فهد ليال"
ناظر جهة الباب عض شفته من صقعت الباب هو بنظره انه غلطانه دخل يتروش يطفي عصبيته ماكان له نيه يتروش بس يبدل ويلحق على جده واهله كان يطيح الأغراض بالحمام لعانه فيها ويصب الصابون بالارض عباله بيقهرها بحركاته
طلعت من غرفة تبديل توجهه لتسريحة تكمل شعرها من داخلها كمية غضب ودها تقطعه بسنونها تصفقه هو من امس متغير عليها ماهو فهد اللي عهدته الطيب الحنون كأنه شخص ثاني
تظهرت البرود عكس داخلها على ان ملامحها فاضحتها الا تحاول تظهر البرود اللي تتتقنه انتهت من شعرها وهي تتعطر وتتبخر
طلع من دورة المياه"أكرم الله القارئ "ناظرها من فوق لتحت للبسه وجمالها اللي كل يوم يزداد تنهد بضيق هو يدخل يلبس
سريع بلعت ريقها من نظرته اللي ماعرفت تفسيرها اخذت نفس وهي حالفه ماتخلي حركته تروح عبث أحرجها مع غيم وحطها بموقف محد يتمناه
طلع ياخذ جواله اللي يدق ويرد:سمّ
سعود:قلبت شجره عند باب بيتكم وين اللي بيبدل وينزل؟
فهد نسى عنه:يووه يابو محمد والله نسيتك ادخل مطول شوي انا
سعود :الله يقلع ذا الوجه اني داري
ضحك فهد: اقلط مابين البس وأجهز واجيك
قفل سعود هو ينزل من السياره فهد صوت للعامله من فوق تفتح الباب
دخل يلبس ثوبه :استعجلي ابي اوصل قبل مايوصل جدي
ماردت اخذت علبة المناكير وهو تجلس وتطلع المناكير رفعت رجلها على الطاوله وهي تمكر رجلها
رفع حاجبه وهو داري بلعانتها تعانده :عشر دقايق اذا مانزلتي ماراح يصير خير
ولا كانه موجود يتكلم متجاهل وجوده
تعطر سريع ونزل لسعود يتعذر منه
غيم اللي انحطت بموقف يفشل ومحرج وزعلت من حركة اخوها وكانت تنتظر بصاله بتوّتر طاحت بعاصفته
فهد شافها تهز رجلها واضح متوتره :غيم
رفعت عيونها بخوف:لبيه
فهد بشك :وليد كان هنا؟
غيم جاها هبوط يعني خلص من ليال وبيكمل عليها
فهد :اتكلم! كان هنا لان شفت سيارته طالعه من الحي
غيم هزّت بكتوفها ولعثمه:مدري انا فوق مدري
زم شفته مو مقتنع بإجابتها ولا هو فاضي للحكي الحين اهم ماعنده معلومه اللي عرفوها عن عمتهم
بالمجلس سعود جالس وينتظر فهد
سعود اول ماشاف فهد:ارجع تكفى
فهد :والله نسيتك دخلت وتروشت سريع ما انتبهت للوقت ترا ربع ساعه بس
سعود:وين اختي؟
فهد :داخل تتجهز مع اختي
سعود:بالله خلهم يستعجلون ولا نروح قبلهم وترجع لهم!
فهد:اييه وانا اللي ارجع لهم اقعد انتظر معي اختك باقي ماخلصت عشر دقايق وتخلص
سعود:هي قالت عشر دقايق؟ يعني ساعه ونص اذا ماعرفت عشر دقايق عندها اعرف
فهد يغير الموضوع:تشرب شي؟
سعود:لا تسلم
بعد مامرت ربع ساعه قررت الاخت ليال تتنازل وتنزل
فهد كان ماسك اعصابه ولا وده يطلع ويفصل عليه بتزيد عناد
سعود نفس ماخل سبه الا سب فهد وليال وفهد يقول جايه يلا بتجي
غيم وهي تسمع صوت الكعب ارتاحت من حنة فهد حرقها رسايل تكلم ليال تستعجل على اساس مو هو اللي يطلبها تستعجل
غيم بطقطقه:عزيزتي باقي وقت ارجعي كملي كشخه
ليال بغرور وهي توخر شعرها عن وجهها:لا خلاص اقتنعت
غيم ارسلت لفهد انهم جاهزين :اسمعي انتي قدوتي بالحياه بس لا تكررين التأخير وانا موجوده لان انا اللي بموت مو انتي
ليال بأحراج عن اللي صار قدامها :اعذرينا على اللي صار فوق ترا اول مره تصير
غيم بتفاهم:مو انتي اللي تعتذرين فهد اللي مفروض يعتذر وانا اعتذر حطيتك بموقف بايخ
ليال ضحكت وهي تسمع البوري :اتوقع ضغطتهم بما فيه الكفايه
غيم بطقطقه:محد راح فيها غيري انا وسعود
طلعوا هم يسولفون ويضحكون ركبت ورا فهد اللي يسوق وسعود الراكب وراه غيم حرك فهد بسرعه مجنونه وكان كله عناد في ليال وصلوا على وصول الجد واعمامهم نزل سعود يرحب فيهم وغيم نزلت باستعجال تخاف فهد يتلفظ على ليال وتكون موجود وتحرجها
فهد مقهور يفور من الغضب يناظرها من المرايه :وبعدين! وقته عنادك
فتحت الباب ببرود وهي تنزل وتتجاهله دخلت قسم الحريم
فهد نزل سلم عليهم سلام عادي
ليث شاوره: من زين وجهك يوم تعصره ابتسم مو هم ناقصين منظر كيئب
فهد:كل زق وفارق عن وجهي
دخل وراه اهله ويجلس جنب تركي اللي منفس وسعود كان ساكت بس ملامحه حاده كانو بكنبه وحده وكلهم مكشرين
الجد : لو ادري ذي وجهيكم ماجيت عسى ماخلاف
تركي يحاول يصطنع الابتسامه: مافينا خلاف ياجد بس مرهقين
سعود:بشرنا عن صحتك ياجد؟
الجد :نحمدلله
ابو تركي يناظر تركي اللي باقي مبتسم:ياولدي خلك معصب ازين من الابتسامه اللي تخرش
ابو ليث التفت لتركي وضحك:زين بكل الاحوال
تركي:عاد ما ورثت الابتسامه الا منك الشكوى لله
ابو تركي بفشله :قليل ادب ذا الولد مرات احسه ابوي مو انا ابوه
ضحك الجد:اي والله انك صدقت
دخلت الجده وحريم العيال
الجده:عسى الضحكه دايمه يامهدي
الجد ابتسم لها يوقف:دايمه اذا انتي فيه
باس راسه وهي باست راسه بحُب جلست جنبه بصدر المجلس
وليد تنحنح :احمم بما انا مجتمعين ولله الحمد وبصحه وعافيه
عندي لكم بشره ولعلها مو وقته واحنا بوسط نقدر نقول ازمه حلوه وباذن الله انها مسالة وقت بسيط ونلقى عيال عمتي نوره ونجتمع فيهم زواجي نهاية الشهر
ابو عبدالله:وقته؟ وليه ماتعلمنا
ابو ليث:يا ولدي ماحنا فاضين خلنا نلقاهم
الجد يقاطعهم:وقته ولا مو وقته الله يتمم لكم ويبني بيتكم على طاعته تمم ولا عليك منهم ان نقص عليك شي بطاقتي معك
وليد:الله يبض وجهك ياجد وخيرك سابق لكن كلها مسالة وقت ونلقى عيال عمتي ولا بيتم الزواج الا وهم في
فهد بتدخل:الزواج بيتم كذا ولا كذا الله يوفقك ويتمم لك
ابو عبدالله:ماراح يتم الين اسمع بنتي غيم موافقه ولا لا تبون تستعجلون البنت بشهر انتم صاحين؟
ابو ليث:اذا عن بنتي جاهزه
ابو عبدالله هو وصله العلم :انا اللي بسألها وان كانت ماهي بجاهزه تأجلها يا اخ وليد
وليد بداخله"لو تدري هي اللي حاجزه ان تكنسل كلامك"
تركي:دام المسأله عيال عمتي نوره بتعيق زواج وليد انا اعرف عيال عمتي نوره وين
سعود يكلم فهد:زين تكلم ولا كان بيقوم بكس
فهد:اص ابي اسمع
تركي:ولا ادري هم بيوافقون بوجودكم
سعود بنرفزه: على اساس ما كلمتهم؟
تركي بانفعال:من وين تفهم رافض يكلمني!!
ابو ليث:وش قاعدين تتكلمون عنه!!!
الجد:عيال بنتي تعرفونهم!
فهد:حتى انت تعرفهم
ابو عبدلله:من تقصد!
الجده مسكت يد مهدي
تركي:لاتنطق با اسماهم لين اكلمه
سعود:الا بتكلم نواف ماغيره اللي معنا هو
عبدالله انصدم ردة فعل نواف ماكانت طبيعيه اصلا طلع بنهايه ولد عمته
الجد:نواف مين!
ابو تركي:اللي ساعدنهم؟
تركي وقف هو معصب :مين قالك تتكلم!
سعود يوقف بغضب يصارخ:يعني انت شايف كل تخبطنا وانشغالنا واحنا ندور ياخي مارحمتنا ؟ ساكت من ذاك اليوم اللي تعب فيه نواف وانت تدري ساكت ليييه؟
وقف بينهم غازي وليث اما فهد شايف الحق مع سعود وزعلان من تركي
تركي:انت وش عرفك اني ادري؟
سعود: زي ماعرفت ان نواف ولد نوره عرفت ان تركي ولد عزام يدري
غازي بحده :ابوي مو ناقص هواشكم توكم مبشرين بعيال بنته احترموه على الاقل
الجد وقف :خذوني لهم
تركي يمسح على وجه بغضب ويكلم سعود :يلا خذ لك ! ارتحت
سعود:اييه ارتحت عندك مانع؟
