اليوم الثاني"
ليال ماطلعت باقي بالمستشفى الكل بيسافر ماعدا ليال وفهد وتركي وعبدالله
غيم مو طايقه اي فرد من العايله كلهم بالقائمه السودا حتى وليد المسكين وليد مستغرب انها مبلكته من كل مكان ولا هو قادر يتواصل معها خلصوا عمرتهم يعد تعب وأجمل تعب بنسبه لهم البنات بغرفه والشباب بغرفه وكل زوج مع زوجته
لدُن ميته جوع:بنهار بموت جوع متى الاكل بيجي!
ديم تدق عليه:ليث مايرد
رتيل تكلم غيم:كلمي زوجك بنموت جوع
غيم ببرود:مبلكته
لدُن بنرفزه :فكي البلوك وأساليه مو فاضين لهواشكم
غيم :كلمي ابوك يكلمهم
رتيل سحبت عليهم اول ما شافت اخلاقهم قافله تدور بثلاجه اي شي يناكل
لدُن لبست عبايتها وطلعت تشوف الشباب
ديم قربت تجلس جنب غيم بلطف :اذا بلكتيه عشان ناقشك مع ابوي السخيف فا انتي سخيفه مع احترامي الشديد
غيم بققتت عيونها:الحين انا السخيفه؟ حق من حقوقي اختار متى يوم زواجي صرت سخيفه!
ديم :وشدخل وليد! هو جاء قال حطوه بعد شهر؟ ولا جالس يدور رضاك ؟
غيم:بلكته تهديد له بس
ديم:تهديد وش؟ مجنونه انتي تدرين انك باسلوبك ذا تخسرين انسان مستعد يضحي عشانك؟ مين الصاحي اللي بينتظر المده اللي انتظرها وليد؟ حب طفوله بداله الف حب استوعبي الشخص اللي بلكتيه الشخص الغلط ازعلي وعصبي من ابوي وجدي بس وليد ماله اي ذنب بالموضوع
غيم لفت وجهها تمسح دمعتها واصلا قلبها مو مطاوعها تبلكه من قهرها بلكته
رتيل جلست قدامهم :سوري سمعت كلامك بس شرايك تروحين تقابلينه وناقشيه احسن وجه لوجه
غيم :عشان يصير بكره زواجي بدال مايكون بعد شهر
ضحكت ديم:عادي كلمي ليث وهو بيشوف الوضع
غيم :لا ما ابي اقابله مالي وجه
رتيل:اذا جاء العشاء تعشي وبعدها فكي البلوك وعلمي له بتفاصيل الممله كل شي صار امس والله يكون بعونك
غيم تاففت واخلاقها زفت
....
جالسه بطفش مرت ساعات وعبدالله ماجاء وفهد ضامن ان عبدالله عندها وقفت وهي يالله تمشي من رجولها ودها تمشي تبي تغير جو من الجلسة تحركت خطوتين وتفاجأت بدق الباب ودخول خوالها ناظرتهم بذهول وصدمه واضحه على ملامحها
سعيد: سلام عليكم
سعد يشوف ملامحها المخروشه:عسى ما خوفناك !
ليال ماقدرت حتى تبتسم من الخرشه ردت بخفوت:وعليكم السلام
رجعت ويالله تمشي لسرير قرب سعد يساعدها وباس راسها :الحمدلله على سلامتك اخر الاوجاع
حريم خوالها تحمدوا لها بسلامه ردت عليها والهدوء مستوطن المكان متوّتر لانها لحالها معهم ولا فيه موضوع ينفتح فيه كانت ترد بللي تقدر عليه اي سؤال مايعجبه تسوي نفسها مجنونه ولا ترد
سماهر بفضول تناظر الغرفه تدور اي اثر لفهد:لحالك؟ وين فهد عنك
سعيد يناظر الغرفه:غريبه والله مخلينك لحالك
ليال ردت على خالها وهي تتجاهل وجود سماهر الكريه:مو لحالي طلعوا يخلصون شغلهم وبيرجعون
سعد يحرك سبحته :دقينا عليك مارديتي وندق على باتمان حقك مشغول خطه ولا بنخليك يوم ثاني وانتي لحالك
ليال باستغراب من كلمة باتمان وتنغيز خالها:والله جوالي طافي الشحن ولا عندي شاحن
سعد :عمومًا وصلنا لك ولا نبغى نطول لان مافي زياره ماغير العسكري صديق فيصل الله يوفقه دخلنا واسطه
سعيد: اي والله اهم شي تتطمن عليك واي شي ودك فيه مايردك الا لسانك
سماهر بغنج:اي شي تبونه كلموني
ليال رجف جسمها من طاري فيصل وصيغة الجمع نرفزتها من سماهر اغث اثنين عندها
فهد رفع حاجبه باستغراب من وجود فيصل عند باب غرفة ليال
فيصل اللي يضحك مع نفسه بصوت عالي التفت وهو يصطنع الابتسامه اول ما شاف فهد مقبل عليه ومكشر بوجه:هلاا ابو عزوز
فهد اخلاقه صفر ومصدع وشوفة فيصل عند غرفة ليال غمز لها بنرفزه:وش عندك؟
فيصل يتفاخر:ابد اهلي يبون يسلمون على ليال شغلت واسطتي
فهد خزه لانه نطق اسمه زوجته:واهلك مايعرفون اوقات الزياره؟
فيصل :وش فيك شاده مادرينا الا قبل شوي وجينا نسلم عليها نطق وهو يبتسم ابتسامه استفزت فهد: تعرف غاليه عندنا
حك خشمه وهو يتمالك نفسه لا يدفنه :الله لا يكثر من غلاكم ويحرمنا منه
بعده وهو يتخطاه ويدخل الغرفه بدون ما يدق الباب :سلام عليكم
سماهر بتهويل تقط طرحتها عليها :وش قلة الادب ذي
فهد يناظرها بقرف ويلتفت على خواله اللي واقفين وكانهم بيطلعونسعيد:عسى ماشر! تدخل كذا!
فهد بضحكه:اللي اعرفه مو وقت زياره انتم اللي عسى ماشر؟
ليال اعتدلت بجلستها من دخول فهد ما تنكر انها غارت لان سماهر موجوده بس خوفها اكثر انه فهد يسوي شي
سعد :ذي جزاتنا نسلم على مرتك وفوق ذا ولدي مدخلنا واسطه تقابلنا كذا
فهد:كثر الله خيركم جيتوا بس في وقت مخصص للزياره مايحتاج واسطات ولا هم يحزنون
سعيد لف على ليال:نشوفك على خير يابنتي
طلع يتجاهل فهد لحقوه الباقين الا سماهر تتمخطر جت بتسلم على ليال
انسدحت ليال للجهة الثانيه وغطت راسها بالبطانيه
تفشلت سماهر وطلعت وهي تستعجل بخطواتها
قفل الباب وهو متنكد ابتسم بخفه على حركة ليال المستقصده
فهد بيصفقها لو بتنام :بنت!
وخرت البطانيه عنها وهي تتأفف:خير
فهد حرك راسه بانها مجنونه
ليال تزم شفتها وهي تشوفه مرسم وكاشخ:وين كنت! وبعدين ليش تخليني لحالي؟
فهد يشيل العقال والشماغ ويرميه على كنبه ويحك شعره بتعب لان طول الشماغ على راسه:كنت انكرف زحمه اليوم ماينفع اكون لحالي
ليال بغيض من كشخته الزايده:وليش الكشخه الزايده دامك منكرف!
فهد:بقابل اوادم اطلع لهم بخشتي اخرشهم وغير كذا فيه تصوير وانا انسان احب اطلع با اجمل حالاتي
ليال بخفوت وهي بتنطق من الغيره:جعلك الزق انت وحالاتك
فهد سمعها بس سوا نفسه ماسمع وهو يكتم ضحكته:وش تبربرين انتي ماسمعت؟
ليال تعدل شعرها :اقول زين كشخت ولا طلعت لهم بخشتك وتخوفهم تعرف تصوير وكذا
فهد يتحنح وجاز له الوضع:ايه عاد حتى بكره بكون منشغل عنك
ليال مو طايقه المستشفى:ايه يصير خير ان شاء الله الحين روح كلم الدكتور ابي اطلع
فهد ينسدح على الكنبه :اجلسي بس سكرك مانزل
ليال بعصبيه:طبيعي ما بينزل وانت ساحب علي ومنشغل بتصرير والكشخه وانا بموت من الطفش لحالي
فهد يلتفت لها :الحين وش تامرين عليه ؟
ليال:ولا شي سلامتك روح كلم الدكتور هو ادرى ابي ارجع البيت
فهد :انتي شايفه الساعه كم؟ وبعدين ليه الاستعجال والدكتور مخليك تحت الملاحظة
تاففت بضيق وهي تلف للجهة الثانيه
فهد وقف وهو مهدود حيله بس يبي يطيب خاطرها ساحبه عليها طول اليوم ولا تتطمن عليها جلس على طرف السرير:طالعي فيني!
ليال ناظرته بطرف عينها:وش تبي مو بكره وراك كرف نام
فهد بضحكه:ضحكتيني وانا مالي خلق اضحك الحين كيف انام وانتي زعلانه مني؟
ليال توخر له مكان:نام ولا يكثر
فهد انسدح معطيها ظهر :وفرتي والله ذكريني اذا قمت اراضيك
بققت عينها كيف انسدح وسحب عليها تكتفت بغيض تهز رجلها
فهد تنرفز:تهزين رجلك ليه؟
ليال :مالك دخل يا شايب ونام
فهد:بنام اذا وقفتي هز
لفت للجهة الثانيه وتعطيه ظهرها وتدفه بلعانه
اعتدل بسدحته بعصببه:ان لله فيك بلاء !من الحين انطقي
ليال ماتوقعت بيعصب لهدرجه بصوت خافت:اسفه نام
رجع ينسدح بس ماطاوعه قلبه ينام وهي زعلانه :ليلي
ليال كانت تلعب بأصابعها:همم
فهد وهو ميت نوم :اعذريني بس تعبان والله
عدلت جلستها وهي تقرب حطت راسها على صدره شدت على ثوبه تبتسم بخيث ابتسم لها وهي من امس تجيب راسه بحركتها :وبعدين معك ناويه تتطيرين النوم من عيني بكل الحالتين؟
ليال بطقطقه:اذا صار عندنا نونو نسميه نوم لان من عرفتك وهذا محتوى حديثنا
ضحكه من كل قلبه فصلت النوم بدت:ليالي نامي تكفين فعلي خدمة النوم خليني انام
ليال رفعت راسها تتأمله :عاد تدري مافيني ذرة من النوم
فهد اخذ نفس وابتسم شبه ابتسامه:تبين نسهر ونجيب نونو؟
شهقت بأحراج وهي تصفقه بصدره:ياكلب عيب
فهد ميت ضحك وجاز له وضعها وهي منحرجه :وش عيب ترا زوجك الحين اسدحك محد يقول شي
ليال جته صيحه من كلامه : دعابه ياحبيبي فيني نوم
فهد قرب وجه لها صرخت بخرشه :فهد تكفى لا
فهد يشهق من الضحك رجع راسه لورا :بنت قصري صوتك في الناس نايمه فشلتينا بعدين ماني خبل ومشفوح
ليال بتموت من الاحراج:فهد خلاص تكفى نغير الموضوع
فهد هو مبسوط على خجلها اللي يغريه يحبها حُب لو يفرش لها الارض ذهب راضي :مين اللي جاك اليوم غير فرقة حسب الله؟
ليال باستغراب:مين حسب الله؟
فهد مكشره :خوالك
ليال:تراهم خوالك قبل مايصيرون خوالي
فهد تنهد :طيب مين جاك؟
ليال رجعت تنسدح عليه وتلعب بااصابعها:العايله كلهم جو سلموا وطلعو المطار
فهد بجس النبض:خالتي شفتيها؟
ليال رفعت عينها باستغراب انه سال عن امها:ايه ليه تسال؟
فهد :ماودك تقولين شي؟
راح تفكيرها لشيء ثاني وملامح الخوف بانت :لا
فهد بحنيه ولا هو داري بحنيته ذي يعذبها:اعرفي اني معك حتى لو انك على خطا خطاك بعيوني صواب بس لا تلجاين لحد غيري
ليال والضيق يقتحم صدرها كلمة حنون قليله بحقه بس ماتدري هل بيبقى حنون بعد ما يدري بعلاقته القديمه!
غمضت عينها بخوف وتوّتر كل ماله يزيد بانه اذا عرف هل يبقى فهد اللي عهدته او بتغير
فهد مافكر بردة فعلها كثر ماوده بنوم حالياً غطها بالبطانيه ونام بثواني من الكرف اللي كرفه اليوم من الصبح طالع ماصدق يرجع ينام ولا ارتاح بنومته
........
