لفت نظرها شنطتها اللي بتروح معها الفندق متغير مكانها جت بتشوفها دق للباب فزت بخرشه :مين
ام عبدالله:انا افتحي الباب
ليال ؛البس
ام عبدالله زادت دق للباب عرفت ليال مالها هروب فتحت
ام عبدالله:الحين تقولين لي وش اللي صار
حكت لها كل شيء صار بتفاصيل من يوم تركها وليد لين ركبت معه
ام عبدالله:الله يفكنا منه ومن شره والله امه الله يرحمها اديبه وطيبه الله يهديه من ولد
ليال تاشر على العلاج :ترا جاب علاجاتي
ضربته امها:وتقولين انه مريض والله محد مريض غيرك يهتم فيك مايعجبك العجب انتي ماتبين الا واحد يدعس وجهك وتعرفين قيمة فهد
ليال:انا ماقلت شي بس هو ماعرفت له
ام عبدالله بزهق:خليك عاقله وبتفهمين
طلعت ام عبدالله وقفلت الباب بعدها
دخلت غرفة الملابس تلبس بجامتها عشان تنام ماودها تفكر باحد ودها بالسرير فقط
................
عند ردينا اللي كانت تخوض حرب مع ام عوض طول الفتره ماكانت تشوف عوض لان بشهر العسل مع اريام وكانت مرتاحه منه بس تعاني من امه
وكان ذا الاسبوع مفروض يجون وام عوض مسويه استنفار بالبيت تنظيف وتزين وجددت حتى الاثاث وكانت تكرف ردينا
ام عوض تكلم اختها:مابقي شي على وصلهم يوسف بيستقبلهم
ردينا درت انه اليوم بيجون تنهدت بضيق دخلت غرفتها تضبط شكلها قدام اريام ولا تسمح لها تضايقها لبست فستانها الاسود اللي من ابوها ابتسمت بضيق ماعندها ملابس الا قليل وهلكتها
عدلت شعرها الكيرلي حطت تنت وروج فقط نزلت معها حجابها عشان لو صادف يوسف بيدخله ولا تحرجه بدون ماتلبسه بيدها
<<يوسف يكوم ولد عمها اخو عوض ماله اذى ابد مؤدب ومحترم عكس اخوه>>
ابو عوض:ياهلا ببنت الغالي
ابتسمت له:هلا فيك
ام عوض:البسي حجابك يللي ماتستحين ماكنا البيت فيه عيال
ردينا:يوسف راح يجيبهم وين العيال بضبط!
ام عوض :تردين علي!
ردينا:لا بس اوضح لك ان مافي احد اتغطى منه
امجاد:احترمي نفسك وانتي تردين على امي
ام عوض:خليها يجي عوض يشوف لها صرفه ويربيها
ابو عوض بحده:انتي ماتستحين على وجهك؟تتكلمين عن تربية اخوي قدامي والله لا ادري انك قايله لعوض شي تندمي فاهمه؟
ام عوض ماردت مقهوره كيف يسكتها قدامها
ابو عوض :اتكلم انا؟ردي
قطع كلامهم دخول عوض واريام
يوسف فضل مايدخل ويسبب لهم زحمه طلع مع اخوياه
سلم عليهم عوض كلهم ماعدا ردينا ولا كانت اصلا تنتظر منه السلام ولا حتى قامت لهم
اريام بدلع مايليق ابد:ماودك تسلمين على العروسه؟
ردينا بنفس نبرة دلعها:لا
تفشلت اريام وجلست طول الجلسه تخز ردينا
كان عوض يسولف بكل حُب عن سفرتهم محد متحمس غير ام عوض وامجاد مو مره تسولف معهم شوي على جوالها وشوي تسمع سوالف اخوها
ابو عوض طفش من كلام عوض مو طايق اريام ودلعها :امجاد شوفي العشاء جهز لانطول عليهم
ام عوض؛انا بروح اشوف
ركضت تشوف لاكل لهم وتحضر جلسوا بطاوله
اريام بدلع:خالتو ليكون حطيتي باذنجان بسلطه
ردينا ناظرتها تفقع عيونها بشوكه على دلعها الخايس المتصنع
امجاد ضحكت:في سلطه خضراء ينحط فيها باذنجان
عوض:ايه فيه شدخلك انتي
امجاد:فرضًا لو فيه مابتشوفينه!
ضحكت ردينا بصوت عالي على ملامح اريام وقفت بغضب وتركتهم
عوض عصب:حسابكم بعدين
ردينا:تبي تحسب حاسب اختك مالي دخل
امجاد بطقطقه :يمه خفت روح اركض وراها يالخروف
عوض قام لها هو يتوعد فيهم اكثر شي
وقفت ردينا لغرفتها من بعد المنظر البشع وكيف عوض يلحقها كانه ورع قررت تنام احسن لها ولا تشوف شي يسد نفسها اكثر
ابو عوض نفس الحكايه طلع ينام ماتحمل السخافة وحركات ولده كانه طفل يدور رضى اريام على اتفه الاسباب
اخذ فرصته عوض يسفل في اخته لانها السبب في زعل حبيبته لحق اخته المطبخ
وام عوض تهدي اريام او تحرض اريام بالاصح حكت لاريام انه ردينا قلة ادبها عليها وان زوجها مهددها ماتقول لعوض
واشتغلت الخبث والخبائث
اريام توجهت للمطبخ تبي تغيض امجاد وبنفس الوقت تقهر ردينا عصفورين في حجر واحد :بيب
عوض بهيام:عيوني لك
اريام بدلع:ننام هنا
عوض ماوده بس عشان ترضى:اللي ودك
عوض :ميري نظفي غرفتي جهزيها لي وقولي لردينا تطلع
اريام تمسك ازرار ثوبه وتتدلع:لا خلها تنام بغرفتها واحنا ننام بسريرك غمزت له
عوض اخذ يدها بكل حب وتوجه لجناحه حاول يفتح الباب كان مقفل دق مره مرتين فتحت بنرفزه:خير
اريام وهي ضامه عوض تستحقرها:بنام هنا وخري
ردينا بصدمه:كيف تنامون هنا انا وين انام
عوض:بغرفتك ذي اشر على غرفتها سابقًا اللي بدون سرير استحقرتهم ودخلت الغرفه وصفقت الباب بقوه
اريام سوت نفسها انها خافت من الصفقه:يمه روعتني
عوض:بسم الله عليك
ردينا تتحلطم:يمه منك تروعين بلد ياثعبان
انسدحت بالارض بقرف منهم واشمزاز من تصرفاتهم اللي تلوع الكبد واصواتهم كل ماله تعلى اكثر انزعجت منهم وهي تحاول تنام وكانت اريام اللي تسولف وعوض يضحك
فتحت باب غرفتها :عندي جامعه بكره ودكم تسولفون اطلعوا برا
اريام بخبث:اوه سوري مادرينا
ردينا :الحين دريتي لا اسمع لك صوت
رجعت تنسدح بالارض بدون لحاف او شي يغطيها وهي ماكنت تدري ان عوض بيرجع ينام هنا ابدا حاولت تنام وتطنش صوت اريام المستفز
اريام بما انها مو جايبها ملابس معها
فصخت لبسها وناظرته بجراءه
ابتسم لها عوض:تبينها سهرة صباحي
ضحكت بدلع وقربت له 🌚وكانت تتعمد تسوي الحركه ذي عشان تسمع ردينا وتغيضها
ردينا ماتحملت الازعاج اخذت جوالها وفتحت القران وطولت الصوت عشان تنام ماتقدر تطلع من الغرفه ماعندها مكان تنام فيه امجاد مستحيل تخليها تنام عندها مرت عمها مستحيل تعطيها غرفة ثانيه في ذا البيت
نامت بعد مابكت بقهرها على حالها
"الساعه الثامنه صباحًا "
ردينا غارقه بسابع نومه رغم انها بالارض وبدون مخده او بطانيه او شي تحتها فتحت عينها بانزعاج من الضوء اللي مدهام غرفتها
فزت مختلعهتدور جوالها تبي تشوف الساعه وكل خوفها تروح المحاضره عليها جوالها طافي رمته وتفتح الشنطه تاخذ لها تيشرت وجنز لبست عبايتها حطت بلاشر وروج والمسكرا بشنطه ماعندها وقت فتحت باب الغرفه شافت اريام وعوض لاعت كبدها من اشكالهم نزلت وهي تدعي بداخلها ماراحت عليها المحاضره
توجهت للضيافة النساء ودخلت تتوضى وتصلي الفجر
طلعت تتسحب عشان اذا مرت عمها صاحيه ماتسوي لها سالفه
عمها:صباح الخير
شهقت بخوف
ابو عوض قرب منها بضحكه:نعتذر من سموك عسى ماخوفتك
ردينا باست راسه:صباح النور
ابو عوض:اوديك؟
ردينا مستحيه منه:ايوه بس الساعه كم ؟
ابو عوض:الساعه 8توها ليه وين جوالك!
رفعت جوالها له انه طافي ارتاح يحسب عوض سوا لها شي
وطلعوا متوجهين للجامعه
قابلت البنات وجلسوا يسولفون وكان ودها تحكي لهم عن اللي صار بس ماقدرت تحس بحاجز او ماتعودت تحكي لحد من ثلاث سنين وهي ماعمرها شكت او فضفضت لحد شي غريبه عليها انها تفضفض بعد ماكانت تقول اتفهه اللي يصير لها لامها واخوها او ابوها انتهى دوامها رجعت وهي مرِهقه اكدت عليها ليال انها تحضر اكثر من مره تاففت بضيق ماعندها لبس تلبسه
دخلت البيت متجاهله الحمله اللي مسوينه ام عوض واريام عليها توجهت للجناح بتعب انصدمت من العفسه اللي بالغرفه كل شي بالارض بحلطمه: يتكلمون عن قلة الادب وهم حتى ملابسهم من الارض مايشلونها
دخلت غرفتها بعد ما اخذت مخده وبطانيه من الدرج وهي تفرش لنفسها قاطعها دخول اريام :ياحرام تنامين كذا!
ماردت عليها ردينا متجاهلتها كملت اريام بخباثه:ازعجناك امس؟ سوري احس مستحيه منك كم مره قلت له يمسك نفسه بس مايتحمل لما يشوفني اغريه حتى وانا ساكته
ناظرتها بقرف:ترا محد مهتم لاتقعدين تفلمين فوق راسي
اريام ضحكت بضحكه مستفزه:الغيره بتطلع من عيونك بس تبطين تاخذين فوفو مني
ضحكت بصدمه :فوفو مين؟ليكون عوض!!!!
اريام:ايه ياحبني له فوفتي
ضحكت من كل قلبها:ذاك الدب العريض فوفو
اريام:تتطنزين على حبيبي!
ردينا ماردت من الضحك
اريام تنرفزت منها
ردينا وهي تضحك :يلا توكلي عند فوفو حقك قبل احد ياخذه
اريام بقهر:حقيره نفس امك سبحان الله يخلق من
ما كملت جملتها الا وهي طايره من كف ردينا
اريام تمسك خدها بالم :ياحقيره
ردينا وجهت اصبعها السبابه لها بتهديد:ان جبتي طاري امي على لسانك القذر والله اشوه وجهك يا******
دفتها بقوه لين طلعتها من الغرفه صفقت الباب
انسدحت بتجاهل صياح اريام اللي تطلب احد يساعدها وطلعت للصاله تبكي وتصرخ بعد ماشقت قميصها وشدت شعرها عشان توضح لهم انها انضربت
:احد يساعدني من المجنونه
ركض لها عوض وامه وامجاد منخرشين من صراخها
عوض :بسم الله عليك وش فيك
تبكي اريام طبعا كذب:وينك عني انضربت من المجنونه زوجتك
زودت بهارات وفرصتها ام عوض تحكي له طبعا كان يحاول يهدي حبيبته بعد كلام امه شاش اكثر تركهم بصاله اللي تحت وطلع لها مو ناوي خير دخل شايش ومعصب وقته انه يستفرد فيها بعد ماعبت راسه اريام وامه لان ابوه مو موجود محد يقدر يمنعه فتحت عينها :هننا ماطرت
عوض بصراخ:انتي كيف تهينين امي وتضربين زوجتي
عدلت جلستها :شعنده الابن البار؟ماغلطت لا على امك ولا زوجتك
قرب منها وشالها من شعرها يوقفها:واللي صار قبل شوي صح مو غلط جريمه تقصدين
ردينا بالم:فك يدك عني يامعتوه
صفقها كف وراه الكف الثاني طاحت بالارض شاتها بطنها يبيها تصرخ كانت ثابته وحاطها يدها على وجهها قرب منها:انتي قذفتي زوجتي!
