وليد :لاتخافين انا وليد
وسعت عينها لما وضحت ملامحه ضربته بقوه على صدره:وش تسوي يامجنون لو احد شافنا !!
وليد بلهفه:تكفين ارفقي بي وخلي الزواج قريب مالي قوه للانتظار
غيم وردت خدوها من الخجل وخاصة المسافه كانت معدومه بينهم :بروح الحين
راحت ركض وخدوها محمره من الخجل
ام عبدالله:غيم وش فيك تركضين!
غيم بورطه:ابي الحمام "اكرم الله القارىء "
راحت دورة المياه تهفف على وجهها المحمر من الخجل داهتمها ريحة عطره وسعت عيونها بخوف طلعت وهي تدور شنطتها تتعطر
ديم:وش فيك انتي !
دخلت لدُن :ليث برا ينتظرنا
غيم تجاهلت ديم وتلبس عبايتها قبل ماتحقق معها تحس الكل يدري والكل بيقفطها
وليد كآن يتأملها وهي تركض ضحك بخفه كان جاي بيسلم على خالته وياخذ امه وسلم على حبيبة قلبه وسحب عليهم ركب السياره والضحكة مرسومه على وجهه
سعود :يااهووو اتكلم مع مين !
وليد يناظره سبحان مبدل الاحوال من وجه السمح الى وجه الاقشر سعود:خير حتى بخيالي داخل فيه
سعود ياشر على عقاله؛اعدل نفسك لا اهجدك بذا وين امي؟
وليد بوهقه:اءءا مدري جايه اتوقع
سعود بنرفزه تفل عليه ونزل يأخذ امه مو نايم زين وعند استلام الفجر واخلاقه ضاربه
وليد يمسح تفال سعود بقرف :الله يقرفك ياوصخ
سعود كان واقف عند باب النساء ينتظر امه طلعت له لدُن
سعود صد عنها:بالله نادي امي
لدُن تنادي خالتها بمكانها :خاله اميره ولدك برا
سعود يلقها من اخوه ولا منها :قصرتي الله يسعدك وخري بس
بعدت عنه ومالها خلق تجادله ركبت السياره
سعود يمشي ويتحلطم ما خلا احد الا وسبه سوا تحديد للكل
طلعت ام عبدالله :سعود يمه وش جابك هنا!
سعود:انتظرك بسياره وجوالك مقفل ارسلت الدلخ لك ولا جاك
أم عبدالله: بعمري منك طافي جوالي والله طولت عليك!
سعود ابتسم لها :لا عادي
راحت معه وهي تتعذر منه لان تدري عنده دوام ومو نايم
...
عند ردينا كانت اسعد لحظاتها تسولف لنواف وعلمته بتفاصيل الممله كل شي صار لها بعد اصرار منه انه تحكي له
نواف من يوم بدت تحكي ردينا مو قادر يجلس بمكانه في نار بداخله يحس غضب الناس كلها بداخله اتجاه عمه وعايلتهم
وش خلوا للغريب اذا الغرباء جالسين يدافعون عن اخته ويساعدونها من الجحيم اللي مفروض يكون لها موئ واحتواء
بمحاوله انه يكتم غيضه وعصبيته ولا يطلعها على اخته :انا اللي بتفاهم معهم لا اشوفك تتدخلين بلكيهم كلهم الحين
ردينا بترجي:لا شكرا مابينا وبينهم غير للمحاكم تكفى يانواف مالي قوه افقدك مره ثانيه انا تعبت وانا وحيده تكفى يانواف
نواف وقف :روحي نادي الدكتور مالي جلسه هنا
ردينا ندمت انها قالت له:مجنون توك صحيت اليوم بعدين الساعه وحده الليل اي دكتور اي خرابيط
نواف بغضب:ردينا ماودي اعصب عليك
طلعت ردينا بعد ماتناقبت تدور دكتور او اي احد عشان تطلع اخوها
بعد محاولات من الدكتور المناوب واقناع رضى نواف يقعد لان باقي التحليل يطلع الصبح والدكتور الرئيسي بيجيه الصبح ويقرر هل يطلع او لا
نواف:عطيني رقم المحامي
ردينا :ليش؟
نواف :ماله داعي يتواصل معك وانتي على ذمة رجال ثاني انا بتواصل معه
ردينا بتسليك :تمام بكره اعطيك وتتفاهم معه وبراحتك اهم شي الحين تكون بخير
نواف كاره عمه والعايله كلها بكرهه وقهر :انا اربيهم ********
ردينا تسكر اذنها من الفاظه البذيئه
نواف كان يمشي ويرجع من القهر التفت لها بتسأل :وانتي ليش رضيتي! يعني لو انا مو عايش وش بتسوين علميني
ردينا تنهدت بضيق :نواف حبيبي انت اجلس اول
نواف:ماني بجالس ليه اول ما شفتي تعاملهم الزق مارحتي لجدي وجدتي!
ردينا كان نازل القميص عن اكتافها والحرق شوي واضح ما انتبهت للقميصها:مالهم قوه يواجهون عمي تبي تقنعني انهم بيقدرون ؟
طاحت عينه على الحرق عض شفته بغبنه متجاهل الدم من قوة عضه لشفته وعيونه احتدت
ردينا بخوف من ملامحه :نواف!
اقترب بخطواته لها وبكل خطوه يخطيها يحس انه ثقيل من همه وحزنه عليها كيف يطاوعهم قلبهم يأذون أخته كيف قدرو يفرطون فيها جلس على ركبهم وحط راسه على فخذها ونزلت دموعه ماقدر يسألها عن الحرق ويجرحها
ردينا من كثر ما بكت مانزلت دموعها ولا انصدمت ان دموعها مانزلت وهي تمسح على راس اخوها اللي يبكي بحضنها
.........
