يـطري عـلـيه الـولـه وأطـري علـى بـاله

Part 3

تركي بعصبيه: وليد انت ماخليت في الولد عظم صاحي لعبت فيه لعب وتقول ليش اتدخل
وليد اللي قام
الجد بصراخ:ماشاءالله تضاربوا قدامي احسن؟اجلس ياوليد
فهد مسك وليد وجلسه
الجد:ماعاد الا انتم ياعيال اليوم تتضاربون قدامي!انطق وقول
اللي جوفك
وليد اللي مو طايق احد: فزاع غلط علي وعلى اهلي ولا تحسبون ان ضربي له امس راح اعديه والله ما اخليه ابن الكلب
سعود اللي زقت معه لا هو اللي فهم ولا هو اللي قدر يهجدهم :غلط بوش تكلم انطق من امس وانتم حارقين اعصابنا
وليد حكى لهم هو مايدري اللي سواه صح او لا بس يدري ان هزاع ماراح يعدي ان اخوه انضرب بيتهم
نرجع لامس
طلع فزاع يدخن وراح للحوش الخلفي ماكان له نيه ابدا انه يسوي شي  صدق يكـره ابو ليال لانه قد فشله وطرده من الشركه هو بينتقم منه بس ماكان عنده خطه ولا كان وده يستعجل يبي يمسكه من يده اللي تعوره فعلًا  يدري انه عنده بنته واسمها ليال بس مايدري اي سنه
عند ليال اللي وليد ارسل لها  تعطيه شاحن لان جواله بيطفى وقال هو بيجي للحوش الخلفي لحسن حظه كانت رسايل مو اتصال حتى لو صار شي محد صدقه بينهم رسايل
جاء للحوش الخلفي وليال معها الشاحن وغيم تناديها
فزاع اللي كان يدخن سمع اسمها وجاه فضول يشوفها
شافها فزاع ولا ماشاف مو مستوعب بينه وبين نفسه هذي انسانه نفسنا؟
حسبي عليك يامحمد والانتاج  ، ماينكر ان محمد وعياله حلوين بس بنسبه له ليال كابنت جميله وجداً عليه
ليال ما انتبهت انه مو وليد مشغوله بجوالها بعد ماقالت لها غيم ان الدكتوره ارسلت عندهم كويز بكره حضوري تمد له الشاحن:هاك
على جية وليد اللي انصدم  اخته واقفه وقدامها فزاع وفزاع الوصخ اللي مسك يدها بدون مايمسك الشاحن صرخ وليد عليه ونط عليه صفقه تصفيق وشتمه جميع الشتائم
فزاع اللي ماقدر يبعد عنه وليد لان وليد اعرض منه وهو يعتبر ولا شي عنده ليال اللي تجمدت ولا استوعبت الا لما وليد صرخ عليها غيم اللي شهدت الموقف وعلى طول دقت على فهد قالت في صراخ برا بدون ماتقول ان وليد هو اللي يتضارب
طلع فهد مسرع ولحقه سعود اللي شاف وجه فهد تغير
فهد اللي سمع صراخ وليد من مكالمة غيم
سعود يلحق فهد وماسك شماغه :ياولد اشفيه
فهد طنشه مارد وطار شماغه اول ما وصلوا سحبوا وليد اللي كان فوق فزاع ويضرب فيه ضرب  وليد اللي وجهه احمر وعروقه برزت  خشمه يصب دم من كثر ماصرخ وعصب فهد اللي شل فزاع هزاع اللي كان طالع يشوف اخوه وين راح اول ماشاف فهد وسعود يركضون ركض وراهم
مايدري ليه ركض بس ماتطمن حس اخوه فيه شي وفعلًا احساسه بمحله اخو حالته حاله وفهد ماسكه وسعود يحاول يمسك وليد اللي منفعل بشكل يخوف
هزاع اعتزا اول ماشاف اخو تقشعر شعر جسمه:اخو سلمى ركض يمسك فزاع  اللي تقريبًا مو مستوعب يحس بدوخه وجه دم ثوبه دم حتى زرار الثوب مو موجود الجيب مشقوق حالته حاله متصفق تصفيق
فهد اللي انحرج  سعود على طول اخذ وليد عشان مايصير نقاش ويتضاربون
فزاع بالم هو يالله يتكلم :خذني للبيت
هزاع بينجن:مين اللي مسوي فيك كذا!!
من حالة وليد تدل ان هو اللي ضارب بس وليد مو حق مشاكل ابدا مسالم يعرفه
فهد يحك جبينه بااحراج :وليد بس صدقني وليد مايضرب عبث شوف اخوك وش سوا وليش هو  بالحوش الخلفي!
راح فهد لان اصلا مايدري شسالفه اذا قعد بيسمع كلام من هزاع وبيمد يده هو في غنى عن المشاكل
جا شاف سعود يناظر وليد اشر لسعود يعني عرفت وش صار ؟
هز راسه سعود بـ لا فهد اخذ شماغ وليد واغراضه من الارض دخلوا  المطبخ وسعود اللي راح يبي يشوف فزاع وين بس ماشاف احد قدامه اخذ الفناجيل من ليث وقاله صارت هوشه بس مايدرون شسالفه
..
الواقع.
تركي اللي ضرب الطاوله بقهر وده يرجع امس ويصفق هزاع وفزاع بغضب توه يفهم كلام فزاع :ابن الكلب هو لمح لي امس انها خطه منا
وليد اللي يحس غضبه يتجدد اكثر واكثر  لدرجه نزف خشمه بدون مايحس
الجد بعصبيه:توكم تتكلمون !! ماكنتم ناويين تتكلمون الموضوع ماينسكت عنه
الجده اللي اختلعت اول ماشافت الدم: بسم الله عليك ركضت تعطيه فاين