غيم اللي سمعت وليد انه طلع دخلت وهي تدف ليال وتبتسم لاخوها والمصوره جالسه تجهز عشان تصورهم
غيم تضبط شكل ليال وليال توترت وتتكلم بصوت قصير:غيم انقذيني تكفين مابي اتصور تكفين
غيم :اص ولا كلمه
فهد قام يضبط شكله
طلعت غيم تركتهم وغمزت للمصوره تضبطهم
قربت ليال منه وهي بتموت من الحياء
فهد توتر من توترها ووجهها اللي حمر : كلها كم صوره ونخلص لا تتوترين وتوترين معك
زاد توترها من كلمة لا توترين معك رجفت يدها
جت المصوره وهي تمسك يد ليال وتقربها لفهد :كذا زين
صورت كم لقطه
ليال حابسه انفاسها
المصوره:ناظري فيه وابتسمي
ليال بتصفقها كف وبعدت عنه :مو لازم خلاص تكفي الصور اللي صورتيهم
فهد زان له الجو مسك خصرها وقربها له لمس ظهرها المكشوف وبيده الثانيه رفع وجهها له ابتسم لها صورتهم المصوره
وليال تناظر عيونه وهو يناظر عيونها ويبتسم لها جتها دوخه لما ضحك بقصد وخرت يده عن ظهرها وطلعت بدون ماتقول كلمه
فهد مايدري ليه سوا كذا ماينكر انها حلوه وحلوه بزياده وهذا هو اول لقاء له معها وجابت راسه ضحك من حاله ويتذكر كلام جدته عدل شكله وطلع لجهة الرجال وابتسامته اللي شاقه وجه اختلف وجه كيف كان بداية اليوم جامد وخالي من المشاعر وكيف صار الحين ضحك الجـد لما شاف فهد مبسوط مشى لعنده وتكى على عصاته بطقطقه :ربع ساعه وبنت محمد لعبت بموازينك
ضحك فهد :الله يهديك ياجد ماتفوت شي
الجد ضحك:حتى لو فوت شي في واحد نشر خبرك
فهد يدور وليد بعيونه
وليد بوسط الناس يرقص وضحك لما شاف فهد يدوره ارسل له بوسه من بعيد
جاه فهد هو ناوي عليه
وليد بلعانه بصوت عالي يصفق :عاش المعرس
فهد يتوعد وليد من داخله
ليث تضامن مع وليد وعطى فهد السيف حطوه بأمر الواقع اخذ السيف من ليث ولا يعرف له مره ولا جوه ابد قام يلعب فيه شاركه عبدالله بلعب لان عارف فهد مايعرف اجتمعوا اعمامه واخوياه حوالين فهد ويلعبون وكان فهد حاط السيف على كتوفه وينتظر الفرصه عشان ينحاش
ضحك الجد على لعانه وليد
ابو تركي اللي يلعب بسيف بااحتراف ولاحد ينافسه
فهد استغل ان الكل يعزز لعمه وطلع من الازعاج هو شبه مروق بعد عن الاستراحه واخذ له زقاره تروقه
"عند الحريم"
ديم بتعب :رجولي ما احس فيهم
غيم لان فستانها طويل محد يشوف وش لابسه تحت رفعت فساتها :الله لا يعذبنا فكيته من بعد ماسلمت عليهم
رتيل:وربي تفهمينن
ليال باارهاق :بنات لو نروح بيتنا الحين عادي؟
رتيل:حبيبي الملكه ملكتك تقعدين فيها لين يطلعون الناس كلهم
غيم :انا اقول نطلع ونطلب لنا اكل
ليال:دام الملكه ملكتي القرار بيدي
لدُن بحماس:ننام بيت جدتي؟
ديم دخلت الفكره براسها:اسمعي ليال سوي نفسك تعبانه وانا بكلم جدتي واقنعها ونروح
رتيل:يابنات استهدوا بالله خلاص الحين بيروحون الناس
غيم قامت بنشاط:يلا يلا بدون كلام مافي وقت لدُن اطلبي مابين نوصل وانا بكلم السواق
قاموا البنات يجهزون قبل محد يدري وديم راحت تكلم جدتها
ديم:تكفين ياجدتي الجميله يلا وافقي
الجده:يابنتي مايصير اقعدوا بس شوي على الاقل لين يقومون الحريم للعشاء
ديم برجاء:الحين محد بيدري يحسبون ليال تصور مع زوجها واحنا نرافقها يعني تكفين وافقي
الجده:خلاص خدي المفتاح من شنطتي ولاتقولون لحد
ديم باست جدتها وركضت تاخذ المفتاح من شنطتها
توجهت لعند البنات اللي لبسوا وخلاص كانوا عند باب المدخل اللي يطلعهم على حوش القاعه
ديم بصدمه:ياكلاب!!
ضحكت غيم :ماكنا بنسحب عليك بس نتجهز
رتيل:افا تهقين اروح واسحب عليك
لدُن بطفش:حبي البسي عبايتك السواق ينتظر اخلصي
ليال شايله الكعب بيدها :انا بطلع قبلكم رجولي تالمني
طلعت ولحقتها غيم وركبوا السياره
غيم بتتافف:ياربي طولوا
ليال :تونا ركبنا اصبري
جو البنات
غيم :كومار ودي بيت جد "كومار اسم السواق"
هز راسه كومار وتوجه لبيت الجد من حسن حظهم ان المطعم توه واصل اخذوا الطلب ودخلوا البيت وديم دقت على جدتها تطمنها
ام ليال تدق على ليال
رتيل:ردي حرام بتقلق عليك
ليال ناظرت بغيم وهزت راسها غيم انها ترد ردت:الو
ام ليال بخوف:وينك فيه؟
ليال :بيت جدي
ام ليال :احلفي انك بيت جدك مافيك شي؟
ليال:والله بخير حتى البنات معي بنام بيت جدي والله
ام ليال :الله يهديكم تكلموا بعدين الناس ماراحت
ليال:امي تكفين خلاص وصلنا أصلا وجالسين ناكل
غيم لفت على لدُن :روحي شغلي مكيف الغرفه تبرد قبل ماننام
لدُن وهي تاكل:حبي شفتي استي منها ان قمت
غيم شهقت:ياوصخه ياوصخه تراك صايره متمرده
ليال تأشر لهم يسكتون :خلاص امي ابشري يلا مع سلامه
رتيل وديم مطنشينهم ويأكلون ميتين جوع ما اكلوا شي
ليال قامت :خلاص انا بشغل بس اسكتوا
غيم :اجلسي كلي الوصخه ذي تقوم
لدُن:خير حبيبي حاطه حيلك علي
غيم:انتي اصغر وحده لازم تسمعين كلامنا
ليال طنشتهم وراحت تشغل المكيف ولبست لبس اللي راحت فيه القاعه
رتيل صفرت:تفهمين وربي تفهمين
ناظرت ديم : ياحظك ماشاءالله انا جتني تخمه"يعني ثقلت "
ماقدر اتحرك
رتيل تلف ظهرها لديم؛تكفين فكي السحاب
جلست ليال جنب غيم وتاكل وكل وحده مشغوله باكلها
سمعوا صوت بالحديقه
ناظرت رتيل بخوف:بسم الله هذا صوت وش
قامت غيم بحذر تشوف الباب مسكر او لا جتهم تركض مقصره صوتها:الباب مفتوح
