وليد نسى نفسه :تعلمي ياغيم كيف الناس ترد مو مثلك
سعود اللي كان جنبه وليد ضربه بكوعه
لف فهد :وش دخلك في اختي؟
وليد يرقع:اختك الحين قريب بتصير زوجتي
ليث:لا صارت زوجتك تكلم دقيقه حتى لا صارت زوجتك ماتتكلم زين
وليد بخرشه:زين
لف سعود يشاوره:تستاهل توُب في مزح عن مزح يفرق
قام عبدالله يرد على ابوه برا
تركي: كلكم بخير
غيم ردت :زين والله سألتوا من اليوم تحققون معنا
فهد بقهر:انتي بذات اسكتي
وليد :من جد اسكتي
ليال :خلاص اطلعوا نبي نروح غرفتنا
فهد:اجلسوا لين نشيك على البيت "نشوف"
قاموا الشباب سعود قعد بصاله رد على جده يطمنه انهم بخير
تركي جاي من قسم الرجال:الكلاب ما اخذوا شي
سعود بتفكير:تتوقع مين
تركي:قصدك وش؟
ليث غمز لهم عشان يسكتون لان البنات يسمعون:انا احس عادي انه حرامي الكل يدري ان احنا مو بالبيت
نزلوا وليد فهد من فوق : ماخذوا شي احس في شي غلط
ليث صفق وجه بيده الثنتين
ضحك سعود من ردة فعله
فهد باستغراب :شفيك انت
تركي:اقولوا خلونا ناخذ الطريق عشان البنات
طلعوا البنات فوق
"عند البنات "
غيم:يمه يقصدون مين؟
ليال بارهاق :ممكن نغير الموضوع لان ماودي افكر بشيء
رتيل وهي باقي منخرشه بكت
ديم ضمتها:يوهه يابنتت خلاص مافي شي احنا بخير والشباب تحت
لدُن بقهر :ماتنلام كله من ذي عديمه المشاعر 'تاشر على غيم
غيم بتفكير :ماقلت شي من عندي جالسه احلل يعني ماسرقوا شي اتوقع كانوا موجودين من يوم احنا جينا يعني
رمتها لدُن بالمخده وصرخت:اسكتي اسكككتيي ارحمينا بسكوتك
ليال خزت غيم :غيم روحي غيري حبي احسن لك ولنا
رتيل زادت بالبكاء
ديم تتحلف بغيم
غيم قامت بتأفف :اففف ماتخلون الواحد يفكر
لدُن:فكري وانتي ساكته
طنتشهم وراحت تغير
ديم تسمي على رتيل وتقرا المعونات عليها وكانت مستمره بالبكلء ولا عرفت كيف تهديها
ليال وهي تشوف ديم كيف مرتبكه مع ليال اخذت جوالها ودقت على سعود
سعود والشباب كانوا بصاله ينتظرون اعمامهم يجون وكل واحد جالس بجهه وحالتهم حاله
رد سعود:هلا
ليال :تركي عندك
ناظر سعود تركي:اي عندي ليش؟
ليال:رتيل منهاره خله يجي يشوفها شوي
سعود :يلا يلا
سعود مو عارف كيف يتكلم :تركي رتيل تبكي
تركي فز لاخته وهو عارف كيف هي خوافه وحساسه جداً
طلعت له رتيل وهي منهاره ضمها تركي يسمي عليها ودموعها كل مالها تزداد وتشهق :رتول بسم الله عليك خلاص ياحبيبتي اهدي
رتيل من بين دموعها:كان يحاول يفتح الباب علينا
تركي مافهم:كيف!
تركي اللي يالله فهم لانها تقط كلمه وتبكي
اخذها تركي وجلسها بالكنبه ضمها له وباس راسها بحنيه:انسي اللي صار خلاص انتهى مافي شي انتي الحين معي وبحضني محد يقدر يلمسك وانتي معي
الشباب اللي يسمعون بكيها تحت
سعود بعصبيه:الله ياخذهم الكلاب
عبدالله مسح وجه:اي سواق جاب البنات؟
لف فهد اللي تعب وهو يفكر:وش تقصد؟
عبدالله بتفكير:ماقصدي شي بس ابي اعرف هم من متى كانوا هنا
ليث:والله في بالي واحد بس خلوني اتاكد واصرح باسمه
فهد:من بكره الكاميرات تتركب
وليد:جدي رافض
عبدالله:مو على كيفه بنركبها بالغصب ولا بالطيب
فهد انسدح:انا بنام هنا
سعود:الخوي مايخلي خويه معك معك
وليد:خير وانا بعد معكم
عبدالله: وليد تنام ببيتنا معي
وليد بطقطقه:افا يابو محمد ليكون تخاف ؟
عبدالله :خلاص طقاق نام ان شاء الله بشارع
وليد:اعترف يارجال انك تخاف وانام معك
عبدالله اشر على العقال:ودك به؟
وليد بخرشه ؛خلاص بسكت
فهد يضحك:لا بعد بيتزوج غيم وش يسكتهم الاثنين
وليد:مابرد عليك عشان زوج اختي
فهد:حلال من صفق ذا الوجه
عبدالله :خلاص ياورعان اصمقتوا راسي
