عند البنات"
غيم:ياليل مانبي بالله من راعي الفكره الخايسه
ديم :زوجك المستقبلي
لدُن:يعني لازوج ولا زوجه عندهم عقل مدري ليش نزوجهم
ليال:حدك عاد احلا كوبل بالدنيييا
غيم حمرت خدودها ولا ردت
ليال:وززييين المستحي
رتيل:اصلا شوي ونروح البيت ننزل معهم حتى لا قام جدي وجدتي يشوفون بعد
لدُن وقفت تعدل شعرها وتلبس حجابها
ليال وقفت واخدت غيم:تعالي ياغيمي نسحب على العواذل
غيم:ايوه هذي ليال اللي اعرفها لبى حبوبي
ضحكت ليال واخذت كوبها وتصور
غيم :دقيقه وقفي زين بصورك من ورا
ديم :رتول نسحب عليهم وننزل
رتيل:يلا اجل بس تكفون بنات صور لي صوره حلوه زين
ليال:ابشري
نزلوا رتيل وديم
سعود بصوت واطي ما يسمعه الا العيال:عزت الله خابت امليكم الحبايب شكلهم يتغلون عليكم
فهد:سعود ماودك تهجد خلني مروق احسن لك
وليد:يا نسيب لاتغلط على اخوي رجاء ولا بنعلم اختنا تسنعك لنا
ديم ورتيل :سلام
ردوا السلام
تربع سعود:ياشيخ وليد عطنا شي نسولف فيه
وليد:لا تنكبني لو سمحت
فهد:انتم ناوين تنامون عند جدي؟
ديم:لا بنروح بعد المغرب نتقهوى معهم ونروح
قاطعهم دخول البنات
سعود ببتسامه وضحت للكل وقف :ياهلا ياهلا
قربت ليال باحراج وهي توها تشوفه ضمته وهي تتجاهل الكل باس راسها سعود
ليال بصوت واطي:اشتقت لك
سعود ضمها وحط يده على كتفها وجلسها جنبه
ليال توترت اول مره تجلس بمسمى الزوجه لفهد ولا هي متعوده تجلس معه او مع عيال عمها
غيم بعفويه:لنا الله ياخواني كني اغيب عنكم اسابيع ولا احد ضمني كذا
فهد:يالجحود ناكره جميل مدري طالعه على مين
غيم:احلف انك تسوي نفس مايسوي سعود لاخته
لدُن:خلاص زوجك عندك يسوي لك اللي تبين
ديم قرصت لدُن فهد لف وخز لدُن لدُن انخرشت واستوعبت
غيم اللي حست بدوخه تحاول ماتناظر وليد اللي تجاهل عشان مايحرجها ولا يحرج نفسه
ليال وسعود كانوا مكتومين يضحكون على الصامت على وجه وليد ضحكت ليال اللي كانت تحاول تمسك ضحكتها بس سعود ضحكها فهد ناظر ليال اللي كانت خاشه راسها ورا سعود وتضحك لا اردايا ابتسم حس على نفسه وقام برا يدخن قبل محد ينتبه له
غيم من داخلها تتحسب عليهم
وليد يغير الموضوع:الا متى بتروحون بيوتكم
ليال لفت على البنات رتيل:بعد شوي
سعود:خلاص انا اللي ارجعكم اذا تبون
وليد طلع ورا فهد اللي كان يدخن ويبتسم
وليد:ورع بتقعد ؟
فهد؛مدري عندك خطه؟
وليد:نطب للاستراحه ؟
فهد ؛لا لا مالي خلق لهم
وليد:خلاص كل تبن هذا اللي عندي
فهد :خلاص بشوف وضع البيت بعدين ارد لك
وليد: اجل انا بسبقك عندهم اذا تبي تعال بس لاتنسى الملف
فهد :مامعك سياره!
وليد:بمشي مشي للبيت ابدل واخذ سيارتي
فهد هز راسه وقعد شوي لين تخف ريحة الدخان بعدها دخل عندهم
سعود :ماشاءالله تنادون البنات وانا اللي اجلس معهم
لدُن:وش فينا اخ سعود؟
سعود:سلامتك بس جالسين تهرجون بصوت واطي
ليال لفت على سعود تذكرت مااخذت الابره ولا عندها شي عند جدها:نروح البيت الحين؟
سعود :بكيفكم ماعندي شي انا
ديم:نتنظر لين يقوم جدي على الاقل؟
سعود:براحتكم
فهد:خلاص اللي يبي يروح يمشي الحين انا بودي الباقين
سعود ناظرها:ها اوديك؟
ليال بوهقه لانهم يناظرونها:خلاص بقعد
فهد:اذا تبين تروحين روحي اذا عن الباقين اوديهم
ليال:خلاص بروح
غيم:اقعدي شوي ونروح
سعود قرب منها عشان محد يسمع :فيك شي؟
ليال شاورته:لاتعصب بس نسيت اخذ حبوب السكر ولا ابره
سعود اللي ماوده يفصل عليها وقف :انا بالسياره
لف على فهد: فمان الله اذا قام ليث خله يكلمني
فهد :ابشر
وطلعت ليال وراه بعد ما اخذت اغراضها وارسلت لغيم السبب عشان ماتزعل
لدُن بتأفف :ودي اروح البيت احس ودي اتروش شعري جابس من كثر المثبت حق الشعر افف
غيم:انا ودي بمساج
فهد عدل جلسته:اي عطوني اخبار امس كيف الملكه حضروا خوالي كلهم ولا لا؟
ديم :والله كان يوم حلو الكل حضر
غيم:والله كان فخم فخم صدق كان في كم عاهه حضرت بس معليينا منهم اهم شي كل شي زين وفخم وانبسطنا
ابتسم فهد وسكت
لدُن:وانتم كيف الرجال
فهد:كل شي حلو وعلى قولة غيم في كم شخص بس معلينا منهم
ضحكوا
رتيل باحراج وتوها تتذكر:معليش الف مبروك ياولد العم الله يتمم لكم
فهد ببتسامه:الله يبارك فيك وعقبال مانفرح فيكم جميع
لدُن:لا لا اخوي فهد صاير كيوت
غيم:ايي تحسين صار رجال
فهد:تعقبين من اول رجال
غيم:مو قصدي
فهد :وصلت وصلت
