طلعت لدُن قبل ماتنحشر اكثر لحقتها غيم بعد ماتطمنت ان ابوها دخل المكتب ولا هو حولهم
جت لدُن بتقفل الباب دفته غيم :يالخبله انا
لدُن ؛ادري انه انتي اطلعي ابي اغير
غيم باستقعاد :ماراح اطلع لين تعلميني وش مههببه فيه!
لدُن فكت العبايه واتجهت للمرايه تشوف شكلها تجدد الغضب فيها والقهر
غيم انصدمت لما شافت لدُن بالمنظر ذا شعرها مقصوص من ورا والواضح انها طايحه بمشكله كبيره
غيم قربت بهدوء ومسكت يد لدُن ناظرت بجروح يدها ضحكت:شوفي بعترف لك اعتراف عاطفي
ضحكت لدُن من كلمة غيم كملت غيم :مااحب اشوفك كذا يعني اوكيه انا اضربك اعنفك بس محد يحق له يسوي لك كذا
بكت لدُن ضمتها غيم بقوه
لدُن تبكي بقهر :قهروني مره
وخرت لدُن من حضن غيم غيم ابتسمت لها ومن داخله بتموت قهر على اختها مسحت دموع لدُن :تروشي بعدين تعالي لي وقطي ملابسك ذي
لدُن:تمام
____________________
"ردينا"
جالسه وتناظر عوض اللي مندمج ويكلم حبيبته ولا هو حولها ويسجل فويسات لها وغرقان بالحب
لف شاف ردينا سرحانه فيه عدل جلسته وتربع واشر لردينا عشان تنتبه له لان واضح انها سرحانه من ملامح وجهها اللي جامده
انتبهت ردينا له :ءءا هلاا
عوض تنهد :ابي اكلمك بشيء يخصنا
رجف جسم ردينا حست بقشعريره وهي بعيد عنه هو بسرير وهي بالكنبه :وءءوش
عوض :تعالي عندي ترا ما باكلك
ردينا بسخريه:لا احسن لي ولك ولحبيبتك
عوض:معليك ماتغريني انتي لاصرتي بعيوني انك انثى ذاك الوقت انغري لك
ردينا ضحكت باستهزاء :السالفه مو اغراء هذا اولآ ثانيًا اذا بنتكلم عن انوثتي صير رجال عشان اصير انثى بعينك
عوض رفع حاجبه بقهر من ردها اللي الجمه ولا عرف كيف يرد:مسوي تحشريني؟واو فله فجرتي جبهتي؟
ردينا:من متى الحقيقه تعتبر تفجير جبهه؟
عوض بصدمه من ردودها:شعندك انتي مستقويه مين معطيك القوه!
ردينا:قوتي من الله عاد مدري اذا تعرف شي اسمه الله
عوض:اسكتي لا اهفك بكف يطير ضروس الارنب
ردينا :عاد شوف من يتكلم
عوض رفع صوته بقهر :طايل لسانك والله
ردينا:ايه بيطول دام اللي قدامي واحد مثلك
عوض يحاول يمسك اعصابه :ردينا والله ما ودي اضربك بس انتي جالسه تجبريني اقوم اذبحك مو بس اضربك
استحقرته بقرف
عوض طنش نظراتها ولا هو قادر يمد يده لان وعد حبيبة قلبه مايسولف مع ردينا ولا يقرب منها وردينا كانت تسمعهم هو كيف خايف على زعلها زعلت ردينا ان مصيرها معلق بحبيبته متى ماتبي هي وعلى كيفها يمشي عوض
عوض بتردد:ترا ملكتي على اريام يوم الجمعه
انصدمت ردينا مو في زواجه منها صدمته انه بلغها
عوض لاحظ صدمتها تكلم بكل صدق:ادري تقولين اني ليش علمتك بس حسيت لازم تعرفين مني انا من يوم وعيت وانا احب اريام لو مو حادث ابوك واصرار ابوي انه ياخذك من جدك كان مو ذا حالنا كان عندي ولد او بنت من اللي احبها ولا اجبرك تحضرين ملكتي اصلا بطلع من ذا البيت وبخليك عند ابوي ماابي اظلم اريام ولا اظلمك انا استاجرت خلاص شقه ودفعت عربون بعد
غمضت عيونها ردينا من كلامه :اول شي آلف مبروك والله يتمم لك على خير ثانيًا حالك انقلب بس بنهايه اخذت اللي انت تبيها
انا لا اخذت اللي ابيه وصرت تحت مسمى زوجتك واجمل شي عندي راحو ف لاتظن انك ضحيه واني بتعاطف مع كلامك
واذا عن الظلم جا منك اللي يكفي وزود بس مااقول غير حسبي الله والشيء الوحيد اللي ابيك تكمله تطلقني
عوض بانزعاج:تدرين الشرهه مو عليك على اللي يعلمك
ردينا وقفت وتوجهت لغرفتها لان لو قعدت دقيقه معه بتذبحه :الله ياخذكم كلكم
دخلت غرفته وقفلت الباب بالمفتاح رمت الاغراض من على فراشها وانسدحت بقهر وعيونها تغورقت رفعت راسها فوق تمنع دموعها ماتنزل
__________
عند بطلتنا ليـال جالسه بصاله مع امها وليد اللي منسدح على فخذ امه ومستمع لسوالف امه لف وليد على ليال اللي تناظر بجوالها وتهوجس :وين الحلو وصل؟
انتبهت له :وصلت للمريخ
ضحك:عسى لقيت شي يجذبك؟
ليال:اوه اشياء بعد
ام عبدالله :اليوم تروحين السوق تخلصين اغراضك تسمعين
ليال ماسويه نفسها ماتسمع
وليد كاتم ضحكته:وش فيكم؟
ام عبدالله معصبه من برود ليال:ماباقي شي على زواجها ولا سوت شي ولا شرت
ليال ببرود:ترا زواج مو بنقطع عن العالم كل شي عندي اذا نقصني شي شريت ليش مكبرين الموضوع
وليد ضحك:والله انك زوجه كفو تحبين الاقتصاد يارب غيم نفسك
ام عبدالله:انتم بتجلطوني والله
عبدالله :عسى ماشر وش مسوين في امي
ام عبدالله:تعال تعال تفاهم مع ذي
عبدالله يحط الاكياس بطاوله وجلس :وش فيك ليال!
ليال ناظرته ببرود وتكتفت:مافي شي
ام عبدالله :وش اللي مافيه شي كم مره قلت لك لاعاد تعاملينا بببرودك ذا ماتبي تروح تنجز اغراضها ماباقي شي على زواج يكفي ان الزواج عائلي بنتي وحيدتي ومره في العمر افرح فيها وعائلي
ليال بنرفزه:قولي من اول كذا مو زواج زواجي انا حرّه في اختياري واغراضي كامله وبعدين ليش تكبير المواضيع
عبدالله بحده:ليال تكلمي مع امي زين
قامت ليال وطلعت من الصاله لغرفتها
ام عبدالله:هذي اللي فالحه فيها تنخشين في غرفتك
وليد يهدي الوضع:يمه وش فيك شادتها هدي
ام عبدالله دفته من حضنها:قوم من حضني لا اشد وجهك
قامت ام عبدالله للمطبخ وهي واصله حدها ماتحب اسلوب ليال البارد ولا تحبها تزعل منها
عبدالله تنهد ورجع ظهره للكنب
وليد:روح كلم ليال
عبدالله:والله مالي خلق خلها تهجد شوي بعدين اروح لها
وليد يناظر بطاوله ضحك لما شاف حلا اللي تحبه امه وليال جايبه عبدالله :كانك داري بتصير هوشه وبتراضيهم فيه
ضحك عبدالله بخفه :انت بخير
وليد:من اي ناحيه؟
عبدالله خزه
وليد:ياخي نمزح نمزح محذوف المزح من قاموسكم عايله للبيع والله
عبدالله :واضح انك بخير مافيك عله دق على فهد وطمنه عليك
وليد :مالي خلق والله
عبدالله:بكيفك انا بروح اشوف امي
وليد:وين اللي يقول ماله خلق
طنشه عبدالله وراح لامه اللي تجهز الغدا :ياحلو ام عبود وهي مروقه ليش تعصبين وتحرقين اعصابك
ام عبدالله :منكم اعصب ابي الزين لكم امن بالله ماتبي زواج تبي عائلي سكتنا بس حتى اغراض الزواج ماتبي ملكتها ماسوت فيها شي انا وخالتك وعمتك قمنا فيها بتجلطني اختك
عبدالله:طيب ليه ماخليتني اكلمها انا كلمتها عشان الزواج وترا بدت تقتنع الحين بتعاند
ام عبدالله:انا امها وش اللي ليه كلمتها وتبغى تعاند مع نفسها وش ذنب فهد يوم انه يبتلي في وحده بارده
ليال اللي ارسل لها وليد تنزل تبوس راس امها انها زعلانه
كانت عند الباب ومستمعه لكلام امها تحاول تمسك نفسها:وش اللي وش ذنب فهد ؟
