقرير طبي وامورك تكون تمام والشرطه اصلا افادتك عندهم"
ردينا تقرا الرساله لغيم :بنت وش افادة؟
غيم :انتي مافتحوا معك تحقيق؟
ردينا:لا
غيم :قولي له طيب
ردينا :وش اقول
غيم تعلم لها وهي تكتب"ترا محد فتح معي تحقيق "
