تركي متأكد ان الدكتور قال ان الشرطة بتتفاهم معهم "تمام ،انتي روحي خذي التقرير والباقي علي"
ردينا بفرحه:غيم والله احس بطير من الفرحه اف الحمدلله سمعت لكم
غيم مبسوطه انه ردينا وعت على نفسها :كلنا معك واذا تبين تسكنين عندنا البيت بيتك والله
ردينا:لا تسلمين بروح بيت ابوي
كملوا سوالف وتخطيط
"عند ابطالنا الحلوين "
اول ماوصلوا راحو لمطعم يأكلون عشان يروحون الفندق مره وحده ويبدون يتمشون من بكره
ليال وهي تضرب إبرة الانسولين
فهد باهتمام وهو ملاحظ الصدود منها :مرتفع؟
ليال تسوي نفسها مو فاهمه:مين!
فهد :السكر!
ليال:لا
فهد يحاول يفتح موضوع جا جلس قدامها بالكنبه :سولفي علي ابي اعرفك اكثر
ليال غمضت عينها بنرفزه وهي تشوفه اسوء مخلوقات الارض صدق حنون وطيب بس فكرة انه يكلم بنت طاح من عينها ودها تشوته برجلها:ياكثرهم اللي عندك خلهم يسولفون لك
فهد مايدري وش تقصد على نياته:لا ابيك انتي
ليال بذهول من وقاحته :اذلف عن وجهي ياقذر بكل ثقه يأكد لي
تنرفز من اسلوبه احتدت ملامحه :ألفاظك ترا زوجك انا مو واحد من اخوانك بعدين وش اللي قلته قلت ابيك تسولفين لي صرت قذر؟لان ابيك انتي اللي تسولفين
بانفعال وعصبيه :ايه قذر ونص مسوي بريء فوق راسي ماخذني احتياط روح خلها تسولف عليك
فهد :تقصدين مين انتي!
ليال بققت عينها بغيره :بعد يعني اكثر من وحده علمني اخ فهد جود ومين بعد! الله لايجود عليك ياحيوان
فهد فطس من الضحك اول مافهم ان تصرفاتها وزعلها غيره من الاسم دنق من كثر الضحك هو يمسك بطنه
ليال مشت اتجاه الغرفه ردة فعله تنرفز رجعت بعدم تحمل من ضحكه اللي يزيد بغيض وقهر عضته من عضده بقوه وهي تشد شعره وتعضه اكثر فهد صدق يتألم بس كان ميت ضحك صرخ بآلم وهو يضحك مايقدر يدفها :يابببنتت هيي
ليال وخرت منه وتعدل نفسها :تستاهل نرجع السعوديه الحين واطلقك اوريك يا وصخ
كان مصدوم ويضحك ضحك هستيري دخلت الغرفه وقفلت عليها رمت شنطته من السرير وضربتها ماله دخل الشنطه بس اي شي يخصه يستفزها وانسدحت تجاهد نفسها ماتبكي فقدت السيطرة على نفسها وبكت بقهر اول يوم لها في حياتها الجديدة تكتشف زوجها يكلم ولا بعد واضح انه اكثر من بنت وردة فعله انه يضحك
بعد نوبة من الضحك ماينكر انه فرحان بغيرتها وراضي بالعذاب اللي بتطلعه من عيونه عدل تشيرته يحاول يمسك ضحكته ردة فعلها ضحكته وصدمته ماتوقع بتوصل فيها انها تمد يدها عليه دق الباب بهدوء:ليال!
ماسمع الجواب :افتحي نتفاهم والله مو بنت والله خذي جوالي وشوفي
ماردت ولا راح ترد عليه بعد الهجوم اللي جاه فضل انه ينتظرها لين تهدا وتفتح قعد ينتظرها
بعد ماخلصت من البكي والدعاوي عليه وعلى االبنات اللي بخيالها غسلت وجهها اللي منتفخ من البكي فتحت القفل ورجعت تبي تنسدح اول ماسمع صوت القفل وقت واسرع بخطواته يلحقها فتح الباب والابتسامه شاقه وجه مسك يدها :ههوبب على وين !! نتفاهم ياحلو
تحاول تبعد يده:ابعد عني لو سمحت
حضنها من ظهرها بعناد وبقوه عشان يقدر يسيطر على حركتها :ابشري بس لين نتفاهم اول لين ابرر نفسي
ليال تحاول ماتضعف بصوت يميل للبكي تعض شفايفها :فهد تكفى خلاص
دارت الدنيا بفهد ماتوقع انه بتبكي لفها عليه اول ماشاف وجهها المتورم من الدموع وتحاول تمسك نفسها ضمها لحضنه:افا يابنتي تبكين !
نزلت دموعها ضربته على صدره لان خلاها تبكي قدامه :ياحيوان
ضحك بوجع انبسط انها تغار بس لاتبكي بدال مايفرح انها غيرانه تضايق انها تبكي
مشى وهو حاضنها جلس وجلسها على فخذه :امسحي دموعك مو بصاحيه انتي! وشلون تفكرين اني بناظر لغيرك وانتي اصلا معمتني عنهم! والله واللي خلـق هالروح فيني اني ما اكلم بنات واذا تقصدين اسم جودي
خزته اول مانطق الاسم وهي كارهه طاريها
كان يدور المحادثات:والله انه خويي حتى وليد مسميه نفس الاسم
ليال ببحه :وش اسمه !!
فهد ببتسامه:اسمه امجد بس نناديه جودي لموضوع يعني مااقدر اقوله هو طقطقه عليه وازيدك من الشعر بيت انه هو اللي حاجز لنا السفره
ليال جت بتوقف
فهد يمسكها:على وين ؟من امس وانتي مطلعه عيني يكفي اني رايح اجيب العشاء واخر شي سحبتي علي ونمتي
ليال بفشله ماتناظر فيه وتلعب باظافرها :محد قالك تسميه كذا
قرب منها وباس عينها بحُب:من ايام الملكه وانا الحياه محلوه فيني لاني أحبك اجل لو بادلتني الحب وش بصير فيني!
تقشعر جسمها من القبله وكلامه واعترافه اللي مو وقته ابد تحس بفراشات ماتوقعت ولا واحد بالميه يعترف لها او يكن لها شعُور
قرب يقبلها بحب اختلطت انفاسه بانفاسها شالها للسرير ناوي القرب منها ولا له القدره انه يتحمل 🌚...
مر الاسبوع بدون احداث مهمه ردينا بدت بالاجراءات وكثرت طلعاتها كانت تطلع هي والبنات لبيت ابوها يضبطونه
معها وكان الامر من الجد بعد ماعرف قصة ردينا حاولت ترفض بس اجبروها ورضت رغم الخجل منهم ومن كرمهم بس مابيدها حيله وبدت تدور لها وظيفه تساعدها اذا نقلت البيت
ليال رجعتها يوم الجمعه فهد عايش اجمل ايام حياته ليال سعيده معها تعرفت عليه اكثر وبدت تتعلق فيه او بالاصح هو بأسلوبه جذبها له اكثر رغم انهم يتهاوشون ويتراضون بسرعه
"الجمعه بالمستشفى تحديدًا"
دخلت ردينا للغرفه المتعوده عليها من ثلاث سنين ماتغيرت ابد من ثلاث سنين وعندها امل ان اخوها بيصحى رغم الكلام وللتجريح اللي يجيها ان اخوها بيموت او اصلا اخوها ميت ماله داعي تجينه كانت تطنش كلامهم وتجلس عند اخوه بساعات تسولف له وتقول كل شي يصير لها بس ذي الفتره ماجته واشتاقت له مره وتحتاجه رغم انه مايسمعها او يتفاعل معها الا انه وجوده وشوفته ترد روحها
دخلت الغرفه كانت فاضيه والسرير فاضي لفت حولينها الغرفه فعلا فاضيه راحت الحمام مافي احد ركضت لسرير وخرت البطانيه نزلت تحت السرير فتحت الدرج كانها مجنونه بكت بخوف طلعت من الغرفه تركض تبكي راحت للاستقبال :اخوي مالقيته بالغرفه وينه
الموظفه وقفت :اهدي حبيبتي واي غرفه
ردينا هي تبكي تخاف تقولها وتقول ان اخوها مات جلست بالارض ماله قدره تفقد احد ماعاد تقوى على الفراق وهي تشهق من البكاء
عمها اللي جا يركض للاستقبال لان غرفة ولد اخوه فاضيه اول ماشاف ردينا بالارض وتبكي طرا في باله انه مات ركض بخوف وحزن على حال ردينا
الموظفه راحت له تهديها
قرب عمها بتسائل :مات؟
ردينا لفت لعمها وضمته بقوه وكلامهم يتردد في بالها وهي كانت تنكر الحقيقه لما قال بيموت وبيتركهها وكانت ترفض تصدقهم بكت بحرقه وحزن على حالها حياتها كل مالها تسوء مايمديها تفرح الا تضيق
الموظفه:ممكن تعطوني البيانات حقت المريض؟
ابو عوض يعطيها اسم ولد اخوه يحاول يرفع ردينا عن الأرض رجلها مو قادره تشيلها
الموظفه :هو كان بغيبوبه بس صحى منها بغرفة***
ردينا شهقت تحاول توقف :انا بحلم؟
ابو عوض ضحك بفرحه:امشي امشي
ركضت ردينا تدور الغرفه والناس كانت تناظرها باستغراب لمنظرها المبهذل تضحك بفرحه وعيونها تدمع مشاعرها متلخبطه بس كانت دموعها فرح اطول مسافه مرت عليها وهي تدور الغرفه واخيرا لقت الغرفه ماهي قادره تسيطر على مشاعرها ماتنلام اخوها بعد ثلاث سنين يصحى من الغيبوبه كانوا فاقدين الامل انه يصحى الا هي كانت ميقنه ايقان تأم بآنه راح يصحى فتحت الباب صرخت باسمه بشوق :ءءاا نوواافف !!
لف عليها نواف وملامح التعب واضحه عليه حاول يعدل جلسته
ركضت لها تضمه صوتها مبحوح :يانواف انت حي يانواف
بكى نواف هو درى بأهله كآن متأزم نفسيًا ابشع خبر يقوم من الغيبوبه يدري باان اهله ماتو ضمها بقوه:يجعل نواف يفداك لاتبكين ياعين اخوك
زادت بالبكاء وكانه يقولها ابكي اشتاقت لحنيته اشتاقت لريحته لكل شيء اتفه الاشياء منه اشتاقت لها مافي أصعب ان تكون بدون اهل وسند ياخذ حقك ويهتم فيك وخرت عنها وتتأكد انه نواف رجعت تضمه تدعي بداخلها مو حلم
ابو عوض يتنحتح:تسمحون لي ؟ولا اخليكم
نواف يمسح دموعه ويبتسم لعمه وخرت ردينا تعطي مجال لعمها يسلم سلم عليه واستأذن تركهم لحالهم يطفون نيران شوقهم لبعض
جلست بنهاية السرير مو مصدقه اللي قدامها نواف قرب لها نواف يمسح دمعتها بحنيه :كيف الدنيا معك!
غمضت عينها دموعها تنزل لاراديا بشوق :يالله يانواف اشتقت لحنيتك ثلاث سنين وانا على يقين انك بتقوم ثلاث سنين من الجحيم ماقدرت تكمل بكت ضمها نواف والواضح انه اخته عاشت بجحيم بكى كان يحاول يكون صبور بس ضعف عند دموع اخته ضمو بعض وكل واحد يبكي اكثر من الثاني مفجوع من خبر اهله وقومته بعد ثلاث سنين واخته اللي ملامح التعب فيها نحيفه ماهي على عهده قبل
..........
عند الحلوين وصلوا السعوديه واستقبلهم ليث
هم بالسياره متوجهين لبيت فهد
ليث :حي الله حرم فهد نورت السعوديه
ليال بحياء؛بنورك
ليث:ترا العشاء عندي جدي مو عند ابوي
فهد مصدع :ليه!
ليث:عيى جدي الا يكون عنده
فهد بنرفزه:ياليل بيعزم امة محمد الحين
ليث بضحكه:ابوي كل شوي يكلمه وياكد عليه مايعزم بس جدي وكلنا نعرفه بيعزم الاموات حتى
فهد صد عنه وهو متنرفز ماكان يبي اصلا العزيمه بس ابوه عيى
وصلوا ليث:بجيب لكم غداء وانتهى ترا جاهز
فهد :الله يعطيك العافيه ونردها لك
نزل وفتح لليال الباب واخذ الشنط من الدبه حرك ليث
ليال تناظر البيت بدهشه :هذا للبيت لنا!
فهد يطلع المفتاح؛لا للجماعه
ليال كشرت :سخيف
فهد يفتح الباب لها :اندري عنك ادخلي بس
دخلت بصدمه من كبر البيت فكت نقابها وعبايتها
فهد يشغل المكيفات البيت مشت وراه ليال تستكشف البيت فهد يشوف الساعه:انا بنام لي شوي اذا بتنامين حطي منبه عشان نقوم لا نسحب عليهم
ليال وهي اصلا مافيها نوم :تمام
فهد رفع حواجبه باستغراب :مابتنامين؟
ليال:لا مافيني نوم
فهد مشى ويتحلطم :سبحان الله مافيها نوم طول الاسبوع نايمه
ليال رفعت صوتها:ترا اسمعك
فهد لف عليها :اسمعي طيب ويارب تفهمين
طلع فوق يغير وينام طنشته ليال جلست على الكنبه تتابع مسلسلها
.................
بالمكتب عند تركي بيموت من الصدع
دخل عبدالله جايب معه قهوه دق الباب:سلام!
تركي مكشر بملامحه :هلا
عبدالله يحط القهوه بطاوله:عسى ماشر !ايش الفوضى اللي انت عايش فيها!
تركي لمح بطرف عينه :عبدالله مالي خلق اللي فيني مكفيني
عبدالله سكر لابتوب تركي :امش اجلس معي نتفاهم !
تركي زفر بضيق وقف وهو من امس مانام من القهر :انت مستوعب وش سوت!!!تركت كل الناس ومالقت تخطب لي الا ديم مااشوفها كزوجه مو قصور فيه بس انا رجال حاط براسي وحده ولا ابي ديم وش اللي قلته غلط!!!
عبدالله فضل انه يسكت ويخليه يكمل
تركي بعصبيه صفق بطاوله :تدري وش اللي قاهرني اكثر خاطبين البنت من سنه وتوهم يفكرون يقولون لي ياخي الله يلعن العيشه الخرا ذي
عبدالله:خلصت!
تركي كشر:لا
عبدالله:تعوذ من ابليس ماله داعي العصبيه الزايده روح كلم عمي وتعذر منه والامور بسيطه
تركي ضحكه بنرفزه:تبي تستفزني!
عبدالله ببتسامه؛ليش وش قلت
تركي :وش اقول لعمي عم خطبت بنتك بدون ماادري !
عبدالله: قول لامك اجل تتعذر من خالتي وترا خالتي بتاخذها برحابة صدر روحها رياضيه
تركي:خالتك رضت البنت بترضى!سنه معلقه اخر شي تتكنسل؟
عبدالله:صار شي رسمي؟ماصار غير كلام حريم وخل الحريم يتصرفون ليش تهج من البيت كانك مراهق !
تركي ماله خلق للمزح:عبود مالي خلق لمزحك
ضحك عبدالله:دام قلت عبود يعني روقت روق ياتروك وعلمني البنت اللي براسك مين!
تركي يجحد:قلتها بشكل مجازي
عبدالله:مجازي؟ مجازي وش
تركي وقف برفع اكمامه:بروح اتوضى واصلي ابرك لي
عبدالله يشوف الساعه:ياهوو اي صلاه!!
تركي:استغفرالله صلاة العصر ماصليتها
عبدالله:من الجوال من ردئك يالخسيس الحين بنصلي المغرب قال صلاة العصر اعوذبالله من الصحبه السيئه
تركي سحب عليه وعبدالله يتحطلم ويسب في تركي
...........
فتح عينه بانزعاج من الاتصالات تافف ويدور جواله شاف المتصل امه رد :سمي!
ام ليث:وينك يمه ندق عليكم ماتردون؟
فهد وخر الجوال من اذنه يشوف الساعه :توني صحيت شويات وبنجي لبيت جدي على طول لا تنتظروني
ام ليث:ابشر
