ليال فتحت الباب وخلت خالد ينزل لفهد
طول وهو يدق جرس الباب وخالد واقف جنبه ويناظر الوقت بساعته بتأفف
خافت ليال ليكون في اهله شي هو طلع ينادي احد يساعدهم كل الأفكار السيئة طرت في بالها حست بدموعها تنزل مسحتها باستعجال والعبرة خانقتها خلقت سناريو براسها وصدقته
طلع رجال لهم واضح قايم من النوم من منظره وشوشته الطايره
فهد بإحراج:المعذره على الإزعاج بس في ولد لكم ضايع أو طالع بدون ماتدرون
ابو خالد يفرك عيونه ويقاطع فهد :لا
خالد كان مدنق راسه ومتكتف بزعل وزاد زعله لما ابوه قال لا
شهق ابوه لما شاف الطفل اللي جنب فهد:انت وش طلعك من البيت؟
خالد بزعل:انا ما ابيكم خلاص
ابو خالد:وش اللي ماتبينا؟ ادخل ادخل
لف على فهد:بيض الله وجهك ياالاجودي وانا بكل ثقه اقول لا كثر الله خيرك
فهد ابتسم له:وجهك ابيض ماسويت شي جارك وبخدمتك
ابو خالد :ماقصرت والله
فهد:انتبه له ونتقابل على خير
خالد يمسك بثوب فهد :انا قلت ما ابيكم ابي اهل ثانين بروح معهم
فهد ضحك على كلامه
ابو خالد:الله يهديه من يوم ماجت اخته وهو مسوي فينا مصيبه
فهد:ماشاءالله الف مبببروك ويجعلها من الصالحات يارب ويتربون بعزك
ابو خالد ارتاح لفهد :امين ماقصرت
ركب سيارته فهد بعد ماودع خالد وابوه واخذ رقمه
كان الهدوء ملازمهم حتى وصلوهم للبيت نزل كل واحد في خاطره كلام على الثاني بس السكوت افضل شي لهم
دخلت تغير هو دخل دوره المياه "اكرم الله القارئ "يتوضى عشان يتسنن ويوتر
طلع من دورة المياه "أكرم الله القارئ "يمسح وجهه المبلول وينادي ليال طلعت من غرفة الملابس وتراسل غيم:هلا
فهد اخذ نفس ويدري اللي بيقوله مو سهل :انا خطبت وبكره ملكتي
ضحكت بصدمه
فهد حس ماهي مستوعبه :ترا اتكلم جد خطبت سماهر
بلعقت ريقها وهي تناظره بصمت ما ارتاح لردة فعلها كبر وبدا يصلي بما انها ماردت
ليال برودد فهد قتلهاا واللي قتلها اكثر انها سماهر ورا كل شي هجمت عليه وتعلقت فيه وتشد بشعره بغبنه وتصرخ وتسب :ياكلبببب ياكلبب كيف تسوي فيني كذا؟؟؟
اختنق من يدها اللي على رقبته حاول يدفها ويكمل صلاته بس خربتها عليه :يامجنون انزلي عنييي
شددتت بكل قوتها وتهز براسه وتحركه وهي ماسكه شعره حست في نار بداخله تبي تضرب اكثر قربت شفتها وتعضه في كتفه ودها تقطع لحمه من القهر والعصبيه
رجع على ورا بالم وهي باقي متعلقه فيه طيحها على الكنبه ولف بحركه سريعه يثبتها ويمسك يدها شد بقوته عليها وهو معصب من حركتها وانه يتالم :خبله انتي قطعتي صلاتي عشان موضوع تافه ياتافه ''
صدرها يرتقع وينزل من الغضب وشعرها المبعثر على وجهها عضت شفتها وهي تكتم صياحها:فك يدك ولا والله اكسره لك
فهد رفع حاجبه:تستقوين علي ؟اهجدي لا ابرك عليك الحين وانسيك قوتك
شاته برجلها على منطقته الحساسه بكل قوتها وترفع صوتها عليه
تاوه بالم ومسكه وهو يدنق وجهه حمرا
صرخت بغضب :ما امدا تخلص كلمتك مين نسى الثاني قوته؟؟ ياوصخ يادني يا اوصخ واحد في الحياه كنت اضضنك رجال لكن طلعت حالك زي حال الذكر
فهد يتألم :قسم بالله ياليال لو ماتوخرين عني اني لا اعلمك وش هي الرجوله والله اخليك تندمين
صرخ بالم :اطلعييي
ليال وهي تمسك عبرتها :اندم؟ انا اصلا ندددمااانه على اني حسبتك وضنيتك غير عنهم الشره مو علييك عليي اللي ضنيت فيك انك كفو ورجال لكنك طلعت كلب حتى الكلب اوفى منك الله يعزه عنك وعن تصرفاتك البايخه مسوي مستشرف فوق راسي وماخذ ازبل من خلق ربي لكن رخاص وتجمعوا وهذا اللي يليق فيك يافهد
كلامها يقهره ويزيد في غضبه بس مايقدر يمد يده :اطلعي برا احسن لك ولي
دخل دورة المياه ويسمعها تدعي
وفيها البكيه وتشوف ماسكه ويتالم تكلمت بغيض :يارب يبترونه لك يارب قططع قطع
ضحك بخفه من دعوتها وطلع راسه من دورة المياه ويصطنع العصبيه وبداخله يضحك :يبتر وش ياقليلة الادب؟ ماتلاحظين انك قاعده تقلين ادبك؟
ليال وضحت الصيحه بصوتها: انا قليلة ادب؟ وانت وش تسمي حركتك؟
اخذت نفس وهي ترفع راسها لفوق تمنع دموعها من نزول:انت ماكنت بحياتي السابقه عشان تنتقم مني الانتقام البشع ذا!!
انت حتى اسمك الوحيد اللي اعرفه فقططط مالك وجود في حياتي عشان تحسسني بشعور القبيح ذا فهد اقولك انا حبييتك اننتت حتى لما كنت اكلم فيصل ماحسيت بشعور اللي احسه معك ماحسيته الا معك انت ما حبيت الا انت ليش تكسرني وتخيب ضني فييك!! وين فهد اللي احببه وين اللي يخاف علي من نسمة الهواء؟ ويننه !
فهد كان مسترسل ومصغي لكلامها لدرجه انه ماحس بنفسه الا واقف قدامهم بس لما جابت طاري فيصل كانها تهيض مشاعر ثانيه لها مشاعر كره وحقد يكن لها مجرد طاري فيصل :دفنتيه بخييانتك لي
ضحكت بصدمه :اي خيانه؟ وين موقعك اصلا بحياتي القديمه؟ ولد عمي فقط لا زوجي ولا حبيبي كنت فهد ولد عمي عبدالعزيز
فهد بغبنه:صح ماتعتبر خيانه لي بس خنتي ربي واهلك بعلاقتك المنحطه مع الكلب
ليال رفعت صوتها بغضب:وشششش دخلللك وش دخلللك انت مو انا اللي خنتهم على قولتك؟ ياولد الناس افهم ان الانسان خططاي وفي رب يسامح ويعفي انت مالك دخل نفس ما انا اخطيت في ضني فيك اخطيت يوم كنت اكلم واعيش علاقه لا ترضي الله والحمدلله تبت والحين انا اخطيت بضني فيك وبتوب وتوبتي راح تكون طلاقي منك يافهد
فهد كلمة الطلاق اللي ماحسب حسابه ولا ظن انها بتصير :اسمعي انتي قاعده تخربطين بالكلام خليني اصلي ونتفاهم بعدين مالي خلق اتناقش
طلعت ليال بدون ماترد لان دموعها حالفه تخونها وتنزل باي لحظه لكن حلفت ماتوضح لفهد اي شي او دمعه تنزل قدامه
طلعت من البيت وقعدت بالحديقه وسمحت لدموعها بنزول
.......
اليوم الثاني في بيت الجد تحديدا وصل لهم الخبر وكان زي الصدمه لهم
بالحوش جالس الجد وتركي والجده وديم وردينا والجده ونواف ولدُن
تركي يحاول يقنع جده:ياجد ماينفع يروح الولد لحاله روح معه لاتفشله خلاص هو تقدم وخطب انتهى زعلك مابيرجع الزمن لورا ويكنسل
ردينا بنرفزه من اصرار تركي :وانت وش دخلك بينهم!يعني تشوف حركه فهد صح؟ معليش قلة ادب وهمجيه
تركي رفع حاجبه :مافهمت هل وجهت لك الكلام؟
هزت راسها بنفي
تركي بحده:اجل مالك دخل
الجده:يامهدي صادق تركي عني ماني راضيه لكن بعدين نتفاهم معه لانشمت الناس علينا
الجد:ماني رايح الا اذا وافقت ليال ذيك الساعه رحت
الجده:اجل امش نروح لها
الجد استند على كتف تركي عشان يوقف ومسكه تركي لين وقف
تركي تافف عجز فيهم كل واحد اعند من الثاني
طلع الجد ولحقته الجده
نواف:الحين وش مزعلكم كلكم هو تزوج على زوجته مو عليكم
ردينا :وش اللي وش علينا هذي شفاحه خلاص عندك وحده لازم تعدد عشان تثبت انك واو ورجال!
نواف قمط:يامعتوهه انا نواف مو فهد ركزي بعدين وش دخلك يتزوج مايتزوج وش اللي حارقك
لدُن هاربه من البيت والسبب السالفه كل مكان تلقى احد يسولف بالموضوع تضايقت اكثر وقامت
ردينا صفقت نواف وهي مقهوره :انت سد حلقك
نواف :فيك شي انتي حمارره وربي تعور
ديم:بالله لحد يعلم وليد وغيم خلهم ينبسطون بسفرتهم
نواف:ماحنا قايلين شي سكتي ذي من اليوم تبكي وتسب
تركي كان يناظر تحركات ردينا كيف هي منفعله ومعصبه
وقفت ردينا وكان بيدها كوب شاهي ناظرت بشاهي ونواف اللي يضحك ويحرك شفايفه بدون مايتكلم "بكايه يا بكايه رمت كوب الشاهي وهو حار عليه ودخلت وهي بقمه الغضب
صرخ نواف بالم ضحكت ديم من الصدمه ولحقت ردينا لان بقت لحالها معهم
اما تركي مات من الضحك
نواف يرفع صوته عشان تسمعه:قسم بالله فيك ياردينا اوريييك
وقفه تركي وهو للحين يضحك
ديم لحقت ردينا اللي بكت بغضب ضمتها وهي تسمي عليها
لدُن كانت متكيه على الجوال قمطت من بكاء ردينا
ديم:بسم الله عليك ردوني
ردينا بغبنه:محد حاس وكانه شي عادي وجع عديمين الاحساس
ديم :محد راضي صدقيني بس مابيدهم شي
لدُن جلست على متكى الكنبه : مايعرفون يوضحون مشاعرهم نفسنا لايغرك كلامهم
ديم:امسحي دموعك يلا عشان نشوف ليال تستقبلنا نجيها
ردينا تمسح دموعها واشرت براسها انه ايه
....
ليال اللي تعبت وهي تسمع كلامهم وكل واحد يرد على الثاني
وامها اللي واضح تكابر وفيها البكيه
الجد:انتي وين زوجك؟
ليال واخيرا احد وجه سوال وبتقدر ترد عليه :طالع يخلص له مشوار
الجده صدعت من كثر السوالف: ياعزام اطلع انت واخوانك خل الحريم يتنفسون
ابو تركي:ليه محدده اسمي لحاله !!
الجد بحده:اذلف انت وهو لو اجتماع فـ شركه ماشفت رقعت وجهك لكن حشى في خلق الله تحضر اول واحد
ابو تركي منصدم كيف تحول الموضوع عليه جا بيرد
سكت اخوه محمد وهو يسحبه ويطلعه ونادى ليال تطلع له
استاذنت ليال من جدها وهي تطلع لابوها مرتبكه
واقفه عند المغاسل وابوها قدامها
ابو عبدالله ماينكر انه زعلان لكن مابيده شي شرع الله واللي بيقدر عليه بيسويه:يابنتي انتي تدلين رقمي وبيتك اللي انولدتي فيه مابسالك ولا اضغط عليك لو تقولين لي يبه بروح معك الحين مابيه نذر ماتقعدين على ذمته ولا تشلين هم العايله محد بيزعل ولا حد بيشرهه عليك اللي تبينه اعتبريه جاهز
ولا تحسبين ذي جلستنا الأخيره لكن مابي اضغط عليك فوق الضغط اللي انتي فيه لا تترددين بشيء تبينه
رغم انها تحاول تبدل مشاعرها للقوة الا ان كلام ابوها هز مشاعرها بشكل مجرد ماحست عيونها بتغرق حضنته وهي تستمد القوة منه باس راسها
بعدت عنه وهي ترد على جدها اللي ينتظرها
ابو عبدالله:الله يعينك الشخص الوحيد اللي ما اقدر اساعدك فيه
ضحكت وهي تدخل عند جدها لانه بدا يعصب من نبرة صوته
جلست بين جدتها وعبدالله اخوها
الجد:اسمعي يابنتي الشرع حلل له ولا احد بيمنعه لكن رضاك عندي اهم من رضاه
قاطعته ليال وهي تتكلم بكل ثقه:انا راضيه مين قالك اني زعلانه هو يبي يعرس ويحق له يعرس ويلقى وحده تناسب عمره وتجيب له اطفال انه مشغوله بدراستي ولا فاضيه للأشياء التافه
قالت التافه من كل قلبها على كلمة فهد امس
الجده:ياليال يايمه لا يأخذك كبريائك قولي
ليال بضحكه:تبون احلف بالقران؟
ام ليال بكت :اي والله انها عين يايمه
الجده :وش عينه استهدي بالله يا اميره
الجد:الا ابليس راكب مخه ماعليه دوائه عندي
عبدالله طول ما تتكلم ليال كان ماسك يدها ولا ينكر انه حزين على اخته :يلا خلصنا تحقيق نبقي لا جا فهد
ام ليث هي مستحيه من ليال :ليال بيدك كل شي يايمه والله لو ماتبين انه يتزوج اني لا اخليه يكنسله الحين وطقاق هو واخوي لا هو ولدي ولا اني اعرفه
ليال ضحكت وهي تشوف اهلها كيف معصبين :لا يتزوج وبالعافيه عليه دامه مابيقصر معي مافيه خلاف
الجد وقف ولا هو متطمن لكلام ليال وطلع حرته فيهم وبس يسب ويلعن طلعوا وليال وعدت امها انها تجيها
مرت نصف ساعه على طلعوهم وهي كانت على الجوال وتتفرج بين البرامج بطفش وشافت رسالة ديم وتعذرت منهم لان صدق مالها خلق لاحد مافيها قوة
اول ما وقفت مسكت راسها من الدوخه اللي صايره تداهمها كثير سمت بالله وجلست تنتظر تروح الدوخه وحايمه كبدها حاولت تشغل نفسها بالجوال وتتناسى الوعه ماقدرت ركضت للمغاسل وهي تستفرغ
على جية فهد وهو من يوم قام الضيقه ملازمه صدره
العامله تضرب ظهر ليال بخفه وليال كانت تبكي وهي تستفرغ بالم
فز قلبه بخوف عليها دخل المغاسل وكانت تستفرغ بعدت العامله وصار مكان العامله يطبطب على ظهرها بخفه خلصت وتكت على المغسله بتعب غسل وجهها بخوف :وش اكلتي !
ماردت لف على العامله هزت بكتوفها:مافي اكل هي
فهد اخذ نفس:طيب جيبي ملابس
ليال تبعد يده عنها بقرف منه طلعت لغرفتها
العامله لقت فرصتها وقالت لفهد ان ليال مو اول مره تستفرغ وانها مااكلت شي بس قهوه ومويه فقط عصب من حركتها اللي حسها مستقصده
دخل الغرفه وهو يرمي شماغه على الكرسي:انتي تبين تموتين؟ وش حركات المراهقين "ما راح اكل واقعد على قهوه "!!؟
انسدحت وهي تعبانه : مالي خلق اتناقش معك اجله بعدين
فهد عوره قلبه :طيب ارحمي نفسك وامشي المستشفى يعني لو ماجيت انا ما كان دريت انك تعبانه
اهتمامه فيه الحين لخبط مشاعرها كلها داهمها شعور البدايييه يوم يهتم فيها حنننت لمشاعره وحنيته
فهد اللي لاحظ تغير وجهها تنهد بضيق نظرتها بعثرته على كثر ماهو ماتبعثر مسح على شنبه وهو يلم مشاعره تكى على نهاية السرير وهو يسحبها بخفه لحضنه عضت شفتها من حركته وهي تكتم انفاسها من المشاعر والعبره اللي تحاول تمسكها
مجرد ما مسح على شعرها انسابت دموعها على خدودها وكانه مستقصد بحركاته
فهد حن واشتاااااق ويدري انه بيندم لكن الشوق غلاب
تحنحن:ناخذ هدنه اليوم بعدين نرجع نتهاوش
ضحكت من بين دموعها ببحه وضحت لفهد انها تبكي:بس فايزه عليك واحد صفر
فهد ضحك بخفه وهو يسحب شعرها على اساس يشده:ضربك لي امس ترا مردود
ليال رفعت راسها بهدوء وهي تمسح دموعها:رديتها بملكتك على سماهر
كملت وهي تبتسم بس ابتسامه اوجعت فهد :بخير انا روح تجهز وراك ملكه
فهد يبعد شعره :تاجلت سويت تحليل زواج
ليال :مُصر على رايك؟
هز راسه بايه
ليال تربعت وجلست أمامه بضبط رجعت شعرها على ورا اللي بعثره فهد:عادي أسالك؟
ضحك وهو يهز براسه:من الجلسه ما اقدر اردك
ليال اخذت نفس :ليش سماهر؟ يعني ليه من بين الناس كلهم؟
فهد :مو قلت ناخذ هدنه؟
ليال: بس ما راح اتهاوش معك بس اعرف شمعنى هي؟
قاطعهم اتصال وقف فهد يبعد عنها ويكلم برا
تكتفت بغضب انها حنت له مجرد مافتح لها يده ودها تصفق نفسها
التوت على نفسها من الم بطنها سمت بالله وماخلت ايه بالقران الا قالتها من الالم عدلت سدحتها من سمعت صوته يقرب ماتبي تبين له
دخل الغرفه معصب وفاتح سبيكر :يلا جايك
يجهز شنطة السفر ويجمع اغراضه باستعجال ليال تتامل تحركاته كان يحط كل شي قدامه ناظر ليال:قومي اجهزي بوديك عند اهلك
ليال بصوت خافت:ما ابي
فهد:وش ماتبين بسافر انا مدري كم بقعد
ليال ودها تساله وين بتموت قهرر
فهد:قومي اخلصي
ليال:بخلي خواني ياخذوني
فهد وافق لها لانه متاخر حط فلوس بطاوله :اللي بيوديك البيت خليه يوديك المستشفى وطمنيني نزل مستعجل
ليت وسعود توهم واقفين عند باب بيت فهد
استغرب فهد وجودهم وهم مستغربين من الشنطه اللي معه
ليث:عسى ماشر؟ وين هاج بشنطتك
فهد يدخل شنطته بسياره ويسلم عليهم
فهد:عندي اجتماع وابشرك توني ادري فيه
لف على سعود:ليال بالبيت مايمديني اوصلها انتبه لها
سعود:لا توصي حريص
ليث بطقطقه من حدة سعود:ربي يحبك يافهد انقذك منا
فهد كان بيرد بس سكت من السياره اللي وقفت عندهم ومندوب نازل ويطلع باقه ورد
جاء المندوب:بيت فهد؟
فهد يناظر بالباقه :ايه حياك
المندوب قدم الباقه
ليث:من الحين باقات وحركات
قراء الكرت وتطمن بعد ماقراء دخل يدخله على ليال نادى ولا سمع منها استجابه عطى العامله تعطيها وتعلمها بوجود اخوها
.....
ليال استانست من الباقه مكتوب بالكرت"انا جارتك ام خالد وهذا رقمي "
صورت الباقه وترسلها للبنات وهي مستانسه واضح الجاره لطيفه سجلت رقمها وكانت تبي تكتب لها رساله شكر على الباقه تفاجأت بدخول سعود وقفت ترحب فيه وتضيفه بصاله
جلس سعود
ليال مازالت واقفه:وش تبي تشرب !
سعود:ماني مطول باخذك بس قبلها ورانا كلام طويل
ليال بطفش :حتى انت !! سعود ناجله لان والله من يوم فهد خطب تعبت وانا ادخل بنقاشات ماعندي تبرير كلمه هو اساله ماعندي شي غير انه عرف بعلاقتي وانا بسن المراهقه فقط
سعود كان قلبه قارصه من فيصل وخاصه يوم عرف انه منجلد وبالمستشفى:يعني هو اللي معلم على وجهه؟
ليال بعدم فهم:وجه مين؟
استوعبت:قصدك فيصل؟ فهد صدق سوا له شي؟ هو قال لي بس ماصدقته لان ماسمعت احد تكلم عنه
سعود تجاهل اسئلتها عن فيصل :الحين وش خلا الاخ فهد يدري بشي بالماضي! وبعدين لاتقولين انك انتي جايه قايله له مسويه بتكونين معه صادقه! بصفقك كف لان محد يقبل انه يعرف زوجته كانت تعيش علاقه حتى لو عابره
ليال وهي تعدل نفسها :السالفه طويله لكن الكلام اللي قلته غلط
سعود ماحب يضغط عليها :طيب اجهزي عشان اوديك البيت
ليال بكذب:البنات بيجون عندي ينامون خلها بكره اجي
سعود:والله؟
ليال:اييه حتى ابي اجهز الجلسه لهم بنسهر ونلعب
سعود:خلي جوالك عام ودقي علي لو بغيتي شي
وقف بيطلع لحقته ليال :سعود
لف عليها
ليال بخجل انها كذبت عليه:اطلبك طلب؟
سعود ابتسم:اعتبريه تم
ليال برجاء:لحد يدري ان فهد سافر يعني لاتقول لهم هو يقول كيفه بس ما ابي احد يضغط علي
خنقتها العبره:محد بيجيني من البنات كنت اكذب ما ابي احد مالي خلق لهم ولا اقدر اردهم افهمني هالمره بس
سعود اخذ نفس هو متعاطف معها يحق لها ماتبيهم مايرحمون من الاسئله:ابشري بس طمنيني عليك
ابتسمت له طلع قفلت الباب جلست بصاله قفلت جوالها تبي تقعد مع نفسها تمر بضغوط وتعب وطول الفتره هي اللي تبرر ولازم تكون قويه لكن قوتها هالايام ذبلت ودمعتها اربع اربع
انخذلت من فهد ومن تفكيره
