فـي بيـت ينبعث منه ريـحة العود والبخور
الجد مسوي عشاء عازم فـيه اصحـابه وجيرانه والاقـارب
..
الساعه الثامنه ونصف مساءً
البنات بصاله الداخليه مجتمعين ويسولفون وصياحهم معبي المكان
مادخلوا يسلمون على الضيوف يحشون من كل قلبهم صار لهم اسبوع ونص ماتقابلوا
ام ليث طلعت من مجلس النساء رايحه لهم اصوات البنات عندهم وهم ماجو يسلمون مقصره صوتها :غيم وجع صوتك واصل عندنا بدال ماتحشين عندك تعالي صبّي القهوه للحريم
غيم بنرفزه لانه مو لحالها اللي صوتها عالي : مامي ترا كلنا نسولف وبعدين ليش اصب وين العاملات؟
ام ليث :جدك معطيهم اجازه اخلصوا انتي وياهم تعالوا صبُو
لا اوصل عند الحريم وانتم مو وراي
رتيل شهقت: لا تكفون ماراح اصب معليش يعني انا ما اعرف اصب
ليال بورطه :وانا تكفون ما احب الفقره ذي
ديم مسكت خصرها :لا بالله مين بيصب اجل اذا انتي وهي ماتبون
غيم بضحكه:المشكله مو هنا المشكله انكم وحيدات امهاتكم ماتعرفون تصبون !والله بيجي ضحك
ليال ضربتها :اص
لدُن وكان الموضوع جاز لها : خلاص انا بصب وانتم لاتصبون بس بشرط!
رتيل وليال ماصدقوا على الله:تم تم
غيم بصدمه لفت على لدُن مسكت راسها: حبيبتي فيك حراره؟
لدُن ضربت يد غيم عنها:وجع ترا بكنسل
ديم هي اصلا مالها خلق لشيء: خلاص تم موافقين على شرطك بس يلا خلونا ندخل امي بتعصب
ليال تهف على وجهها بتوتر :يمه كثير خلاص كنسل ماابي اسلم
غيم دفتها :ادخلي يابنتت!
لدُن تعدت البنات ودخلت قبلهم ورحبت فيهم ديم دخلت وراها هي والبنات هم مصدومين من حركات لـدُن اللي معروف عنها دلوعه ماتسوي شي حتى مرات ماتدخل تسلم طبعا ليال تسحب على طول لما تشوف لدُن تسحب بس ذي المره لدُن بتدخل مالها وجه ماتدخل عند الحريـم وهي تكره أصلًا فقره السلام والجلسات الرسميه
الجـدة اكثر انسانه انبساطنا الان ،مجرد مادخلوا حفيداتها وابتسامتها كل مالها تزيد وهي تعرفهم على الناس الجدد
ولدُن مشتطه تصب مره ومرتين وثلاث محد تحرك من البنات متفرجين كيف لدُن تشتغل جت لدُن تصب مره ثاني
هدى الحـرمه اللي لدُن تصب لها قهوه باستهزاء وحاطه رجل على رجل :كيفك يا لدُن؟
لدُن ببتسامه هي مو طايقتها :بخير
هدى :كيف المدرسة معك ؟
ام ليث:صح هدى أنتي إداريه ؟
هدى بشوفة نفس؛اي
هيا ام ليث لاحظت نظرات هدى من يوم دخلت لفت لاختها :ماتنبلع
شريفه ام تركي:من يوم دخلت وهي شايفه نفسها اللي يسمعها كنا منصبها مديره
اميره ضحكت
هدى حست انهم يحشون فيها:اطربينا يااميره وش يضحك؟
هيا ضحكت:شكلك نسيت انك بعزيمه مو مدرسة
الكل ضحك
تفشلت هدى وحطت رجل على رجل تعطي فنجالها لدُن عشان تصب لها قهوه :الادب ماله مكان معين ياهيا
ماامداها تنهي جملتها الا ولدُن كابه الفنجال عليها با استقصاد
هدى صرخت ورفعت عينها على لدُن بـا انفعال :كسر يكسر يدك ياحيوانه
على طول قامت ام ليث وهي تبعد لدُن وأم ليال قامت تهدي الوضع :حصل حصل خير ياجماعه
ديم فزت مخروشه تبعد لدُن و لدُن تضحك بصوت عالي تستفز هدى ام ليث تاخذ الفاين تمسح لبس هدى وهدى متنرفزه دفت ام ليث : وخري انتي الثانيه وتمشي للمغاسل ام ليث مشت وراه تحاول طبعا غيم ماوقفت ضحك تحاول رتيل توقفها مو قادره وتورطت لان الحريم يناظرونهم ليال كانت بعالم اخـر همها الحين مين بيصب او يوزع الحلا ليال بورطه:بنات مين بيصب !!
غيم مجرد ماسمعت نبرة ليال وكلامها زاد ضحكها ام ليال مو عارفه تمسح او تسكت غيم اللي اصلا المكان قلب هدوء من بعد ماصرخت هدى رتيل ودها الارض تنشق وتبلعها تقرص في غيم وغيم مو حولهم ميته ضحك وماسكه بطنها
الجده لحقت هدى وهيا
ام تركي راحت تنادي العاملة عشان تنظف
عند هدى اللي شوي بتبكي لان القهوه كانت حاره جداً وتنرفزت اكثر لانها من لدُن وبداخله تتوعد في لدُن
ام ليث بفشله:المعذره ياهدى اعذريها بلغلط
هدى بصوت عالي :نعم ؟ كانت قاصدتها بنتك ولا بعد تضحك
قليلة ادب
ام ليث تحاول تمسك نفسها لا تهفها كف
الجده سمعت هدى وهي تنافخ: هدى لا يطق فيك عرق يا يمه
توك تقولين الادب ماله مكان معين ولا تقولين كلام وانتي مو قده؟
هدى حست على نفسها: المعذره يا خاله بس احترقت ولحد ينتظر مني اني اسامحها
