تيسرت الامور وتركي رجع لبيته بعد ماتطمن انه مستحيل يتزوج ديم وليد يقنع غيم تحدد الزواج وعشان يقنعها يدور بيت قريب من فهد وليال😭😭
بدت الاختبارات الفاينل وكل وحده مهمومه اكثر من الثانيه وخاصة انه جت ورا بعض
غيم تكلمه سناب فيس:اقولك صعب من وين تفهم!!
وليد:يابنت وانا وش قاعد اشرح؟ترا تارك الزباين وقاعد بالمكتب اشرح لك شغلي مخك لا اهفك ببوسه
غيم :انت تشرح بسرعه يعني كيف افهم؟
وليد:والله عاد لو انك موافقه ومخليه عرسنا قريب كان الحين فهمتي وجبتي فل مارك بعد
غيم:وش دخل عرسنا بالاختبار !
وليد عجز فيها:تبين اجي بيتكم واشرح لك ؟
غيم :لا وين تجي خلاص مافي وقت بحفظ القوانين واذا مافهمت بدق عليك
وليد:تمام حبي
قفلت منه وهي تحاول تشد حيلها اختبارها بكره وابشع ماده عندها وعند ليال احصاء ماتبي تكلم البنات تدري لكل منشغل ويذاكرون
....
"عند ردينا"
تذاكر وهي ماشاءالله من قبل مذاكره بس تراجع
نواف جايب لها قهوة يطل مع الباب:الحلوه تذاكر ؟
ردينا تجلس زين:هلا بالحامل والمحمول كانك داري اني بحاجتها
نواف:كيف المذاكره ؟
وهي تشرب القهوه وتتلذذ:الحمدلله مخلصه بس اراجع
نواف:زين الله يوفقك تبين شي؟
ردينا خجلانه تطلبه وتدري ان ظروفهم بالبلاء لولا الله ثم مساعدة تركي واهله ولا كانت حالتهم اردى:نروح لجدي وجدتي بالاجازه مايدرون انك صحيت من الغيبوبه لازم يدرون
نواف:طقاق جعلهم مايدرون مايهموني
ردينا بحده:نواف!! ترا مابيدهم شي كبار بسن!
نواف بعصبيه:وانتي يتيمه! محد فكر يسأل عنك او يسحبك من الجحيم اللي كنتي فيه طقاق والله ما اسال عنهم ولا اهتم لهم ليت ابوي وامي عايشين يشوفون المهزله اللي احنا فيها ياما ضحى ابوي وامي وبنهاية هذا جزاتهم! لاعاد تناقشين بالموضوع لا اكسر قلبك معهم
طلع وهو كاره العايله وده يحرقهم ويحرق الوصل معهم
تنهدت بضيق من يوم عرف وهو عدواني تخاف عليه يأذي احد من انفعاله وعصبيته الزايده استودعته ربي وهي تحاول ماتفكر وتتخيل وتتوهم اشياء ماله داعي وخاصة بكره اختبار الفاينل
...
"عند ليال"
كانت منسدحه على بطنها بالسرير والاوراق منتثره في كل انحاء السرير وتحاول تحل المسائل بدون اي مساعده صفقت الحاسبه براسها من غبائها :بحملها انتهى مافي اي كلام
صرخت بقهر وعجز انها تفهم
فهد انخرش من صرختها:وش فيك؟
فزت بخرشه لان ماكان موجود من الصبح طالع خلص شفته ورجع وليد اخذ مكانه وهي تمسك قلبها:يمه روعتني
فهد باستغراب من الغرفه كيف معفوسه؛الحين في احد يذاكر وهو منسدح ولا بعد بالسرير !كيف المعلومات تدخل ؟
ليال:يعني من وين تدخل من الراس اكيد
فهد:بعد تأكدين لي انزلي تحت المكتب وذاكري فيه
ليال بتعب:اوله والمشوار وبعدين اطلع اتروش والبس واداوم ماينفع ابد
فهد يناظر ارجاء الغرفه:وش اختبارك!
وهو طاري الماده يغثها:احصاء
فهد لعبته الاحصاء من عشاقها:بس مافي اسهل منه
ليال نقزت له وهي تمسك كف يده وتطلبه:تعرف له؟ امانه تكفى فهمني وعد اسوي لك اللي تبي
ويافرحة فهد وانبساطه بهالحظه اسعد انسان بالكره الارضيه دايم يبادر لها بثقل :ابشري بس ابدل واجيك
ركضت لسرير وهي تعدل الاوراق والايباد والحاسبه ولاقلام
طلع هو لابس شورت رمادي وتيشرت اسود اول مره تشوف ببدله ما تنكر انه شكله جذبها وفهت فيه وكتوفه واضحه
كحت لما استوعبت على نفسها وهي تحاول تركز وتبعد الافكار الشيطانيه
بدا يشرح لها ويفهمها فهمت عليه اكثر من الدكتوره
فهد عطاها مسأله:يلا حليها اشوف!
ليال سمت بالله وهي تدنق اكثر عشان تكتب
فهد يبعد شعرها عن وجهها ويسألها:عندك اختبار بعد بكره؟
ليال منشغله تحل:لا عندي الثلاثاء والخميس واخلص
عضت شفتها شتتها من مسكته لشعرها حاولت تتذكر
فهد يناظرها كيف مغمضه عينها وتحاول تتذكر ببتسامه على منظرها :اساعدك؟
هزت براسها ب لا رجعت شعرها على ورا وكملت حل بحماس:شوف صح ؟ احس صح!
فهد:والله كفو
صرخت بفرحه وهي تعقدت من المسائل واخير عرفت
بدا يكمل يشرح لها ويعطيها مسائل وهي تحل
جت الساعه وحده وهو توه يخلص منها طلعت وهي تاخذ اغراضها تكمل برا وهو راح ينام رحمته يتثاوب وعيى ماينام لين يتاكد انها فهمت عليه
ردت على غيم وهي تقفل الغرفه عليه وتمشي للصاله للي فوق
غيم بتحلطم :بشريني وقولي ما ذاكرتي!
ليال:توني خلصت بس باقي المصطلحات واخلص
غيم بطفش:شرايك نحمل الماده؟
ليال:لا والله شرايك تاكلين تبن وتذاكرين؟
غيم تناظر بالجوال وترجعه على اذنها:الو الو انا اكلم ليال؟عفوا
ليال بفرحه اول مره تحس بانجاز:فهود شرح لي بتفاصيل الممله طلع مو هين اخوك فهمت منه اكثر من الدكتوره
غيم بضحكه وتطقطق :الله تطور الوضع وصار اسمه فهود!
ليال :عزيزتي غيموه لا تخليني اتكلم عن وليدوه
غيم كشرت:ياخي ليش تمسكيني من نقطة ضعفي
ليال:يمدحون الثقل ترا
غيم؛زوجي والله ما اثقل ليكون انتي تتغلين على اخوي وتسوين نفسك ثقيله!
ليال ضحكت وهي تتذكر كلامه كيف يتحلطم منها:والله مسكين يعاني مني يس معليش يعني الثقل ثم الثقل
غيم تلحن:ياعزتي لاخوي اهمم
كملوا سوالف وطقطقه على بعض
....
اليوم الثاني بعد ما خلصوا من الاختبار وهج وغيم يتحلطمون الا ليال وردينا يمدحون الاختبار مدح
ردينا:والله انه سهل
غيم:خلاص يادافوره درينا انه سهل لك
ليال :والله انه اسهل من اختبار يوم الخميس
غيم مكشره:ياحبيبي فهد مدرسك يعني اكيد سهل
وهج صرخت:لا اختبار زي الناس لا حبيبي لا حياه ياربي وش سويت بحياتي!
غيم:موتي الله يرحمك
كانوا يمشون للكفتيريا ليال تفتح جوالها وتقهر غيم بحواجبها لقت رساله من فهد"كيف الاختبار!"
ليال اتسعت ابتسامتها"فل مارك يا شايبي"
ضحك من شاف رسالتها "تددللي وش تأمرين عليه ونكافئك!"
غيم تشوف ليال كيف مبتسمه :وين اللي تمدح الثقل لي؟
ليال تاففت:ياليل الحاسدين بكل مكان اعوذبالله
ارسلت له"بفكر لازم استغل الفرصه"
طفت جوالها وهي تجلس مع البنات وكان زحمه وسوالف البنات وضحكهم يالله يسمعون بعض من الازعاج
في وسط السوالف جت ردينا رساله وكان صاحب الرساله ومحتوى الرساله صادم لردينا وخاصة من يوم صحى اخوها والاخبار منقطعه عنه صرخت من كل قلبها كل اللي بالكافتيريا التفتوا عليها منخرشين كلهم سكتوا يناظرونها
عيونها امتلت دموع وفرح :تطلقت تطلقت
ضمت غيم الجالسه وهج تزغرط بفرحه
وليال تضحك بقوه وتضمها
غيم بفرحه :واخيرا كم هرمنا من اجل هذي اللحظه
وهج :اي والله مابغينا
رجفت يدها وهي تبعد عنهم وتجلس جتها ام الركب من الرساله اللي وراها وتقرا لهم محتوى الرساله
"انا طلقتك "
"لو كلمة الندم تكفي اي والله ندمان انا اعتذر بكل لحظة قسيت عليك وعاملتك بقسوة وكل لحظة خليتك تكونين عاجزه فيها انا اكلمك وانا في قمة العجز لدرجة العجز اللي انا فيه مو انا اللي كاتب لك الرساله ربي اخذ حقك مني اول ما وعيت من العمليه سمعت الانسانه اللي احبها اكثر من نفسي اللي فضلتها عليك اللي سبب قسوتي معك تركتني والسبب اني مشلول عاجزًا عن الحركه ليت نواف وجه الرصاصه بقلبي ولا عشت بالندم والهجران والعجز انا اسف ابعتذر لين تقبلين اعتذاري اتمنى لك حياة سعيده عوض اللي ما كان لك العوض بعد وفاتك اهلك اعتذر "
ردينا وهي تقرا دموعها اربع اربع من كلامه وكيف ربي اخذ حقها لدرجه ادنى الأشياء مايقدر لها بكت اكثر بعد ماعرفت انه اخوها له يد بعجز عوض ماتمنت ولا واحد بالميه ان يكون عوض عاجزًا لهدرجه تحولت فرحتها لحزن
وهج بقهر من طيبتها الزايده :ردينا تبكين عشان وشو خلاص الحمدلله افتكيتي منه
ردينا ببكاء:بس مو كذا
ليال تصفق بيدها ببعض:استغفري يابنت انظري للموضوع بايجابية خلاص ماعاد فيه عوض بحياتك صرتي حّره
غيم تضمها لها:صادقه ليال خلاص انتي حّره ومع اخوك وسبحان الله ربي ما يضيع حق احد شوفي إللي عزها واغلها عليك تركته وهو الحين ندمان لاعاد تحزنين على احد محد حزن عليك يوم كنتي بمكانه
مسحت دموعها وهي تشهق اخذت نفس عميق دقت على اخوها عشان ياخذها ماله قدره تقعد بالجامعه اكثر وخاصة انظار البنات عليها مرت عشر دقايق من إتصالها باخوها اول ما وصل ودعوا بعض والبنات أصلًا السواق برا ينتظرهم بس ماطلعوا عشانها
ركبت السياره وكان يكلم ما امداها تسأله دخلت قبله البيت وجلست تنتظره على احر من الجمر تنتظر الإجابات منه وراها عتاب طويل
كان يكلم ويناظرها باستغراب مافكت عبايتها جالسه وتنتظره خلص وهو يدخل الجوال بجيبه:عسى ماشر ؟
ردينا تبلع ريقها :تبي تقول لي شي؟
نواف :لا ليه؟
ردينا جسدها يرجف من كمية الزعل اللي بداخلها:وش سويت بعوض؟
نواف رفع حاجبه ماعجبه السؤال:مين قالك؟
ردينا ودموعها تنزل:يعني سويت له شي!!!
نواف ببرود يقهر ردينا:ايه تصاوب بثلاث رصاصات
ردينا يدها ترجف تشهق ببكاء بين كل جمله وجمله :ليه لييه يانواف مين طلبك! انت تبي تنسجن تبي اصير وحيده مره ثانيه تبي الناس تعطف علي اكثر وتناظر لي بنظرات الشفقه ليش ماتركته انت عبالك انك كذا اخذت حقي انت كذا ضرتيني ماساعدتني لطخت يدك ب اء
نواف يغمض عينه من الغضب اللي استوطن بداخله عض شفته يطلع غضبه بشفته :بتهجدين!
رفع صوته اعلى من قبل وهو مغبون :اصحي اصحي من اللي انتي فيه استوعبي زمن الطيبين راح بح انتهى مابقى غيرك منهم الطخ يدي ايه عشانك انتي ايه مستعد افارق الحياه الحين وانا مرتاح وترا ذي ايامهم الزينه باقي ماشوف شي والله لا اخليهم يتعوذون من اسمي والله لا اوريهم مين نواف اللي بيضرك كأنه هادم الحياه ذي لعنبوك من بنت اصحي من الطيبه اللي انتي فيها
ردينا زادت بالبكاء :حرام عليك
نواف يفتح ازرار ثوبه يحس كتمته :شوفي بعذرك الحين بعدها لا اشوف الدمعه على خدك والله لا انزل الدمعه من الكف اللي بيجيك مني
ماقال كلامه الاخير الا يبيها تصحى على نفسها ولا الكلام مو من قلبه
دخلت غرفتها وهي تبكي بضيق انسدحت بسريرها وغفت من كثر ما بكت
هز راسه بأسى وحزن بيتعب من اخته وطيبتها اللي تذكره بأمه
......
"المغرب "
صحت بانزعاج فتحت جوالها تشوف الساعه ماشبعت نوم بس الإزعاج خلها تصحى وقفت تدور مصدر الصوت وعين مقفله وعين مفتوحه فتحت الباب الغرفه
فهد لف عليها :هووبب بنت ادخلي
ما استوعبت وش قاعد يقول تناظره بس وهي باقي ماصحصحت
دخلها وهو يناظر بالعمال ويلتفت لها:مجنونه انتي ماتسمعين !
ليال بخرشه:وش فيك انت وش الازعاج يعني الواحد ما ينام؟
فهد :بلا نوم بلا بطيخ قومي صلي تراكمات الصلوات عليك خافي ربك يامسلمه
ليال تتافف بنفيخ :ماعلي صلاه وبعدين وش الازعاج ابي انام
انلخم من اجابتها حك جبهته:شويات وبيطلعون لاتنامين ابي اوريك زين؟
انسدحت وهي تتثاوب
طلع يشوف العمال خلصوا وكانو مخلصين نزل مع العمال وقفل الباب بعدهم ويسرع بخطواته قبل ماتسحب عليه وتنام يعرفها عبدة نوم فتح باب للغرفة بقوه:يلا تعالي
خزته على فتحت الباب مشت وراه وهي تتجه الغرفه اللي قدام غرفتها
فهد :عشانك كسوله وعجوز جبت لك مكتب لفوق منها تذاكرين فيه ولا تعفسين الغرفه علينا
بققت عينها بذهول:لاعاد من جدك؟
فهد بطقطقه على فهاوتها:لا من كذبي ايه من جدي
ابتسمت له وهي ممتنه لاهتمامه لأبسط التفاصيل لها ولا عارفه كيف تشكره:شكرا ياشايبي
فهد بضحكه من كلمة الشايب:ماودك نغير القاب بعض وش شايب ترا بعمر الشباب
ليال بطقطقه :اي الشباب وانت ثلاثين ؟
فهد ماصار يضمنها مايدري تطقطق او صادقه انهى الموضوع:خلاص صح صادقه انا شايب
ليال تحس روقت وبدت تصحصح:شرايك نطلع؟
فهد :مابتنامين!
ليال:لو بنام بقولك نطلع؟ وش الغباء ذا
فهد :اللي يعاشرك يصير غبي تجهزي يلاا انا تحت
نزل بسرعه قبل ماترمي عليه كلمه ويقلبونها هواش
راحت تتجهز سريع وهي فرحانه بدت تتعلق في فهد وتحب إهتمامه فيها رغم انها ايام بسيطه من زواجهم الا انه يهتم في ادق التفاصيل
هو كان يطقطق على جواله مابين تجهز فجائه اتصال خالته
رد وهو يرحب فيها ويسأل عن أحوالها وهي كذلك
ام عبدالله:ليال حولك؟ ادق عليها من الصبح ماترد
فهد يدري انهم متهاوشين مع بعض :والله نايمه من جت من الاختبار والحين بصحيها ابي اطلعها واغير لها جو
ام عبدالله بضيق:بالله زين الله يسعدكم اهم شي هي بخير واذا فضت تكلمني
فهد:ابشري يوصل
قفل من خالته تردد يقولها يخاف تتنكد وتنكد عليه الطلعه فضل انه يسكت وبعدين يقولها يرفع صوته يناديها:ياليال استعجلي
جت وهي تركض شايله جزمتها "اكرم الله القارئ":جيت جيت
ابتسم بداخله على ركضتها وشكلها
لبست الشوز سريع وتعدل طرحتها وتتنقب
جت بتطلع وقفتها يده بحده:قفلي أزرار عبايتك
ليال تاففت:ترا بركب السياره محد بيشوف
فهد بعناد:والله ماتركبين لين تقفلين عبايتك اخلصي
ناظرته بحده تكتفت
رفع حاجبه من نظرتها دنق لها وهو يقفل أزرار عبايتها :مره ثانيه خففي نظراتك زين يابيبي؟
ليال مشت وهي تشمق له لحقها بهدوء وبداخله متزوج طفله وربي
كأنو يدرون بشوارع الاغاني تحت اشراف ليال اللي تصور الشارع وتعيد ترجع الاغنيه لين يضبط الفيد
فهد يشوفها تصور:ماودك تضيفيني سناب؟
ليال ببرود :لا واسكت لاني اصور
فهد :تخسين والله تضيفيني
ليال:مو على كيفك ياخي سنابي وبكيفي
فهد:ياخي؟
ليال بنرفزه كل ماصورت خرب عليها:خلاص بضيفك الله يشغلك خلني اصور اول
تركها تصور عادت الأغنية وهو توه يستوعب كلمات الاغنيه بقق عينه بذهول ينتظرها تخلص تصوير ويناقشها
وكان بارت الأغنية المفضل لها
"على الله يالبعيد اللي مشى هالقلب مشواره
على الله نلتقي يمكن تحن وتذكر عيونك
انا لولا الوفا ماجيت درب الشوق واقداره
وتركت اللي يبي قربي عشان اكون مسجونك
إذا قصدك تخيرني بعادك كيف ابختاره
وانا حتى زوايا البيت تسأل عنك وشلونك"
وقفت تصوير وهي ابتسامتها شاقه وجهها فهد وقف السياره على جنب والتفت عليها بجسمه كامل وهو يطفي المسجل:نعم خير وش الاغنيه ذي!
ليال بخرشه:وش فيك بسم الله عليك أغنيه عاديه
فهد بنرفزه يقلد الاغنيه :تركت اللي يبي قربي عشان اكون مسجونك !؟
