ليال عند طاولة الطعام ماتحركت متكتفه تنتظرهم
فهد بضحكه :الله كل ذا جوع
ليال بطرف عين : ترا عهدي بالاكل امس
فهد ضحك وهو يبوس راسها :يعني مو شي جديد
جلسوا جاء يفتح الاكل:خلينا ناكل ونسحب عليهم
ليال وهي تاكل بطاطس :ترا كنت بسويها بس استحيت منك
فهد يضحك:احلا شي انك تعترفين
فتح وجبتها وقسمها لها عشان تقدر تاكل وقرب لها الببسي وبدت تاكل وهو سمى بالله وبدا ياكل يلف يناظرها ويضحك على ملامح وجهها
ليال ولقمه بفمها حطت يدها على فمها:قسم بالله يافهد لو ماتفكني من شرك
فهد مسح فمها من المايونيز :ابشري بس الحين ابلعي لاتنشب القمه ونبلش
وليد وهو نازل:ماشاء الله بديتوا تأكلون
فهد:شوف لو ماكلت اختك كان حولت علي وكلتني
وليد:كلي ياجعله بالعافيه
طنشتهم ليال وهي تكمل اكل كانت محتتاجه الاكل بعد شغل اللي مايذكر
جتهم غيم وهي تشاركهم بسوالف اللي كانت اغلبهم عن شغلهم
غيم بحماس:الحين صدق ليه ماتخلونا نشتغل معكم!
ليال تمسح فمها وتتكي على الطاوله :جد والله انا ايد فكرتك ياغيم
فهد :كلي شحم انتي وهي مابقى الا تطقين حنك مع عيال الجماعه
ليال رفعت حاجبها بغرور:اقول لا تخليني اشتري المحل بكبره واخليك تشتغل عندي!
وليد بتعزيز:العب ياكبيير
فهد:من بكره اروح اسجل الكوفي باسمك ولا تشترين ولا شي
ليال انحرجت ضربته بكتفه:هييه
ضحك فهد وهو يلف على وليد : بكره يالحبيب تداوم بدري خلاص انتهى الدلع اللي كنت فيه
وليد ياشر على خشمه:على خشمي
فهد :عليه الشحم
وقف:الله يغنيك يابو محمد
وليد وهو ياكل :بالعافييه تدل المغاسل؟
غيم وهي توقف باستعجال عشان توريه المغاسل وراحت معه
اما ليال جالسه تتأمل الطاوله وهي فيها تخمه
وليد :تبين نطلع نمشي شوي؟
عقدت حاجبها وهي بترفض لكن ما أعطاها فرصه سحبها من يدها وهو يطلع:غيم وري فهد البيت انا وليال بنمشي
طلعت معه اما غيم لفت لفهد:تبي تشوف البيت ولا تطلع معهم؟
فهد ابتسم:لا بشوف البيت وريني ذوقك
ضحكت غيم وهي بينها وبين نفسها والله لو تدري اني ماحطيت يدي بشي
مشت وهي توريه وهو مبتسم ويعلق ويعلمها الاخطاء
اما وليد ضم ليال له:بردانه!
ليال تغطي راسها بالكاب:شوي
وليد وهو يشدها له:انتي عارفه مكانتك بقلبي ماضني يحتاج اعلمك انتي وش بنسبه لي ولا لخواني
ليال بقمطه من المقدمه:ليش احس ورا الكلام الحلو عاصفه!
وليد ضحك:افا تهقين اني بزعلك اخسي
خللت أصابعها بأصابعه وهي تبتسم له
وليد:متى ماودك تفضفضين موجود باي وقت اسحبيني وقولي لاتحسبين ان زواجي ممكن يغيرني عليك ابد ماابيك تفكرين كذا او ابني بيني وبينك حدود
ليال وهي تقاطعه وتنفي كلامه:انا اللي ما أبيك تفكر كذا وعارفه انشغالك بالبيت تبي تنقل اليوم قبل بكره وفاهمتك ولا فكررت اصلا بـ ذا شي
وليد:مدري احسك متغيره
ليال بتفكير:عكسك احس اني بديت ارجع لليال اللي عهدتها قبل
وليد باس راسها بتساؤل :كيف فهد معك؟
ليال:مافهمت
وليد:يعني رجعت المياه لمجاريها!
ليال:انت وش تشوف !
وليد بضحكه:أشوفك غرقانه
ليال صفقته:انقلع بس
وليد بغمزه:اتحداك تجحدين
ليال وجهها بد يحمر:هيييه
وليد :اعترفي غرقانه؟
ليال بطقطقه تسوي نفسها غرقانه وماسكه خشمها على اساس ماتتنفس :انقذني بموت
وليد:يااسخيفه!
ليال جلست بالارض:اندري عنك يالخبل
وليد :والله ماهما تغيرتي لسانك نفسه مايتغير
فهد شايل عباية ليال واغراضها :ياليال يلا
وليد:وين اسهروا
غيم:والله قلت له عيى
فهد يتثاوب:اقول الدوام بكره يناديك لاتسهر وتجي متأخر
وليد:والله بداوم ولا يهمك
ليال تلبس عبايتها وتودع وليد وغيم وتلحق فهد
مسك يدها :يدك بارده
ليال:طبيعي كنت برا
حضن يدها وهو يمشي لبيتهم ويفتح الباب
ليال :احلا شي انه اقدر اروح له مشي
فهد:على اساس بسمح لك
ليال وهي تفك عبايتها :نعم ؟ والله لا اروح
فهد ينهي النقاش لان يدري بيطول وهو ميت نوم :طيب يصير خير
ليال زمت شفتها وهي تشوفه يطلع لغرفتهم لحقته
