قفل منها والصداع مستحله تنهد بضيق توضى وصلى صلاة العصر والمغرب دخل بيتروش تذكر ليال طلع يدورها ويدعي انه جهزت مافي وقت الساعه سته ولازم يكون هناك اقل شي الساعه سبعه
غمض عينه يحاول يكتم غيضه من منظرها منسدحه على بطنها وحاطه سماعات وتتابع وجمبها طاوله مليانه مفرحات شبسات وغازيات وكاكاوات :ليال
ماتسمعه مندمجه بالمسلسل وملامحها مكشره قرب منها يشوف وش تتابع وكان اكشن هز رأسه بأسى منها بتطلع عيونه رفع صوته اعلى :لوليي بنتت
فكت السماعه بخرشه :يمه وش فيك!!
فهد باستهزاء:سلامة روحك الساعه كم !
ليال تفتح جوالها ابتسمت له ببراءه
فهد يشوف المنبه يدق بس انه صامت جوالها:لا بعد صامت! محد يعتمد عليك قومي خلصي نفسك
ليال كشرت وهي تلم اغراضها
فهد :عدلي ملامح وجهك لا اعدلها لك
ليال تحط يدها على خصرها:نعم !!خير ياحبيبي مو عشانك معصب تحط حرتك فيني!!مو كيس ملاكمه انا كل ما عصبت حطيت حرتك فيني سكت لك مره مرتين مو يعني راضيه وجع عمى طلعت تركته وهي اصلا ماتدري وين الغرفه ضاعت فوق دخلت اول غرفه قدامها وقفلت الباب عليها وهي تنتظره يطلع عشان تنزل تاخذ لها لبس
فهد بصدمه:ام لسان عوبه حشى
شاف شنطتها تحت اخذها لها فوق ولا شافها بالغرفه طلع يناديها:وينك فيه؟تعالي بخلي الباب الغرفه مفتوح
دخل يتروش باستعجال طلعت من الغرفه بتذكر العزيمه شعرها مسويته بس باقي لها الميكب بدت تسوي ميكبها
طلع فهد لاف المنشفه عليه وهي تحاول ماتناظره
رد على وليد فتح سبيكر عشان يلبس باستعجال
وليد بحماس:نورت السعوديه ياوحش
فهد :بنورك ولا لعلك تأخرت باتصالك بس بنمشيها لك
وليد:والله مكروف بالكوفي كرف مايعلم به الا ربي واخلص منه واروح الشركه وعلى هالحال نحفت عشره كيلو
فهد :ياحبك للكذب
وليد :نبي ناخذ علومك فيس وفيس استعجل
فهد يناظر ليال:انا خلصت بس باقي المدام
وليد بضحكه؛امش يالمدام كذا انت تشوقني اتزوج
فهد ؛هرجك كثر توكل
قفل منه وهو يسكر ثوبه
قرب للمرايه وغايته يناشبها ويلطف وعيونه عليها حتى هو يجفف شعره مانزل عينه عنها يستمتع لما يناظرها كانها لوحه فنيه من جمالها المبهر سرح بجمالها
ليال لمحته بطرف عينها تجاهلت وتكمل تحط روجها ولا كانها تشوفه بتوّتر من تأمله لها:مضيع شي؟
فهد اتسعت ابتسامته وصل لغايته:ابد خذي راحتك كملي
خزته وهي تكمل خلصت ميكبها عدلت شعرها سريع جت بتمر
وقف قدامه :ممكن تبعد!
فهد عفس ملامحه:لا مو ممكن وين الشخصية القويه اللي شفتها قبل شوي!
تجاهلت حكيه وهي تكمل طريقها لشنطه تطلع لها لبس تركها فهد بدون ما يحارشها
طلعت فستانين ترددت اي واحد تلبس لفت انظارها له شافته مشغول بشماغه ويتعطر :فهد
فهد رد بدون ما يناظرها:سمي
رفعتهم الاثنين : اي واحد البس؟
فهد بهدوء:اي شي يسترك
ليال بنرفزه:ليه طالعه عليهم بكيني؟
فهد باستغراب للكلمه:وش مبكيك؟
ندمت انها سالته اخذت الفستان ودخلت تلبس بغرفة الملابس بتحلطم :متزوجه شايب شايب
فهد :شايب بعينك وش زيني
ليال بقهر:الا شايب ونص من زينك يثلاثين
ضحك :اوريك الثلاثين وش بيسوي فيك بس اطلعي
لبست فستانها وهي عاقده حواجبها طلعت من الغرفه وهي تعدل شعرها وتتوجه للمرايه تتعطر مشغوله بنفسها دنقت بشعرها ترجع لفوليم لشعرها
فهد كان مذهول بمنظرها شرق بالمويه يوم دنقت طول وهو يكح قربت له بخوف من ملامحه اللي تغيرت وجه محمر يالله يتنفس ويكح :بسم الله عليك
تدق ظهره بخفيف وقف يبعدها مسح وجه بدا يهدا من الكح بس وش يهديه من منظرها اللي جابت راسه تنحنح يجمع صوته اللي راح : لازم تروحين!
ليال تلف في احد وراها:تكلمني؟
فهد يعدل نسفته :البسي عباتك يلا
لبست عبايتها باستنكار لكلامه نزلت معه متوجهين لبيت الجد
...
....
