يـطري عـلـيه الـولـه وأطـري علـى بـاله

Part"27

تقشعر جسمه من صرختها التفت لمصدر الصوت
ليال بصوت مستمر بصراخ وخوف:في قطوه !!
راح لها ابوها يهديها واخوانها لها
غمض عيونه وده يقوم يصفقها كف على صراخها شد على قبضة يده يحاول يتجاهل وجودها
الجد يسند على غازي:الله يخلف عليكم من بنات والصراخ
عزام يطقطق:رتيل ودك يابابا تصرخين تراني موجود
الجد ضربه بعصاته:اركب سيارتك فشلتونا قال ودك تصرخين بعد ناقصنا احنا صراخ
فعلا كل واحد ركب سيارته يروح بيته وخربة خطة ليث انه يطلع البنات ويقهويهم كان خاطره يطلعهم
"عند بطلتنا ردينا" الساعه 12 ليلًا
متنومه بالمستشفى وخروجها بيكون بكره بداخله حزن غضب كره مشاعر متلخبطه غمضت عيونها بعدم قدره انها تكمل وتجاهد بالحياه وحيده بدون سند او اهل حتى عمها ما اعتذر لها  حتى الاعتذار مستخسرين فيه !! وقفت على حيله مالها غير ربها توجهتت تتوضى عشان تصلي الوتـر وتشكي لربها همها وحزنها
بدت تصلي انهارت بكي وتدعي من كل قلبها عليهم بعد انهيار وبكي وقفت عن سجاده وراحت تنسدح بتعب
..
مرت اليومين ذي بسرعه على ليال الا انه فهد يحس اطول يومين مرو عليه وردينا طلعت من المستشفى وراحت لبيت عمها ولا صارت تطلع من الغرفه ابداً حتى الاكل يجيها للغرفه من توصيات عمها للخدم
"الساعه  التاسعه صباحاً"
ام عبدالله كالعادة مسوي استنفار بالبيت مانامت زين عكس ليال اللي نايمه ومطنشه الوضع عادي لان الزواج مختصر ومرتاحه من ذي الناحيه دخلت ام عبدالله على ليال اللي نايمه وهي تصارخ عليها عشان تقوم وتشغل لمبات وتطفي المكيف
ليال فاتح نص عين:شصاير ليه الصراخ
ام عبدالله:قومي صار الظهر وانتي باقي نايمه تأخرتي لازم نطلع الحين
تاففت ليال ميته نوم:الحين مايمدي نكنسل الحفله ذي
ام عبدالله تضرب صدرها بتنجلط من بنتها :ياويلي ويلاهه قومي تروشي لابارك الله بعدوينك كنا اخرتي على يدك
ليال تنهدت بضيق :طيب طيب
ام عبدالله تطلع من الغرفه وتتحلطم على برود بنتها قابلها سعود:افا ام عبود مين مضايقك!
ام عبدالله بعصبيه :اختك ذي بتجيب اجلي على برودها
سعود يشوف الساعه:ترا بدري في وقت لا تتوترين روقي
وليد منفس ويفطر بصاله وهم واقفين قدامه:والله لو تقول اللي تقول امك ماينفع معها شي
ام عبدالله :اقول اذلفوا عن وجهي وخلصوني مابي اتاخر
وراحت تركتهم سعود بصدمه:وش سويت انا؟
وليد يمد لقمه لسعود:تعال كل ولا يكثر
جلس سعود ياكل معه ليال طلعت من الغرفه :وين ماما
وليد :اذا ماخاب ظني الحين متوجه لابوي تلعن خيره
سعود :حدك عاد امي تسفل فينا كلنا الا ابوي
ليال:الحين ليه هي متوتره يعني انا اللي اعرف العروس اللي تتوتر مو الام
سعود بطقطقه :شافت مامنك فايده واخذت دورك
وليد :والله لا اجيب لامي كيلو حبوب ريلاكس اوفر اللي قاعد يصير وش بتسوي في ملكتي بتخليني احضرها من الحين
سعود يضحك:اجلس بالقاعه من اليوم لين الملكه
وليد يتربع وزان له الجو :ليه الاصراف بنام مع اختي وزوجها لين اتملك وترجع امي لطبيعتها وارجع لبيتنا
طنشتهم ليال لان تعرف الحوار ذا وين بيدور ومزح الشباب الخايس دخلت تتروش وراها يوم طويل وكرف ومشاعر
خلصت بعد معناه من ازعاج امها اللي ماخلتها تتروش على راحتها طلعت من الحمام لاف جسمها بروب الحمام:استغفرالله محد يتروش على راحته
ام عبدالله وهي لابسه عبايتها :قلنا تروشي مو تنامين في الحمام!
ليال دنقت تجفف شعرها بتجاهل
ام عبدالله :البسي والحقيني السياره اغراضك نزلتها تحت يعني سالفة بجهز وبسوي مافي استر نفسك وانزلي
ليال ماودها تناقش امها وتزعلها:ابشري بس شوي عطيني عشر دقايق على الاقل
نزلت ام عبدالله تنتظر بنتها تحت
لبست ليال وخلصت فتحت جوالها ارسلت لغيم "خلي خالتي تجي بدري ماما مسويه استنفار بالبيت "
غيم صورت كشته"لك الله ان امي شاده شعري شكل جتهم الحاله"
ضحكت ليال ونزلت ركض عشان ماتسفل فيها امها
ليال بروقان:ممكن نمر ناخذ قهوة!
ام عبدالله:باخذ روحك اركبي السياره مابقى شي على العصر
ليال شهقت سعود مات من الضحك
ليال:دقيقه الحين يوم قومتيني كان الظهر مسرع صار العصر
وليد:امي تعجل بالوقت تحسسك بتأنيب الضمير وانتي ما منك نفعه
ام عبدالله:اقول ودوني ولا والله لا اشكيكم لابوكم
سعود:دام الوضع فيه القائد يلا اجل
راحوا للقاعه بدا المكان يمتلي البنات جو والكل متحمس وكالعادة غيم مسويه لهم جو ويضحكون ليال ماكان في ردة فعل ابد صدق تحس بتوتر بس تحاول تخفيه وتحاول تستمع بكل لحظة
اما فهد كان مع الشباب ببيت الجد غازي جايب لكل واحد فيهم حلاق ورقص وضحك والجد والاعمام معهم ومايخلى الجو من ابو تركي ومزحه ورقصه كانت اسعد لحظات فهد
ليال :بنات ردينا جت احد يستقبلها
غيم :انا بروح لها
دخلت ردينا وهي منحرجه ماكانت بتحضر بس من كثر ما اكدت عليها ليال جت وهي نوعا ما متفشله من لبسها ومكيبها رحبت فيها غيم وخلتها تسلم على جدتها واهلها
ام ليث بحنيه:ماشاءالله والجمال
ام تركي وهي جازت لها:ماشاءالله تبارك الله هذي صديقتك ياغيم!
غيم ببتسامه ؛ايه
ردينا بخجل:تسلمون
الجده:فصخي عباتك يمه وارتاحي
غيم :لا باخذها دخل تبيها ليال
دخلوا على ليال
ردينا شهقت بحماس لمنظر ليال :ليلوو تهبلليين مرهه وقفييي اشوف
وقفت ليال وهي تضحك وتفتح يدها ضمتها ردينا بقوه سلمت عليهم ردينا
لدُن:واو تشبهين ديم مره بس طبعا انتي احلا
ديم:ماشاءالله جميلله مره
ضحكت باحراج :ترا مااعرف ارد
وهج:يابوي لاتردين خلينا نتأملك وبس
غيم:فكي عباتك يلا ابي اصوركم
فكت عباتها وهي تحاول تتجاهل نظراتهم كانت لابسه فستان اسود حفر وساده بس يدها علامات حرق واضحه ولا عرفت تغطيها وخاصه انها توهه باقي تالم
وهج بصدمه:بنت وش ذا!!!
ردينا ابتسمت ابتسامه فيها غصه:احترقت
ليال توخر الكوفيره وتوجهت لها :منه!
هزت براسها ايه
غيم بنرفزه:لاتقولين انك ساكته له؟والله ياردينا والله بزعل
ردينا؛وش تبوني اسوي!