لف وليد وكمل طريقه بدون اي تعليق منه
لفت عليه بقوه ونرفزه كانوا بيموتون والسبب تهوره :مجنون انتتت !!
طنشها وليد اللي كل همه يوصل لجده بعد اتصال غازي يخبره بالحادث
وصل المستشفى وقف السياره بعيد نزل يركض زي المجنون ترك ليال بسياره تاكدت ان في مصيبه من وجودهم بالمستشفى نزلت بهدوء ماودها تسرع بخطواتها وتنصدم ماتدري وين تروح بس الخوف تملكها تملك جرت نفسها ولمحت وليد وعمها وغازي والشباب دورت ابوها بعيونها من بينهم ابوها مو موجود وعمها عبدالعزيز مو معهم تجمعت الدموع حولها من الافكار اللي جالسه تطري على بالها ان ابوها صار له شي راح عن باله جدها
دخل ابوها اللي يركض وراه اخوه عبدالعزيز
ابو عبدالله بهلع:وين ابوي وينه
غازي يهديه :مافيه شي بخير
ابو ليث دخل على طول الغرفه عند ابوه لحقوه الشباب كلهم
تنهدت براحه لما شافت ابوها لفت نظرها شخص مو غريب عليها ملامحه بس ناسيه مين تحاول تتذكر هذا الشخص اللي ثوبه مليان دم واقف قريب من غرفة جدها قطع تذكره شخص دخل ينادي بصراخ واضح الخوف فيه يمشي زي المجنون وينادي هزاع ياهزاع
هزاع راح لاخوه يقصر صوته :شفيك تصارخ فضحتنا
فزاع يمسك جسم اخوه يتاكد بخوف:انت بخيير؟
هزاع:بخير بخير
فزاع ضمه بخوف :خفت اني افقدك مو بيدي
هزاع بوجع:بخير ياعين اخوك لاتخاف
جمدت ليال اول ماشافت فزاع تذكرت الموقف وكانه صار اليوم بعدت شوي عنهم قربت ليال لغرفة جدها عشان مايخاف عليها وليد لان مامعه جوال جواله بسياره وقفت تنتظره
هزاع واخوه جايين بعد ماطمن الدكتور فزاع ان اخوه بخير رغم ان هزاع بس ساعد الجد يطلعه من الحادث فقط الا ان فزاع كان خايف مره على اخوه ناظرتهم بخرشه لان جو عند الغرفه بعدت شوي وتحاول ماتناظرهم مافي احد بالسيب الا هم
فزاع ناظر البنت اللي واقفه جنب الغرفه وضعها غريب يعني المكان ذا خاص جذبته عيونها :عيونها حلوه
ناظرته ليال بحده لان يقصدها ابتسم لها فزاع
فهد اللي كان خارج من الغرفه وشهد الموقف التفت عليها ودعاء انها ماتقرب له عشان مايذبح فزاع صدق
انحاشت ليال من القمطه ولا اعطت فهد فرصه انه يتعرف عليها
فهد مو طايق فزاع شد على قبضة يده وبكره لفزاع:تدل الدرب ولا ادلك؟
فزاع باستفزاز:ادله ماعليك بس جينا نتطمن على شايبكم ماهقيتها منكم تقابلون ضيوفكم كذا
دقه هزاع بيده عشان يسكت:امسحه بوجهي يابو عبدالعزيز وفمان الله بجيكم ان شاء الله بيتكم
فهد :بحفظ الله
ضحك فزاع :الحمدلله والشكر
وليد كان طالع مسرع تذكر ليال
فهد مسكه :وين طاير !
وليد معصب انه نسى اخته:نسيت ليال بالسياره
غمض عيونه يعني البنت اللي كانت هنا ليال واللي كان يمدحها فزاع بـرزت عـروق رقبته وجبهته مشى بغضب ويدور فزاع لمحه متوجه للبوابه ويسولف على اخوه اسرع بخطواته ناوي يكسر فمه يفقع عينه يحس بنار بداخله
مسكه من كتفه ولفه عليه وهل عليه بضرب
وكانت ردة فعل فزاع انه يضحك بصوت عالي يستفز فهد
في كل ضربه يضربها فهد يتجدد الغضب
الامن يحاولون يفكون فهد وليد جاء ركض لما سمع فهد يصرخ عليه:متعجل على الموت يابن الكلب
هزاع مابيده حيله حاول في فهد ماقدر عليه وشاف اسلوب اخوه المستفز طلع من المستشفى كاره حركات اخوه اللي دايم تفشله ويستاهل الضرب اللي يجيه من فهد ماقدر يمنعه ولا قدر يقعد يشوف المنظر ان اخوه ينضرب
فهد بعد طلعت روح غازي وابوه وليد وخروه كان منظره مرعب لليال اللي واقفه بعيد
فهد يالله يلقط انفاسه ويشتم فزاع بالفاظ بذيئه جداً
غازي يسكر فمه مو قادر عليه
ابو ليث:فهد انا في وجه الله تفكنا
واحد من الامن يساعد فزاع اللي يصب من وجه دم ويحاول يفتح عينه اليسار بسبب فهد دخل اصبعه في عين فزاع
يمسك عينه بالم ومستمر في ازعاج واستفزاز فهد: بتفقع عيني على اساس بتحرمني من شوفتها ضحك واشر على عقله وببرود:هي هنا اصلا
جن جنون فهد اللي يتفلت يحاول يبعدهم عنه وقدر يبعدهم وركض عليه يخنقه يحاول يفكون من قبضة يده كان في كل مره يضربون فهد عشان يفك يزيد في شد لين ضربه ابوه في نهاية بطنه بقوه حرّر من قبضة يده
فزاع يالله يتنفس:اشهدوا على الكلب ذا حاول يقتلني والله اجرك جّر بالـمحاكم
فهد :اعلى ما بخليك اركبه يا *****
الامن دخلوا فزاع داخل بقسم الطوارئ عشان يشوفونه
كان يدورها بعيونه اول ماشافته يدور انحاشت تحس دقات قلبها الف من كثر ما ارتاعت جلست تنتظر موعدها تهز رجلها بخوف اذا فزاع كان بيموت ومحد قدر يفك فهد عنه وش بيسوي لها مسكت قلبها بالم تحاول ماتهتم
وليد اخذ فهد برا ياخذ نفس نظيف بعيد عن النظرات الناس عشان ماينضغط جلس على كبوت السياره وفتح بكج الدخان يحاول النار اللي بداخله تروح وليد تركه وراح يدور سيارته نسى وين حطها ولا معه جوال رجع لفهد:ابي جوالك
طلع جواله وعطه بدون مايناقش هو براسه موال كيف يتكلم معها دق وليد على ليال لقى اسمها مسجل عند فهد رفع حاجبه ماحب الحركه مايدري هي غيره بس ماتقبل
ليال جتها ام الركب اول ماشافت اسم فهد بشاشه وقفت من الخرشه تمشي وش تقول او كيف تتكلم كيف تبرر له جتها بكيه
وليد:يووه ماترد
فهد ينفث الدخان وقف:هات
اخذ الجوال من وليد ودخل الواتس "وينك ؟"
دخلت الواتس ردت بكل ثقه "بالمستشفى ."
فهد:وش تبي انت منها؟
وليد :عندها موعد الحين ونسيتها بالسياره من الربكه
فهد يطفي الدخان برجله:موعد وش
وليد يحاول يتذكر وين حطها:عشان السكر تطلع نتايج مدري تحليل شي زي كذا
فهد طلع مفتاحه:دور على سيارتك لين اجيك
دخل المستشفى يسرع بخطواته الاصنصير كان زحمه عليه طلع الدرج ركض اول مادخل القسم يدورها بعيونه شافه تمشي وترجع وتناظر بجوالها مشى لها بهدوء جت بتلف شهقت بخوف
فهد رفع حاجبه :عسى ماشر؟
ليال تعض شفايفها بصوت خافت يالله يسمعه:ليش جيت
فهد باستهزاء :جاي اتطمن على زوجتي
نادت النيرس اسمها مشت تتجاهله وجود فهد
لحقها يكسر عنادها
الدكتور:اهلا اهلا شرفتينا ازيك ياست ليال؟
ليال خزت فهد :الحمدلله
فهد ماجاز له الوضع تكتف بنرفزه
الدكتور لاحظ نظرات فهد:هو انت مين اول مره بشوفك معها
فهد يرص على اسنانه بغيره انه حافظ اللي يجون مع ليال بعد:زوجها
الدكتور بفرحه :واللهي الف مببروك ست ليال
قمطت من نظرته وهي كانت بترد بس كنسلت اول ماشافت نظراته لها كان يقول لو فيك خير ردي
الدكتور هو بيشوف تحاليل حقتها :ليه ياليال انا طلبت منك انك تخفضي المعدل التراكمي انا ماشفت ابد اي انخفاض ؟انا اشوف ازدياد
الدكتور :معك مهله ياست ليال تتركي كل حاجة هنا ياشر على دماغها وتركزي على نفسك اواي مافيش لازمه اعيد كلامي وتعرفي انتي ازاي لما يرتفع التراكمي واضراره
فهد :ان شاء الله
الدكتور :تنزلي تاخدي العلاجات واشوفك بعد تلات شهور تعملي تحاليل وتحجزي موعد اتفقنا؟
ليال بهدوء:اتفقنا
الدكتور:مايتزعلي مني انا لما بعصب لمصلحتك به انتبهي لنفسك
فهد بنرفزه:معليك موجود انا بنتبه لها
فتح لها الباب وطلعت قدامه
فهد عض شفايفه يكتم غيضه:قربي
ليال :لا وش تبي
فهد يرص على سنونه:قربي قبل لا افقع عينك
قربت بخوف تحاول تخفيه عنه
عدل نقابها ناظر عبايتها لف كان يوضح لبسها قرب لها اكثر بحيت محد يشوفها مسك عبايته ولمها لها :امسكيها زين ولا عاد اشوفك تلبسينها
تنرفزت:اي امور ثانيه ؟
فهد: للحد الحين لا بس في موضوع نتاقش فيه بسياره
ليال مسكت يده لان كان بيمشي :دقيقه دقيقه ماخلصت كلامي مافي موضوع نتناقش فيه وبعدين مين قال اني بروح معك
فهد يحاول يخفي ابتسامته من مسكتها ليده فك يدها بتعمد: للاسف الشديد انك بتروحين معي
جت ببتكلم مشى وتركها وراه يرد لها الحركه يوم مشت وخلته
لحقته وتدعي من كل قلبها تقابل احد من خوانه وتروح معه لمحت فزاع واخوه طالعين معهم
ابطى بخطواته عشان تزامن خطواتها معه مشت جمبه مسك يدها بقوه عشان ماتفك يدها كانت تحاول تفك لين شافت نظرات فزاع لهم لا اراديا ضغطت على يده خفف قبضة لها قابلهم وليد بقق عيونه بصدمه :هييه هييه
ليال بداخله وش يسكته ذا فكت يدها على طول وجته
قرصته بقوه :اسكت تكفى وخلنا نروح الحين
وليد بالم:فكي ياكلبه فكي
فهد بطقطقه :عنيفه زوجتي نعتذر منك نفسيتها ضاربه
ليال استحقرته
فهد بحده :عيونس لا تطير بس
ركبت بسياره مع اخوها ودعوا بعض وتوجه كل واحد للسيارته
فهد بنص الطريق تذكر علاجات ليال لف ورجع للمستشفى يصرف العلاجات مايدري ليه بس يحس مسؤول عنها صرف علاجاتها وركب سيارته باقي في داخله نار مابرد خاطره على رغم الضرب اللي جا لفزاع الا انه وده يرجع يضربه اخذ علبة الدخان الثاني هلك نفسه بالدخان بس عنده قناعه ان الدخان يخفف غضبه كمل طريقه لبيت عمه وعطى العامله تعطيها
وجلس يفر بالسياره مايدري وين يروح بس اللي يدري فيه مايبي يشوف اي مخلوق ضرب الدركسون بغضب اكثر من مره نزل من السياره بضيق يروح يذبح فزاع ويرتاح طفى سيارته وتوجه للمسجد عشان يصلي العشاء توضى وجلس ينتظر الصلاه تقيم
..............
دخلت البيت وليد من هم بالسياره يسأل وش اللي خلا فهد يضرب فزاع حاس ان اخته بالموضوع ماتكلمت :وليد روح عن طريقي
وليد مسكها بقوه:لك يد بالهوشه!!!
ليال صرخت بالم:وخر يدك
ام عبدالله طلعت من الغرفه: وليد فك يدك عن اختك بزران انتم!
وليد يكتم غضبه:انا سألت سؤال بنتك مو راضيه تجاوب
يرفع صوت هلل لك يد بالهوشه!
ليال :ايه لي يد شوفها قدامك
رفعت يدها له
وركضت لغرفتها قبل مايستوعب وقفلت الباب قبل مايدخل عليها فصخت عباتها ورمت بسلة الغسيل
وليد يدق الباب :افتحي بتكلم معك
ام عبدالله تحاول تسحبه معها :تعال معي اذا ماتبي تزعلني
وليد:والله بجي معك بس خلي بنتك تعلمني
اخذته امه غصب للصاله
تنهدت براحه انه راح رجع الباب يدق
تنرفزت :وجع انت ماتفهم
العامله :مدام في اغراض حق انتي
ليال وهي تفتح لها الباب:كم مره قلت لك لاتقولين لي مدام قولي ليال بس
العامله مدت لها الكيس
ليال باستغراب:مين يعطي انتي !
العامله :هذا زوج انتي
قفلت الباب تكلم نفسها ذا يعاني من انفصام مستحيل يكون انسان صاحي تأففت وهي موفاهمه تصرفاتها حتى غيرته قاسيه وتخوف
دخلت تتروش متعكر مزاجها في نص ترويشه تذكرت جدها وانا ماسالت عنه او تطمنت عليها خلصت لبست روب الحمام فتحت جوالها تشوف القروب لقت البنات يتكلمون عن جدها معها شافت صورته الحمدلله مافي اي كسر او رضه طلعت من المحادثة تدخل على اسم فهد وهي محتاره تشكره او تسحب بعد صراع وتفكير قررت ترسل "يعطيك العافية "
رمت جوالها بسرير توجهت للمرايه حطت كريماتها جففت شعرها
