عبدالله ميت ضحك:خلاص قول
تركي وقف ياخذ شماغ ليث ويضبطه له :كل الناس تزعل الا ابو عزوز
ليث بزهق:السبب جدة عزوز تبي ام عزوز تحضر في حياتي
عبدالله يبي يستوعب:دقيقه اشرح لي انا مااستوعبت الملف تبي استوعب كلامك
تركي:تقصد امك؟ تبي تعرسك
ليث:الله علييك ياابو عزام يافهيممم
عبدالله:طيب وش وراك انت اعرس
ليث:لاترفع ضغطي الله يخليك
تركي:وش اللي يرفع ضغطك كم عمرك ترا ما انت بزر تزوج وطيب خاطر امك
عبدالله وليث بققوا عيونهم بصدمه
تركي يناظرهم:لا تناظروني كذا
عبدالله:الا بناظر دامك تسعى انك تقنع الغير اسعى لنفسك بتصك الاربعين وانت ماتزوجت
ليث؛لا تجننونيي كل واحد يشوف نفسه اول
عبدالله وهو يدور بالكرسي:انا تزوجت وطلقت انتم اللي ماجربتوا شي
تركي مسح على وجهه:تكفي تجربتك كاني جربت
ضحك ليث: على كيفك هو
عبدالله ببتسامه بجديه هو عارف ليش رافضين فكرة الزواج :انتم ليش تحسبون ان تجربتي بزواج راح تجيكم كلكم صدق ما توفقت في زواجي بس مو يعني حتى انتم
ليث يقاطعه:لا تقنعني الله يرحم والديك خلاص قفل السالفه
تركي :ترا جاي اقولكم شي شوفوا كم موضوع دخلنا فيه
ليث:اسلم يا ابو المواضيع
خزه تركي:فزاع سحب القضيه
عبدالله:في ذمتك
تركي:شايفني اكذب؟
ليث بفرحه:حلو حلوو يعنيي امورنا في سليم
تركي:حاليًا ايه
ليث:ليش حاليًا!
عبدالله:لانه فزاع
تركي حرك حواجبه يقهر ليث:احب الناس اللي تفهم بدون شرح
عبدالله:يبي له جلسات مكثفه عندنا عشان يفهمنا
ليث خزهم:اطلع واحفظ كرامتي احسن لي من اليوم ماخذين محتوى
طلع ليث مسوي نفسه زعلان
ضحك تركي:مايكبر ذا
عبدالله ضحك وهز راسه ب لا
تركي وقف:عندي شغل لين راسي بخلصه
عبدالله:تبي اساعدك شي
تركي:لا تسلم بس تعال شقتي الجديده اذا خلصت يبي لنا جلسه
عبدالله ابتسم له :تم
"عند فهد"
حارق وليد اتصالات ولا يدري انه تعبان ارسل لقروب العيال
" احد شاف وليد اليوم "
طلع من القروب ودخل على محادثة ليال شافها اونلاين ابتسم وارسل السلام عليكم
ليال كانت تسولف مع ردينا وتتحلطم اول ما شافت رسالة فهد طلعت من الواتس بخوف لفت شافت وليد غارق بنومه مسكت مقياس الحراره وقاست حرارته نزلت الحراره اخذت جوالها وطفت لمبات على وليد وركضت لغرفتها وهي تشوف فهد يدق
حطت الجوال قدامها ومتردده بين انها ترد او تسحب عليه
ارسل فهد بنرفزه :"داق ابي اسال عن وليد ماله داعي شوفة النفس "
ليال بققت عيونها وهي تشوف الرساله بينها وبين نفسها ياعمي كل خرا وجع بجيح والله ما ارد اعلمك شوفة النفس صدق
دق عليها عبدالله ردت :هلا
عبدالله:هلا؟
ليال غمضت عيونها :سم ياعيوني
عبدالله بروقان؛كيف وليد؟
ليال:بخير نزلت الحرارة
عبدالله:زين وين جواله
ليال تعض اظافرها:مدري بس نايم هو
عبدالله:حلو خليه ينام فهد داق علي يسال عنه
ليال :طيب
عبدالله:تبين اكلمه؟
ليال بصدمه:تكلمه ب وش؟
عبدالله:شفيك عشان الزواج
ليال براحه :بكيفك خلاص مايهمني سوا اللي تبون
عبدالله:وش بكيفي انتي اللي بتتزوجين
ليال:هو يبي يسوي زواج يسوي بس انا ما ابي غير كذا ماعندي
عبدالله حس اخلاق ليال ماش:طيب ياحبي
🛑.غازي يتيم مربيه الجد يعتبر ولده عمره 35
بتعرفون شخصيته بالبارتات اكثر.
.
"عند الجد الظهر"
جالس بصاله ومعطي ظهر للباب وينتظر احد من الاحفاد او عياله يجون له متعود ذا الوقت اي احد منهم يجي
دخل غازي بهدوء بعد ما بلغ الجده انه بيجي عشان اذا الحفيدات او احد من اللي يتغطى منهم مايصادفهم
'والجده تكشف عليه 'يمشي على روس اصابعه وغطى عيون الجد فز الجد اللي غفى بدون مايحس بخلعه:اخو نوره
ضحك غازي :لبى ابو نوره واخو نوره
الجد وخر يد غازي من على وجه ويتلفت عشان يشوف راعي الصوت المالوف له بلهفه:غازي
غازي :لبيه ياقلب غازي
ضحك الجد بفرحه ويتسند بيد على المرك والثانيه بيد غازي عشان يوقف ضمه غازي بشوق
الجد يضحك:ياجعله زول مايغيب عن عيني ياجعل العرب فدا غازي
غازي دمعت عيونه اللي مستحيل يشوف احد يحبه كثر الجد ويعتبره ابوه باس كتفه :بشرني عنك
الجد:بخير بخير انت كيفك عسى ماتعبت ؟
غازي مسح دموعه وخر من الجد: لا ابشرك اموري زينه
الجد:متى طلعت؟
غازي :والله طلعت من هنا جيتك من هنا
الجد:وليه ما قلت لنا نستقبلك
غازي :ليه مازانت لك المفاجاة
الجد :الا والله زانت لي
دخلت الجده وهي شايله القهوه:حي الله ولدي
الجد يناظرها ويناظر غازي:انتي سلمتي عليه؟
الجده ضحكت:انا اللي فتحت له الباب
الجد:اي وانا اقول وش فيها الحرمه عيونها على الكاميرات ماجلست زين
الجده ضحكت:انت وش عليك خلني اطالع من يوم ركبوها وانت تحارشني فيها
الجد:الله واكبر انا احارشك الا انتي ماعاد تستحين عيونك قالطه على الرجال
غازي ضحك:ايوه وفاهمنا مرادك يبه قول انك غيران
الجد بغيره وضحت من عيونه ويده اللي مثبته بالعصا:اي بغار قد قلت للكلاب يفكونا من الكاميرات
الجده:لا والله اقدوا فيك ركبوها نبي نعرف مين يدخل البيت ومين يطلع البيت كبير ومافي الا انا وانت
الجد:دام اني موجود محد يتجرا يدخل البيت
غازي:عسى ماشر؟
الجده وبدت تحكي له وغازي متفاعل معها
"البيت عبدالعزيز او ابو ليث"
دخلت لدُن ملابسها مشققها ودم ابو ليث اللي كان طالع من المكتب ومعه ملفات اول ماشاف منظر لدُن وقف شعر جسمه طاحت من يده الملفات :لدُن ؟
لدُن بورطه:مافيني شيء طحت بس
ابو ليث يقرب منها:كيف طحتي؟
لدُن برجفه:طحت بلغلط
غيم وهي عارفه ان لدُن كذابه:كله من جزمتك قلت لك اكبر منك ماتفهمين
لدُن مشت مع كذبت غيم:كله بسببك عيونك فيها طحت وتفشلت قدام البنات
غيم :تستاهلين
ابو ليث عارف انه يكذبون عليه :انتبهي زين واذا تعورتي اوديك المستشفى احسن لك
لدُن :لا لا بخير انا
