لدُن تطقطق عليها وتصور غيم
غيم دقت على خالتها:اص ادق على خالتي
فهد :مجنونه انتي
ديم :يوه فهد هذا ولا شي مره دقت على عمي عشان ليال
فهد هز راسه بأسى منها
ردت خالتها وغيم فاتحه سبيكر :سلام عليكم كيفك خاله
اميره ضحكت:وعليكم السلام الحمدلله بخير انتي كيفك
لدُن بصوت عالي:مو بخير ياخاله انجنت رسمي
غيم مطنشتهم :وين ليال؟
أميره: نايمه والله
غيم :حشى خاله نامت واجد خليه تقوم
ديم :يابنت شدخلك خليهها تنام
غيم بنرفزه :شدخلكم انتم يلا امورتي قوميها
ليث داخل الصاله :تمونين والله
لدُن:اختك عليها قل صح
اميره تضحك على غيم دخلت غرفة ليال البارده :يوه يابرودة الغرفه ليال قومي وش ذا نوم
طفت المكيف :انتي متتروشه؟
غيم بصراخ :ليال يامجنونه مشغله المكيف ومتروشه تبين تذبحيني
ضحكوا خوانها عليها
أميره انخرشت من ليال اللي تبكي بصمت وماسكه بطنها :بنت وش فيك
ليال شهقت منهاره بكي وماسكه بطنها وجهها احمر :امي
رمت الجوال اميره بخوف :ليال بنت سمي بالله وش ماكله انتي ؟
ليال كانت تشهق وتتالم :بطني
صرخت أميره يوم حست ليال بتفقد وعيها :محمد محمد
محمد كان يكلم عبدالله آول ماسمع صراخ اميره قفل جواله يركض دخل الغرفه :ليال بنت
أميره بخوف:امسكها بجيب لبس لها واجي
محمد يوخر شعرها من وجهها وقامط ام العافيه : بسم الله عليك اميره اعجلي
ليال اللي تحس بطنها لعب فيها لعب مو قادره توقف
ركضت اميره لبست ليال هي ومحمد ركضت تجيب عبايتها ومحمد نزل ليال اللي صرخ في سواق يشغل السياره وكلها دقايق وصلت المستشفى حطوها بطوارئ عطوها مغذي ومسكن
ليث دق على عمه يتطمن هل في داعي يجي او لا وغيم منخرشه تقول خلوني اروح لها طمنهم ابو عبدالله انها بخير بس القولون متهيج عندها وحراره بس
بعد ساعه دخل الدكتور عليهم يتطمن على ليال اللي كانت نايمه
الدكتور :ابو ليال تفضل معي
طلع محمد معه : عسى ماشر؟
الدكتور بتردد:سوينا تحليل لبنتك للاسف تاكدنا معها مرض السكر يوم وصلت عندنا كان سكر مرتفع جدًا عندها والضغط نازل سوينا تحليل سكر وبنتك معها السكر اما الضغط انه منخفض من التعب وانها مو ماكله
انصدم محمد بنته جاها السكر وهي بذا العمر
الدكتور يكمل :بنتك من ثلاث شهور مسوي تحليل سكر وكان فيه نسبه قليلة لو اخذت حبوب منظمه و منعت عن السكريات
تعالجت
محمد انصدم اكثر وش يخربط ذا:طيب عادي تعيد التحليل!
الدكتور بتفهم :بعيده ابشر
دخل محمد عندهم واضح عليه الضيق أميره ناظرته اشر لها تسبقه طلعت أميره محمد باس بنته وطلع
أميره بكت يوم درت :منجدك يامحمد؟
محمد بضيقه:أميره ابيك تصيرين قويه قدامها ماينفع ذي الفتره تتضايق قلت لدكتور يعيد التحليل
طلع محمد يكلم دخلت اميره عندها جلست عند راسها تمسح عليها ليال فتحت عيونها تناظر امها باستها اميره وضحكت
أميره:لو تشوفين غيم وش مسويه مجننتهم
ضحكت ليال:خبله ذي البنت
دخل سعود اللي جا ركض يوم درى بس مايدري ان فيها سكر بس درى انها تعبت بالمستشفى فتح الباب :بنت فيك شي
ليال تجمعت الدموع بعينها ضمها سعود :بسم الله عليك وش صار فيك
ليال ماردت تبكي شاركتها اميره بالبكي
سعود تضايق :افا وش فيك يابنتي وش يبكيك ؟
سعود :لولي؟ وخرها من حضنه مسح دموعها وهو يبتسم لها
دخل محمد :صحت حبيبة ابوها باس راسها :كيفك الحين؟
ليال هزت راسها انها بخير
محمد :ترا اليوم بتكونين ضيفه في المستشفى بس يوم واحد
ليال ماتحب المستشفى:تكفى ماابي انا بخير والله
محمد:انتي بخير بس الدكتور قال عشان نتطمن كلنا
سعود:خلاص انا المرافق لف يناظر ابوه وغمز له
طلع سعود بيصفق وليد الحين صدق
محمد لحق سعود :اسمع
لف سعود لابوه قلبه عوره حس في ليال شي:لبيه
ابو عبدالله حكى له اللي صار بضبط ندم سعود اشد الندم
وده يصفق نفسه هو وليد اللي باول ما احتجتهم ليال مالقتهم
يدري انها غلطت با انها ما انتبهت ودايم معروفه بالفهاوه ودايم تجيب العيد تنهد ودق على وليد اللي مايدري جا وليد منخرش
عندها قولون بس نادرًا تروح المستشفى اول مادخل قاله سعود بتفاصيل وسكرها مرتفع ممنوع تنام لان لو نامت وهو مرتفع بتدخل بغيوبة سكر وامها وابوها بالبيت ابوها راح يجيب لها ملابس دخل وليد بعد مادق الباب وهي كانت سرحانه مستغربه من الممرضه اللي كل ساعه تجي تقيس وتطلع
وليد:حلوتي؟
فزت ليال اللي اشتاقت لوليد ماتعودت تكون بعيده عنها كذا مستغربه من نفسيتها تبكي على اتفه التفاصيل ذي اليومين ضمها وليد ويعتذر منها وليال تعاتبه وخر منها وليد تمسح دموعها بكم بلوزتها عطها وليد فاين بضحكه :يا ذي الورعه وصختي لبسي
ضربت كتفه :تستاهل
وليد قام :قربي لي بنسدح
قربت ليال وانسدح وليد حطت راسها على صدره
وليد : يلا انا اختك فضفضي لي
كانت عادة وليد اذا شافها متضايقه يقول لها ان هو اختها وهي تفضفض له كل شي كل شي
ليال حكت له كل شي
وليد باس راسها بطقطقه :اعتذر منك على فعلة اخوي الغبي
ليال ضحكت:صادقه غبي
وليد ضحك جلسوا يسولفون الاثنين قامت تبي الحمام ضحك وليد من كل قلبه دخل سعود وابو عبدالله اللي سمعوا ضحك وليد
ضحك سعود معه
ناظرتهم ليال بشك:وش فيكم؟
ابو عبدالله يخزهم يبيهم يسكتون ناظرت ليال لبسها شافت البنطلون مقلوب ولونه غير عن البلوزه ناظرت ابوها وهي توها تستوعب ان ابوها هو اللي لبسها مع امها وجهها حمر ضحك ابوها وراح له يعطيها الشنطه عشان تغير اخذت الشنطه وهي بتموت من الفشله تسمع ضحك خوانها وابوها يسكتهم تغير مودها ميه وثمانين درجه من ضحك خوانها عدلت شكلها وطلعت لهم
باقي وجهها محمر تفرك يديها اثنتين ببعض با احراج
ابو عبدالله ابتسم من شكلها المحرج جلس على الكرسي وهي جلست بسرير تربعت :ابي جوالي
ابوعبدالله:ابشري بس ابي اكلمك
ليال هي حاسه في شي بس عادي عندها اهم شي خوانها معها:اسمعك
ابو عبدالله بتوتر كيف يقولها مسح وجه:اسمعي وانا ابوك ربي اذا احب عبد ابتلاه سواء بمرض او فقد شخص عزيز عليه او من ذي الامور ربي لما يبتليك يختبر صبرك الواحد يحمد ربه لا انتي اول وحده ولا اخر وحده ربي يختبر صبرها انتي قويه والامور وانا ابوك بسيطه
ليال جاها هبوط من بدا يتكلم ابوها تحس بحر مو طبيعي
ابو عبدالله مسك يدها تنهد مو عارف كيف يكمل:قبل ثلاث شهور او اربع حولها يعني جيتي حللتي سكر؟
ليال بتذكر:اي بس مافيني سكر قالوا بوادر سكر
ابوعبدالله :وليه ماقلتي لنا؟
ليال بتوتر وهي باقي ماسكه يد ابوها :لان حسيت انو عادي
ابو عبدالله :سوا لك تحليل وخليتهم يعيدون التحليل
ليال اللي كان فهمت عصرت يده لا إراديا: يعني فيني سكر؟
ابو عبدالله هز راسها بايه
سعود تدخل : من زود حالاتك صابك السكر
وليد ضحك:لاعاد تمدح
ضحكت ليال :اي احد يبي سكر يناديني احط اصبعي
ضحك سعود :كفك يابنت
ضربت كفه وتضحك
ليال بداخلها حزن ماتبي توضح لابوها اللي اصلا يواسي ليال يبي من يواسيه حمدت ربها سكر ولا شي ثاني كلام ابوها سبب لها رعب هو طول بكلامه لان ماعرف كيف يعلمها بدون مايزعلها
ابو عبدالله قام :بطلع انا تبون شي صار شي تدقون تسمع انت وهو
وليد :تم
ابو عبدالله:تبين جوالك اليوم ولا اجيبه معي بكره
ليال :لا مايحتاج خلاص بكره
