رتيل تحكي لهم الموقف اللي صار على طلعت ليال اللي شبه صحصحت توجهت للجلال الصلاه
ديم:ياهوو تصلين ولا لا؟
ليال تلبس الجلال:اصلي ليش؟
رتيل:جدتي تقول ماتصلين
ليال:اي انا قلت لها
غيم:حمار انتي؟
ليال مصدعه: كنت ابي انام
لدُن ميته ضحك:واوو بعتمد الحركه
ديم:عشان السلك يمسي عليك ليل والنهار وهذا اذا ماعلمت ابوي
لدُن:وجع حتى خططي داخلين فيها
غيم:يوجعك ياوجه التيس
رتيل:تكفون جلسه وحده بدون هواش
غيم وقفت:ننزل؟
رتيل:لا تكفون خلونا نجلس لحالنا شوي من الصبح وانا اسمع سوالف العيال
ديم:خلاص اجل غيم كلمي احد يجيب لنا قهوه
غيم :اعتبريه تم
نزلت غيم ركض
فهد وسعود جالسين وليث راح ينام
غيم يالله تتنفس من الركض:فهد
فهد مشغول بجواله:سمي
غيم:نبي قهوه تكفى
فهد :خليها وقت ثاني اخاف العامل يجون وانا برا
سعود:انا وش قدامك؟
فهد:انت كنت بتطلع
سعود:كنت بطلع بس اخوك نام وسحب علي يعني ماراح اطلع لين يقوم
فهد:احلف؟
سعود:والله يارجال قوم خلص شغلك انا هنا
غيم:يلا عاد
فهد قام اخذ مفتاح سيارته:اكتبي وش تبون بالواتس
لف على سعود:تبي شي؟
سعود:اي شي ينشرب يناكل جيبه
طلع فهد
غيم طلعت فوق للبنات
ليال واقفه تدور جوالها
غيم:هلا بسيدة البنات هلا بنور عيني
ابتسمت ليال:لو ايش ماراح اسامحك على الازعاج
غيم:ترا من الحب ازعجتك ولا انا ماودي بزعلك
لدُن تسوي نفسها بتستفرغ:يع يع
ديم:ياكرهييي
غيم:اص بس وعطوني طلباتكم فهد بيجيب القهوه وعلى حسابه
لدُن بطقطقه :مسوي نفسه قدام زوجته انا الكريم
غيم:والله لا اقول لفهد
ليال كملت تدور جوالها وتسوي نفسها ماتسمعهم رغم الربكه اللي جتها من كلمة زوجته
غيم :اخلصوا عطوني طلباتكم
رتيل:ابي ايس امريكانو
ديم:انا اي شي عادي
غيم تكتب طلباتهم بااسماهم:ليال وش تبين؟
ليال :مابي شي
لقت جوالها طايح تحت السرير اخذته وارسلت لوليد "وينك؟"
غيم:يابنت انطقي وش تبين
ليال مصدعه:غيمي تكفين خليني راسي مره مصدع
طلعت من الغرفه
ديم:شفيها ذي مو عاجبتني مره
رتيل:توه قايمه من النوم طبيعي
لدُن:خلاص لاتجي وتحسب فينا شي
غيم وهي ملاحظة في ليال بس ساكته ارسلت الطلبات لفهد
ارسل فهد "؟"
غيم"وش"
فهد باستغراب:"ليال ماتبي؟"
غيم:"لا."
طنش فهد وكمل سواقته
وليد دق على ليال:هلا بعشقي هلا بروحي امرريني
ليال روقت بس سمعت صوت وليد:يوهه ترا استحي
وليد بروقان اكثر ولعانه:امريني ياعروستنا
ليال:تدري انك حيوان؟
ضحك:افا ماقلت شي غلط
ليال :اهجد بس اسمع اذا جا فهد جيب لي قهوه قول هذي لليال منك زين؟ لاتقول اني طلبتك تكفى
وليد يضحك:وليش ان شاء الله
ليال برجاء:تكفى وليد
وليد:وش لي طيب؟
ليال:اللي تبي
وليد :طيب يلا بقفل لان معرسك وصل
قفلت ليال على طول
ودخلت للبنات وابتسمت لهم وتكت:وين العايله
لدُن:مين تبين بضبط؟
ليال:الكل وش صار وش ماصار
غيم تربعت:ازهليني انا بصير ام زكي لعيونك
جلسوا يسولفون لين تجي لقهوه
"الكوفي"
دخل فهد :كيف الوضع
وليد:تمام كان زحمه بس الحين اهون
فهد :بالله برسلك طلبات البنات سوا لهم مالي حيل
وليد :يلا ترا بروح معك
فهد:والله؟
وليد:اي خلاص بس روح بالله المكتب وشوفوا الملف
قام فهد للمكتب واخذ الملف وطلع يقفل المكتب ماله خلق يقرا الملف
وليد سوا لهم قهوه وكتب بكوب غيم "صنعت بكل حُب"
"غيم"
وصورها وارسلها لليال
ليال:"ياحمار اكتب للبنات كلهم لاتحرج البنت "
وليد:"لاحظي انك كتبتي حمار لي وانا جالس اسوي لك قهوة اخرب الاتفاق؟"
ليال"لا😞 انا اسفه"
قراها وليد
جاء فهد رفع حواجبه لما شاف وليد يكتب على اكوابهم:شعندي؟
وليد بروقان:مروق وقلت اروقهم معي
شاف اسم ليال وكان القهوه بارده:طلبتك قهوه؟
وليد يسوي نفسه مو فاهم:مين؟
فهد لعن نفسه ويسوي نفسه مشغول بالملف :اختك
وليد ابتسم:لا بس لما ماشفت اسمها قلت اسوي لها
فهد تردد:طيب سوا لها قهوه حاره احسن
وليد باستغراب:ليه هي تحب البارد
فهد حك حاجبه:مدري بكيفك انت ادرى
وليد :تبي اسوي لك؟
فهد:اي ولسعود بعد
طلع فهد لسياره قبل مايجيب اي عيد مايدري ليه يسال من باب الفضول لهذي الانسانه اللي صارت زوجته امس او اهتمام تنهد وفتح الملف مابين يجي وليد
وليد خلص وطلع باستعجال وحرك فهد بهدوء
وليد:قريت الملف
فهد وعيونه بطريق:باقي ماتعمقت فيه قريته؟
وليد:ايه
فهد لف عليه:عسى شي زين؟
وليد:اقرا وبعدين اعطيك رايي
وصلوا البيت
نزل فهد واخذ قهوة البنات لحقه وليد اللي شايل قهوتهم والملف :سلام عليكم
سعود منسدح:ياهلا ياهلا مابغيتوا تجون
فهد :كل تراب ماطولت
سعود:شفيك شاده
فهد طنشه ودق على خواته عشان ياخذون القهوه
نزلت له ديم واخذت القهوه
وليد:تعالوا اجلسوا معنا
ديم بااحراج:لا خلوكم تاخذون راحتكم
فهد:تعالوا ماعندنا سوالف نجدول عليكم احسن
راحت ديم للبنات
سعود بنذاله:من متى نجلس مع البنات لحالنا! ولا عذر عشان نروي العين
وليد بوهقه: اي قلب اي خرابيط جاهل ذا الولد مدري كيف تتزوج
فهد:انا عني طفشت من سواليفكم الخايسه بعدين خلهم يجوون نطقطق عليهم
سعود :على خواتك ياطيب اختي لااشوفك حتى تناظر فيها
وليد: تستاهل كان سكتت الحين بيفضحك سعود ويطقطق علينا
فهد طنشهم وشرب قهوته بروقان
