اليوم الثاني
طلعت ليال من المستشفى العايله درت بتعب ليال
بعد صلاة العصر وتحديد بيت ابو عبدالله
جالسين بصاله يسولفون ويطقطقون على بعض كانوا يحاولون يغيرون جوها اللي الى الان ماوضحت لهم انها معترضه او زعلانه او مو متقبله مرضها راضيه وتضحك ولا كنا كانت بالمستشفى وهاديه وهذا شي مخوف ابو عبدالله اللي كان متوقع ردة فعل ليال تكون حزينه او
دق جرس بيتهم
ابوعبدالله:شوف ياولد مين على الباب
سعود تكلم قبل مايستلعن وليد:قوم ياوليد
قام وليد وهو يتوعد بسعود عارف حركاته :ارحب تو تو ما نور البيت
الجد :الله يبقيك
جاء وليد يبي يشيل بدال جده الورد
الجد بحده :اذلف هناك جايبه لحفيدتي مو لك
تفشل وليد:كنت بساعدك والله
الجده تضحك: رافض احد يشيل بداله يقول مايشيل الورد عنه غير ليال
دخل وهوشايل بيده باقة ورد كبيره ويده الثانيه عصـاته
ابو عبدالله قام يرحب فيها
الجد بحب :وين حبيبة جدها
ليال وخرت من ورا ابوها عشان يشوفها جدها فتح الجد يده نطت ليال وضمته وتضحك باس راسها بوسه طويله
سلمت على جدتها
الجد ياشر جنبه: تعالي
جلست بين جدها وجدتها
الجد يعطي ليال :جبنا ورد للورد
ليال ابتسمت
ابو عبدالله:كلفت على نفسك يايبه
على طول اميره تكلمت :اي والله كلفتوا على نفسكم
الـجـد لف عليهم:من حلالكم شي؟
ضحك وليد على وجه ابوه اللي تغير
ضحكت الجده:تستاهل ليال عيوني بعد لفت على ليال : كيفك يمه الحين؟
ليال ببتسامة:بخير الحمدلله
الجد بحنية:حللتي؟
ليال تبتسم:اي مو مرتفع والله
الجد ويحط عصاته ؛ اهم شي تنتبهين على صحتك واكلك والعصبيه الزايده نوخر منها صحتك اهم وخري من الحلا قد ماتقدرين
الـجـده وهي تمسح على ظهرها :ليال قدها ان شاء الله انتبهي لنفسك
ليال ابتسمت بدون ماترد
الجد يغير الموضوع :ترا خوانك بيجون بعد شوي
ابو عبدالله :مرحبا الف سعود شغل مكيف المجلس
راح سعود يشغل المكيف وليد راح يعلم امه اللي بالمطبخ تجهز قهوه لهم
الكل جا عندهم يسلمون على ليال ويتطمنون عليها
غيم اللي شايله ليال شيل اي شي تبيه تقوم تجيبه
ليال بطفش:بنات نطلع غرفتي ؟
ديم:اي يلا
غيم:خلاص انتم اطلعوا انا بجيب القهوه واجي
لدُن بغباء:جيبي حلا تكفين
خزتها غيم شافتهم ليال ضحكت :جيبي حلا للبنات انا ماراح اكل
غيم:لا ياحبي كلنا ماراح ناكل بعدين السكر مُضر يجيب السمنه
مايحتاج خلينا ننحف
لدُن بورطه:اي كنسل
ليال سكتت مالها حيل تجادل من اليوم يهتمون فيها ويسألون كم سكرك طفشت من اسئلتهم والاهتمام الزايد
طلعوا البنات
غيم وهي شايله الفناجيل والدله وطالعه فوق لغرفة ليال
اول ماشافته غيم شهقت
وليد اللي كان طالع من غرفته ويسكر أزرار قميصه مو منتبه رفع عيونه او ماسمع صوت انخرش:بسم الله
غيم مخروشه وبنفس الوقت جتها بكيه واقفه بمكانها ورافعه الفناجيل تغطي وجهها
استوعب وليد ودخل غرفته ركضت غيم لغرفة ليال وتحط الفناجيل بالارض وتهف على وجهها اللي قلب احمر وبتموت من الاحراج
رتيل اللي كانت تصور وقفت التصوير مفجوعه:بسم الله وش فيك
غيم بااحراج :وليد شافني
ليال ضحكت :عادي شوفه شرعيه تعتبر ولا؟
غيم مسكت الفنجال بترميه:اكسره على راسك
رتيل :عاد ليال ماغلطت قالت شوفة شرعية وهي صادقه
لدُن وزان لها الجو:اتوقع خطيبك هو ؟وحُب طفوله هههاايي
ديم ضحكت وهي تشوف غيم دموعها تجمعت:حرام عليكم كلكم على اختي
ليال قامت وهي تضحك تضم غيم الي بكت وتدف ليال عنها وليال غصب تضمها
