الجد كان يستفسر من وين ابو عوض وش سالفته كان ابو عوض مسترسل معه ويرد بكل رحابة صدر رغم كلام الجد شوي دفش الا انه مبسوط ابو عوض منه ومن كلامه اللي ذكره بابوه حكى لهم عن ولده وش سوا لبنت اخوه ماحكى بتفاصيل
تنرفزوا الشباب من حركة ولده وكيف الاب راضي كذا
الجد:اذا تبي البنت الطلاق طلقهم ولاتخليها معلقه عند واحد مايستاهلها مابترضها على بنتك ف لاترضاها على بنت اخوك والله لو اخوك عايش ما خلا بنته تقعد عندكم
ابو عوض ويدور في راسها ان يطلقهم بس خايف من كلام الناس:انا ودي اطلقها اليوم قبل بكره بس كلام الناس مايرحم
الجد:اذا همك كلام الناس مايرحم ولدك مارحمها يوم يحرقها ترا بذمتك البنت وتتحاسب انت لانك تدري ولا بعدته
طلع تركي يكلم ابوه برا لمح عوض يدخل الغرفه اللي البنت فيها قفل تركي في وجه ابوه لما سمع البنت تستنجد في احد ركض لها وناوي على عوض نية الشر
عوض بعصبيه :قصري صوتك احسن لك
ردينا ببكاء تحاول تقوم من السرير:اطلع الله ياخذ عمرك
تركي دخل بدون مقدمات يحاول مايناظر في البنت :اطلع برا
عوض:خير ان شاء الله ياطيب غلطان ذي غرفة زوجتي انت اللي اطلع
سحبه من ثوبه وهي قافله معه لين طلعه من الغرفه :ان شفتك ولا دريت انك دخلت الغرفه ذي والله لا اخليك تندم تسمع
عوض يدف يد تركي عنه:من انت عشان تتدخل هاه
تركي :لا تهايط لا افرشك بالارض يارخمه يلا حرك
عوض بعناد:ماراح اتحرك من هنا وش بتسوي
تركي :ابد خلك هنا ازين لي والله
لف تركي يدق على ابوه لان قفل في وجه
ما ارتاح عوض لا لنبرة تركي ولا حركاته تسحب اول ماشاف تركي معطيه ظهره طلع من المستشفى بكبره
"""
العايله مسووين عزيمه لابوهم بالاستراحة يطلع من المستشفى وعلى طول على العزيمه وكانت كبيره مره
"البيت ابو عبدالله"
ليال :ماعندي لبس ماراح احضر
ام عبدالله:العزيمه من ابوك واعمامك لجدك كيف ماتبين تحضرين بتحضرين غصب بعد لاتخليني اعلم ابوك
ابو عبدالله من وراها:وش تعلميني؟
ام عبدالله:جيت بوقتك تعال تكلم مع بنتك ماتبي تحضر
ليال بوهقه:مو ماابي احضر اقول يعني ماعندي لبس تناسب العزيمه فقط
ابو عبدالله:مافي وقت يابابا البسي وتجهزي
لف على زوجته:اذا انتي جاهزه بروح انا الحين تروحين معي؟
ام عبدالله:اي يلا بس باخذ لبسي والبس هناك
ليال:وانا ماجهزت ترا
ام عبدالله:تعالي مع اخوانك ولاتخلينهم يطولون استعجلي
راحت ليال غرفتها تتجهز والواضح انها بتطول لانها باقي ماتروشت ولها طقوس والله يعين اللي بينتظرها
"بيت ابو ليث"
ام ليث :استعجلوا اختي تنتظرني
ديم:امي تكفين ابي اتمكيج على راحتي لا توتريني
غيم تسوي شعر لدُن لآن لدُن ماتعرف تسوي شعرها بعد ماقصته:انا باقي ماخلصت والله اني مطوله
ام ليث :انا بروح مع ليث وانتم الحقونا مع سواق ولا كلموا خوانكم يجونكم الساعه سبعه بيجون المعازيم لاتطولون
لدُن:احسن قرار سوتيه
ام ليث:البسي يالدُن لاتتاخرين على خواتك
لدُن :ابشري
راحت ام ليث باستعجال تلحق تساعد اختها مع ليث
غيم تمسك ظهرها بتعب:يلا خلصتك روحي شوفي شكلك
لدُن:مو لازم اجلسي عشان اسوي لك
جلست غيم وهي تدق على ليال وتطمن على وضعها:عشيروو خلصتي؟
ليال بوهقه:لا تكفين ماعرفت وش البس
ديم وهي تشاركهم بالمكالمه وتحطي ميكبها:البسي فستانك الاحمر
ليال تنهدت:لبسته وسيع مره منظري غلط
غيم :انتي سويتي شعرك وجهك؟
ليال:ايه بس باقي البس واحط مناكير
غيم:افتحي كام اجل
ليال :دقيقه
فتحت :هيه ياويلك تكبشرين والله ياغيم لا اصفقك
ديم قربت تشوف ليال:الله لولي تهبليين مره
لدُن:البسي فستانك الاسود حق العيد
فهد يدق الباب :ادخل؟
ديم راحت له :ايه تعال
ليال ماتدري ان فهد معهم:بس ماش مفتح من كل مكان
غيم :اي فستان دقيقه
فهد كان يكلم ديم واذنه عند سالفتهم :اكوي شماغي وثوبي
ديم اخذت منه :ابشر يلا
نزلت ديم تكوي اغراض فهد
اما فهد قرر يقعد لما عرف صاحبة الصوت ليال جلس بالكنبه ويطقطق على جواله واذنه وعقله عندها
ليال وهي تطلع الفستان:غيم البسه؟بسرعه
غيم شهقت بالم:اه اذني
لدُن بطفش من غيم لانها تتحرك:انتي اللي تتحركين اثبتي
غيم:اييه البسيه بتطلعين شق
لدُن:البسيه والله نار عليك صدق جدتي بتلعن خيرك بس سوي نفسك مجنونه
ليال انسدحت على بطنها بتعب:اوف احس ودي اسحب على العزيمه بكبرها وانام
غيم:تدرين اني مستغربه انك خلصتي بدري
ليال بتحلطم:خليني ساكته لا اطلع اللي بخاطري واسحب على العزيمه بكبرها
غيم:الا اقول مين بيوديك ؟
ليال :والله مدري بس ماكلمت احد ياخذني عشان اسحب على العزيمه
لدُن بلعانه:وين جوالي اعلم خالتي عليك
غيم:ياحيوانه مو هينه والخطه
ليال تضحك:شوفي انا جهزت عشان اكون صادقه عندي اهلي فقط وبعدها بنام واسحب على العزيمه بس لاتنسين تعلمين امي على جهودي وانا ادور لبس
لدُن تصور كلام ليال:للاسف الفيديو ذا بيروح لامك وزوجك
ليال تطقطقه:دقيقه حطي فلتر قبل ماترسلين لهم
فهد رفع صوته عشان تسمعه:جهزي نفسك بمر اخذك
ليال بققت عيونها وتاشر لهم
غيم ميته ضحك: للاسف لغة الاشاره باقي ماتعلمتها
لدُن :ترا راح تكلمي
ليال وجهها احمر من الخجل:ياكلابات من متى هو هنا
لدُن:ماطول سمعك وطلع
غيم ميته ضحك
ليال :اوريك يا ام خدود تضحكين معليه الايام بيناا
غيم :لاتخليني اعطي الجوال لزوجك واعلمك كيف الايام
ليال بهياط:يعني واذا بتعطينه وش بصير
فهد اخذ الجوال من غيم بروقان:مدري والله وش بصير علمينا انتي وش بصير ؟
ليال على طول لفت الكام وتحاول تقفل علق جوالها
فهد يطقطق:الو اخت ليال باقي معنا
لدُن وغيم ميتين ضحك
صرخت ليال:قفل علق جوالي
