ركضت ردينا تقفل الباب الغرفه الثانيه عليها تكت على باب الغرفه بخوف
عوض تروش وطلع يلبس قرب من غرفة ردينا وناوي عليها
ام عوض من ورا باب غرفتهم؛عوض يمه تاخرت على الصلاه
توجه عوض للباب يطلع للصلاه متوعد بردينا
ردينا كانت تسمعهم على طول لبست حجابها وضبطت شكلها عشان تنزل قبل مايجي للغرفه مابيسوي شي لها قدامهم
نزلت بعد مامرت خمس دقايق وتاكدت ماراح تصادفه قابلت مرت عمها بدرج:صباح الخير كان رجعتي تنامين ونجيب الفطور عندك
ردينا بينها وبين نفسها الله ياخذك انتي ولدك:صباح النور
نزلت ماعطتها فرصه تتكلم وتوجهت للمطبخ وهي بتموت جوع اكلت وهي واقفه
امجاد "اخت عوض": ترا معزومين عند خالتي
ردينا:بالله
امجاد:اي احنا طبعا انتي لا
ردينا بعدم اهتمام:بالعافيه عليكم
طلعت للغرفتها وعرفت سبب كشخت عوض لان بيقابل حبيبته اللي تصير بنت خالته قفلت عليها الغرفه ومتاكده ماراح يرجع وتطمنت من ذي الناحيه
انسدحت على السرير وفتحت جوالها تشوف قروب الجامعه وش مرسلين ماعندها صديقات ولا لها نيه تتعرف على احد من الجامعه للبيت او المستشفى لاخوها
"ببيت الجد"
تغدوا البنات لحالهم والشباب مع جدهم وجدتهم
وليال نايمه للحين
جلسوا بصاله البنات ويشربون شاهي ويسولفون عن امس
غيم تسولف متحمسه وجالسه بالارض متربعه وبنص السالفه بحماس لفت على لدُن:تكفين قومي جيبي حلا عشات تحلا السوالف
لدُن بزهق:انا ابي سوالفك تخلص تقولين قومي جيبي حلا
غيم :ياليلل لدُن قومي
لدُن بعناد:مافيه نادي العاملات يجيبون لك
غيم:لو احنا بيتنا كان ناديتهم بس بيت جدي تبينه يسفل فيني
رتيل قامت:خلاص بقوم انا
جابت الحلا :بنات جدي يقول تعالوا عنده
غيم ؛لا تكفون ابي احش ماقدر اسولف هناك
ديم:اي ابي اخذ راحتي بالجلسه
رتيل ؛ترا مابقى غير خوانكم وسعود
لدُن:وش جلسهم
رتيل:خوانك اساليهم وش عرفني عنهم
لدُن:ماقلت شي طيب
ديم:امشوا وانا بسوي شاهي واجيكم
غيم:حلا وشاهي ولا ماكلين سمك بعد المعده تطلب الرحمه
ضحكت رتيل تشاور غيم : تكفين قولي لاخوك يجيب لنا قهوه من عندهم ترا خشيت الحلا الزين
ضحكت غيم :تفهمين وربي تم تم
دخلوا عند جدهم
غيم بصوت عالي:يامرحبا يامرحبا تو مانور المكان بوجودي
فهد:منور فينا ياحماره واجلسي
الجده:يازينك وانتي مررقه وياشينك لا قلبت اخلاقك
الجد؛خلوها تسولف ولاتقلب بوجهه علينا
غيم بتانيب ضمير: لهدرجه كنت نفسيه
ليث: ماتنعطين وجه والله
الجد :تعالي جنبي واطربيني بضحكتك
ضحكت غيم :اخاف اجي جنبك وجدتي تغار
الجد:جدتك محد يجي مكانها
لدُن:ايوه الحين لقطي جبتهك مسويه ظريفه علينا
ليث مات من الضحك
غيم جلست جنب جدها:بجلس جنبك مو حب فيك عشان اقهر بعض الناس
الجد ضحك:اهم شي تجلسين عندي
الجده:لدُن تعالي عندي انتي ورتيل خلي العوبه مع جدك
جلسوا رتيل ولدُن
غيم:ودي اتكلم بس المشكلة انك جدتي
فهد:اهجدي
سعود بطقطقه:لعلك تحمستي يا اختاه
الجد:شعليكم منهم تكلمي ولا عليك من احد اعطيك الضوء الاخضر
دخلت ديم وهي معها الشاهي:سلام عليكم
ليث قام عشان يشيل عنها
سعود:بيض الله وجهك يابنت العم
ديم ببتسامه؛وجهك ابيض
لبث صب لجده وعطاه
غيم كانت تناظرهم شاورت جدها:لايقين لبعض شرايكم نزوجهم
الجد طلع الشاهي من فمه وشرق فيه وهو يضحك
انخرشت غيم
الجده قامت بخوف:بسم الله عليك
قاموا الشباب عنده
الجد كان ميت ضحك ويكح
ليث؛الله ياخذك وش قلتي له
هدا الجد من الضحك :حسبي على عدوك
لدُن:مسكين الله من اليوم يقول اطربينا واخر شي بغى يموت
ضحكوا جلسوا والجد كل ماشاف سعود يسولف مع ديم يرجع يضحك
سعود:والله يازوجة اخوي لو تطلعين متكلمه فيني اني لا اتكلم عليك عند زوجك
غيم:خذ راحتك
فهد :يعني متكلمه فيه
الجده:يوه وش فيكم على البنت
الجد توه ينتبه:وين ليال
رتيل:نايمه
سعود بقلق:احد شاف سكرها؟
ديم:اي قبل مااجي شفته
غيم ناظرت جدها:قلت لك لايقين
الجد ضحك:يابنت الناس خليني اشرب الشاهي زين
فهد ضحك وكانه فهم عليها:والله عند ابوي
غيم لامبالاه:عادي مابيسوي شي
الجد:اي والله مايسوي لك شي وانا موجود
غيم باست يده وتكت على الكنبه:فخر الامه العربيه
الجده:لدُن يمه روحي شوفي ليال صار العصر ماصارت
سعود:انا اروح لها
الجد:وش يقومك انت اقعد
غيم وقفت:معليش ماقدر اقعد اكثر من كذا بدونها
ليث:عزت الله راحت فيها
لدُن:بجي معك اصبري
راحت غيم ولحقتها لدُن
سعود بصوت عالي :بشويش على اختي لو سمحتوا يعني
فهد اللي كان مستمع لنقاشهم وملاحظ نظرات جده وجدته لما يجيبون طاري ليال ومسوي نفسه مو فاهم عليهم
الجد:انا بروح اقيل لي شوي
الجده:يمه رتيل روحي للبنات لا يتهاوشون
الجد يمسك عصاته ويوقف ويتسند عليها :لاتروحين خليهم مابيسوون شي ماغير يقومون ذيك تصلي راح الوقت وهي نايمه
الجده:ماعليها صلاه خلها تقوم تاكل لها كم لقمه
رتيل وديم تمنوا الارض تنشق وتبلعهم من الاحراج رتيل خلته نظرها للجوال ولا ناظرت الشباب
ليث:ياحظكم يالبنات انتم في نعمه
فهد بحده:ليثثث
الجد؛جدتك ماتعرف تمسك فمها
الجده:الله واكبر يامهدي الحين انا ماعرف امسك فمي
الجد:نمزح معك يامره وش فيك تقلبين المواضيع
الجده وقفت :انا بروح انام لي شوي وانتم خذوا راحتكم
الجد:ليكون زعلتي
ليث يضحك:عاشت جدتي اطرديه وتكمل
الجد:تخسي ياقليل الخاتمه
راحت الجده بزعل ولحقها الجد يراضيها
قاموا البنات مالهم وجه يجلسون
"ليال"
نايمه بسابع نومه فتحت الباب غيم شغلت لمبات وطفت المكيف بصوت عالي:ليال ليلو ليلي ليييالل قوميي
ليال تغطي وجهها وتلف الجهة الثانيه بانزعاج
لدُن تضحك بصدمه:ياعزتي لفهد نومها ثقيل
غيم :بنت قووميي يلا بنروح بيوتنا وانتي بس نايمه
لدُن:هذي اللي تقول بنفل امها واخر شي فليتي امها بنوم
ليال وخرت البطانيه بعصبيه:في زق نايم هنا
لدُن:حلو واحنا جالسين نقوم الزق يلا قومي
ضحكت غيم:حبيت
ليال بصراخ:ياكلاببب اطلعوا برا
ديم ورتيل يسمعون صراخهم وهم تحت
ديم بذهول:شفيكم انتم صوتكم واصل لتحت
ليال :ان شاء لله يوصل للجيران بعد وخري الكلبتين من عندي
غيم:افا انا كلبه؟
لدُن ميته ضحك: عاشت ليلو عطيها كلمه ثانيه
رتيل تضحك:خرابت بيوت والله
لدُن تطق صدره :بالخدمه
غيم:قومي صلي يلا خلينا نحش بملكتك
رتيل:ماتصلي
غيم:جتك؟
ليال قامت منفسه وراحت الحمام
