لدُن:حبيبتي مو وقت مزحك الخايس
غيم وهي تبلع ريقها :وربي ما اكذب الباب لقيته مفتوح او احنا ماسكرنا الباب
ديم :مين اخر وحده؟متاكدين ان احنا قفلنا الباب
رتيل بقمطه :امشوا نروح اي غرفه اول ونقفل علينا الباب بعدين نسأل قفلنا او لا
ما امدا تخلص جملتها والصوت كان قريب منهم جداً
البنات جتهم ام الركب ركضوا على اول غرفه وغيم كانت تدور المفتاح اللي كان معلق رمته لها ليال قفلت الباب وتكت عليه بخوف ناظروا بعض ديم برجفه وتاشر لهم انهم يسكتون طفت لمبات الغرفه جلسوا قريب من الباب كانت غرفه فاضيه مافيها اثاث
لدُن بخوف :بنات دقوا على احد تكفون
ديم تفتح شنطتها تدور جوالها:جوالي بصاله
رتيل بكت من الخوف
ليال والدنيا تدور فيها مسكت جوالها برجفه ترسل بقروب خوانها نقطه محد رد عرفت محد حولها دقت واتس تنتظر احد ينتبه للجوال
غيم وخرت من الباب تقصر صوتها :رتيل قصري صوتك تكفين كلنا خايفين بس هدي انتي
ديم ضمت رتيل ولدُن وكلهم بكوا من الخوف
تنهدت غيم وهي تقرب من الدريشه تشوف في احد
ليال قربت منها وماسكه جوالها وتنتظر احد يرد
غيم:محد رد؟
ليال برجفه :لا
غيم تلقاها من الفستان ولا من اللي يبكون مسحت وجهها بيدها
ارسل سعود :"؟ "ودق على طول
ردت ليال ويلاه طلع صوتها من الخوف:سعود تكفى تعال انا ببيت جدي
سعود فز :شفيك وش جابك هنا
ليال رجفت لما سمعت الصوت قرب من الغرفه:تعال بسرعه في احد بالبيت
غيم شهقت لما شافت يحاول يفتح الباب ولا قدر
البنات ناظروا ببعض زاد بكاء رتيل اللي ديم مسكت فم رتيل عشان تمنع شهقاتها ماتطلع
كل وحده فيهم تحس قلبها بيطلع من مكانه من الخوف
غيم جلست رجلها مو قادره تشيلها ليال ارسلت مره ثانيه
سعود اللي اول ماكلمته ليال قام يركض زي المجنون
سأله احد الحاضرين بالحفل ولا رد عليه سعود اللي يركض بجنون وركب سيارته وحرك وقلب عوره من الخوف يدعي من كل قلبه انه يلحق بالوقت المناسب كان يقطع الاشارات يبي يوصل والقاعه بعيد شوي عرق من الخوف على اخته رمى شماغه مكان الراكب
توجه الضيف عند العيال اللي كانو جالسين لان الاغلب يتعاشون ف كانو مجتمعين عيال العم مع بعض من المعارف :ياولد اخوكم طلع يركض وركب سيارته عسى ماشر!
تركي رفع حواجبه:من تقصد
الضيف:ولد محمد الثاني
عبدالله اخذ جواله بيدق على سعود لقى مكالمه بالقروب
اول ما شاف اتصال ليال والرجال اللي قال ان سعود كان يركض نغزه قلبه دق على ليال
دق جوال ليال اللي كان عام انخرشوا البنات
ديم بخوف:قفلييي قفلي
سمع اللي برا الجوال ويدق الباب ويتكلم بس ماكانوا يفهمون وش يقول
ليال ردت بدون ماتتكلم
عبدالله يسمع اللي عند ليال:فيك شي؟
ليال تحاول تتكلم بس كانت تتنفس بقوه وخوف
فز عبدالله تاكد ان ليال فيها شي:انتي بالقاعه ؟
وليد قام لما شاف عبدالله اللي قام وجه تغير
عبدالله يحس شعر جسمه قام من الخوف قفل منها وناظر وليد :دق على سعود بسرعه
وليد دق على سعود بتوتر :وينك ؟
سعود :تعال بيت جدي في احد فيه
ركض وليد :يلا يلا جايك
عبدالله والعيال اللي تاكدوا فيه مصيبه وركضوا كلهم ورا وليد اللي ما كان يرد حركوا سيارتهم
وتاركين وراهم علامات استفهام للضيفان
كله دقايق قليله وسعود اللي نزل بدون مايوقف زين ولا حتى قفل السياره كان زي المجنون مو فاهم وش جاب اخته هنا وكيف بس ان اخته في خطر سبب له جنون مايهم البيت ابد سلامة اخته اهم شي دخل وكان الوضع هادي تلفت حواليه مافي احد
قرب من الباب الرئيسي وكان مفتوح ولمبات تقريبًا اغلبها طافيه
دف الباب بهدوء
دخل صرخ بااسم اخته توجه لصاله اللي اغراض البنات واكلهم موجود بالارض
نادى اسم اخته بخوف عليها
ليال من ورا باب الغرفه :سعود!
سعود قرب لان في غرفتين تطل على الصاله:وينك يابنت!
ليال اللي مجرد ماسمعت صوت سعود بكت فتحت الباب:انا هنا
ضمها سعود ودخلها بحضنه بقوه وخوف بكت ليال من قلبها ورجفت بحضنه
سعود :احد معك؟
ليال بنهيار:البنات معي
سعود اللي سمع صوت خلفه لف وشاف اثنين متلثمين
ويركضون صرخ عليهم سعود مايدري هم اثنين بس ولا اكثر من اثنين :ادخلي داخل ركض وراهم
وهم يركضون ويتكلمون بينهم سعود يصرخ عليهم ويتلفظ جت سياره مسرعه وقفت واخذتهم
كان بيدعمون سعود اللي وقف قدام السياره ويحاول يوقفها
طاح سعود على جية الشباب اللي كانوا بسيارتين
سعود بالم من الطيحه:صور صور لوحه
نزل وليد وقدر ياخذ كم صوره للسياره بس كانت لوحه مشلوله
عبدالله شال سعود من الارض :شصاير؟
تركي :جاك شي؟
سعود :لا بسيطه
فهد:انطق من ذولا
سعود تكى على عبدالله ويمشي للبيت:حراميه عيال كلب
لحقوه الشباب دخلوا الصاله
سعود يتكلم:البنات هنا ترا
فهد بعدم فهم:بنات وش
عبدالله:اي بنات؟
تركي :اختي هنا
ليث ضحك:صبر صبر حراميه البنات هنا وش صاير وناظر الاكل وكانه فهم:قصدك خواتنا هنا؟
سعود جلس :ايه مدري وش جابهم بس دقوا علي وقالوا في احد بالبيت
عبدالله عصب :وينهم
اشر بعيونه سعود للغرفه اللي قدامهم بضبط
عبدالله قام ونادى على اخته وهو يحاول يمسك أعصابه
ليال تناظر البنات بخوف غمضت عيونها وهي تهدي نفسها قامت وقربت من الباب ؛هلا
عبدالله :وش تسوين انتي والاخوات هنا؟
ردت غيم بقهر من اسلوب عبدالله ماتدري هو معصب عليهم او معصب من اللي صار:وش اللي وش نسوي هنا بيت جدي
ليث اللي تنرفز من تدخل اخته بصوت عالي:كلي تبن محد سالك
لدُن ضحكت :كفو اخوي
عبدالله:بيت جدك شفنا وش صار فيكم فيه
ديم قامت تهدي الوضع دام ليث تدخل والله يفصل عليهم :عبدالله ترا جدتي تدري ان احنا هنا والسواق اللي جابنا والمطعم ترا طلبنا واحنا بالقاعه واحنا متفقين ننام مع بعض عند جدتي ماكنا ندري ان الامور بتوصل كذا
