صدره يرتفع ويرجع وانفاسه تتسارع واسم نوره بنت منصور يتردد بمساامعه
فهد ماتحمل منظره دخل بيته ركض وينادي:ياولد يااااليال !
ليال. اللي متكيه وتسولف مع ردينا فزت بخرشه من صوت فهد العالي :شفيك!
فهد مايبي يخوفهم بس مضطر: اسئلي اخت نواف عنده ربو؟
ليال رفعت حاجبه باستغراب من سوالها قربت من الباب:سمعتيه؟
ردينا قلبها قرصه من سؤال فهد :لا ليه؟
فهد يوضح لهم لا يخافون: بس ابي اطيب الشباب مافي شيء
طلع باستعجال لعند نواف اللي على حاله وتركي وعبدالله حوله مو عارفين يسوون له شي
عبدالله يمد له مويه ويطمنه:نواف طالع فيني
خذ نفس طبيعي وطلعه
طبق نواف ويده ترجف تركي تمسك بيده :ايوه شف قاعد تتنفس طبيعي
نواف يبلع غصته وقدر يتشجع ويتكلم :نوره بنت منصور
ال حامد عمتكم!
تركي مستغرب من سؤاله وخاصةانه بالحاله ذي:نوره منصور بس العايله ما ادري
نواف حط يده على فمه يكتم شهقاته اللي خانته
فهد منهبل من بكى نواف طلع جواله يدق على غازي
الووو منصور وش ينقال له؟
غازي:ال**** ليه؟ وش فيكم قفلتوا؟
نواف دفهم عنه يحس انه انجنن كيف تصير عمتهم!!
وش الكذبه اللي كان عايش فيها طلع وضيقة الدنييا كلها تملكت صدره
عبدالله يناظر الباب:نوره وش تصير له !!!
فهد يقفل بوجه غازي:قسم بالله انه يعرف نوره ولا وش الحاله اللي جته !
تركي اللي يحاول يربط المواضيع طلع يلحق نواف ماراح يتركه لين يعرف وش معرفته بعمته
فهد يمسك راسه:راسي بينفجر وين عايشين احنااا!!!
عبدالله مايلوم فهد مسح على وجه بعدم صبر :انا بروح المطار تروح ولا اكلم السواق؟
فهد تنهد بضيق :بجي وش يكفي الجيش اللي بنروح له
طلع وهو يتفق مع عبدالله يجيبونهم لبيت فهد منها الجده تغير جو بعد الاخبار الخايسه ماتقعد بيتها وتفكر
فهد يهوجس هو متوجه للمطار ضرب راسه بتذكر مابلغ ليال بخروجه اخذ جواله يتصل عليها ردت بعد ما انفجرت مرارة فهد من كثر ما دق
فهد بعصبيه:وينك عن الجوال؟ ساعه ادق!
ليال تبتسم لردينا:وش فيك حبيبي ما انتبهت للجوال وش بغيت!
أبتسم لا اراديا من كلمة"حبيبي" اللي روقته وخلته ينسى ليه داق
ليال تناظر بالجوال وترجعه:فهد!!
فهد تنحنح:احم احنا طلعنا ارسلي العامله تنظف المجلس بعدنا ولاحد يجي الاوراق دخليها مكتبي اهلي بيجون
ليال تعض اظافرها :طيب
ليال توها تستوعب مين بيجيها:فهد حبيبي قاعد تسمع اللي تقوله!
فهد ابتسم نصف ابتسامة وهي تجيب راسه:وش ماسمعت!
ليال:اهلك اللي هم عمي وخالتي! ولا وش؟مو هم بطايف
فهد :مو وقت فهاوتك ركزي حبيبتي جدتي وامي وخالتي ومرت عمي بيجون والشباب رايح اجيبهم لا جيت تفاهمت معك
ليال توترت هم اول مره يجونها ببيتها:ابشر
قفلت وهي تنط لردينا بتوّتر
ردينا:كملي مكالمه عسى ماخربت عليك؟
ليال:اص بيجون اهلنا
ردينا ناظرتها بعدم فهم:اهلنا!!
ليال تشرح لها:اهله واهلي بدون اباء مدري ليه بيجون هم اول مره يدخلون عندي وش اسوي!!!
ردينا استحت يجون هي موجوده:روحي جهزي قهوه وغيري لبسك الفاصخ
ليال تناظر لبسها:وش فيه مو حلو!
ردينا تناظرها من فوق لين تحت:مايناسب تقابلين ام زوجك فيه وجدة زوجك فيه
ليال :ياحمار امه خالتي وجدته هي جدتي
ردينا تاففت:بكيفك كانك واحد من العيال بنظرهم
ليال وقفت هي تناظر المرايه كانت لابسه شورت وتيشرت عادي :خلاص بغيره اوففف
طلعت وهي تنادي العامله تجهز قسم الرجال والنساء
طلعت تدور لها فستان مناسب تستقبل العايله فيه وبعد تعب من التبديل وتغير اخترت فستان لونه بيبي بنك عاري الاكمام وخيوط تزين كتفها عدلت شعرها وروجها نزلت وهي تأخرت على ردينا نادت عليها ماردت استغربت وين راحت سالت العامله وقالت انها راحت اخذت جوال فهد وهي تتصل عليها ماردت حزت بخاطرها
"ردينا"
استغلت طلوع ليال وهي تدق على نواف مايرد كتبت له بالواتس ماكان يرد اضطرت تطلع قبل ماتشوفها ليال وهي تمشي لين بيتها لعنت نواف من كل قلبها حط بمواقف بايخ مشت يانزعاج ماصدقت توصل بيتها رجف قلبها من وجود تركي اللي جالس فوق سيارته واضح ينتظر وهي من بعد رسالته لها ماشافته من ذاك اليوم سوت نفسها مشغوله بشنطتها تدور المفتاح عقلها وقلبها عند تركي
تركي رفع حاجبه كيف جت من بيت فهد لين هنا!التفت يدور سياره:بنت! مين جابك؟
ردينا مو قاادره تتحكم ببتسامتها :تكلمني!
تركي يهز راسه بنفي:لا اكلم بنت الجيران ايه اكلمك انتي!
ردينا:جيت على رجلي انت اللي وش تسوي هنا؟
تركي حك حاجبه تلعثم:ءاا جيت ابي غرض من نواف
ردينا فتحت الباب:بدخل انا وبعدها انت ادخل مابين انادي نواف
اول مادخلت ضحك بخفه :مجنونه
دخل مابعد سمع صوت باب المجلس ينفتح هو يدخل ينتظر
ردينا طلعت فوق تنادي على نواف مالقته بغرفته سمعت صوت بكاء تجمدت بمكانه وهي تسمع نواف يسب ويبكي قربت وهي تتسمع له كان بغرفة ابوه وامه وفاتح تجوري"خزنه "
ومبعثر بلاوراق والإثباتات
دقت الباب بهدوء:نواف!
رفع عينه اللي منتفخه من كثر البكاء:بنجن بنجنننن كيف كنا عايشين بوهم!
قربت بخوف منه من وجه وحالته وبكائه والاوراق جلست وهي تبلع ريقه ومسكت يده :بسم الله عليك يا حبيب اختك !
نواف حضنها محد بيفهمه كثرها:نوره نوره
ردينا باستنكار :نوره!
نواف يشهق:منصور مو جدي امي مو بنته الله يااااخذك يااامنصوووووور الله يااااخذك
بعدت عنه وهي تغمض عينه من هول كلام نواف :انت مستوعب وش قاعد تقول!!! انت كيف تقدر تتكلم كذا؟
نواف صوته انباح ببحه وهو يصارخ:ليتني مت ولا دريتت منصوررر كذاببب مايجيبب عيال سااارق امي وكاذب علييهم حرممها من ابوها واهله
ردينا مسكت قلبها اللي يعورها اخذت نفس بهدوء وهي تهدي نفسها غمضت عينها والدنيا تدور فيها تمسكت برف الطاوله
وهي تبي تقول لنواف انها مو بخير اختل توازن صفق راسها بحادة السرير التفت على صوت الارتطام صرخ باسمها بخوف من نزيف راسها شالها باستعجال تركي اللي كان يسمع حديثهم كله تجمد بمكانه ولا قدر ينطق ولا يتحرك حتى لما شاف ردينا بحضن تركي
نواف ما اهتم لوجوده كثر اهتمامه لاخته صرخ بتركي تحرك تركي يفتح له الباب وعلى طول حرك لأقرب مستشفى قعد ينتظرهم بالسياره باقي ما استوعب كان شاك انه يعرف نوره بس مو لدرجة انه تكون امه!!!! ام البنت اللي حبهااا البنت اللي ساعدها اللي اول ماشافها حس انه لازم يساعدها كيف الدنييا صغيره لدرجه كانووا قريبين منهم بس ماعرف انهم عيال عمته!!
رجع راسه لورا مو مصدق الصدف لهدرجه
........
عند ليال اللي كانت تروح وترجع بتوّتر تنتظر وصولهم فهد قال قريب بس طولوا سمعت صوت البوري عرفت انهم وصلوا تعدلت وهي سابع مره تتعدل اخذت نفس وهي تفرك يدها ببعض بتوتر وتفتح الباب رحبت بجدتها اللي دخلت وهي تسمي بالله وتذكر الله سلمت على جدتها واهلها وهي تدخلهم ويتفرجون بالبيت
غيم تناظر ليال وتغمز لها:كيف الحال !
ليال ضحكت:الحمدلله انتي كيف الحال!
غيم ضحكت بخجل تناظر احد يسمعها:بنتزوج
ليال بققت عينها بذهول:ايششش!
غيم تحرك شعرها بغرور :٢٨يوم واصير زوجة وليد
ليال شهقت بفرحه:تمززحين صح
غيم تلعب بحواجبها:ترا محد يدري غيرك حتى وليد مايدري بسوي مفاجاه بس لين تهدا الاوضاع
ليال:وش صاير؟
غيم ضحكت لانها جابت العيد:اسمعي سالفه طويله خليها بعدين مع قهوه نحش احسن الحين لاتعلمين احد تمام؟
ليال صغرت عيونها:تمام ياحيوانه اوريك
دخلت داخل تستقبلهم وتسولف معهم وعلمتها جدتها بللي صاير انصدمت شعُور غريب بعد العمر ذا يطلع عندهم عمه وعيال عمه برضو
دخلت ديم عليهم :ليال فهد يبيك
راحت له كان بالمطبخ ويكلم وقفت تنتظره يخلص مكالمته
فهد هو يقفل من المطعم:بجيب غداء تبين اجيب شي معين للبنات!
ليال تهز كتوفها:مدري بكيفك
فهد حس فيها شي:فيك شي!
ليال:انت تدري بللي صاير
حك شنبه يهز راسه بايه
رفعت حاجبها بغيض ليه يدري ولا يقولها :وانا متى كنت ناوي تقول لي؟ يعني من نفس العايله ترا عمتك عمتي ليه ماتقول لي؟
فهد:تبين تتهاوشين انتي؟
ليال بجديه:فهد لو سمحت انا بنت عمك قبل ما اصير زوجتك مفروض تتكلم !! مو ادري بالصدفه منهم
فهد بنرفزه:ترا مادريت الا تو استغفرالله العظيم من ذي البنت
طلع يتجاهل مناداتها له وصدره ضايق على ابوه بعد ماعرف كيف انهار
ضربت رجلها بالارض بقهر من تسرعها دخلت عندهم وهي تنتظر جيته على احر من الجمر
....
"ردينا"
فتحت عيونها رجعت غمضتها من الصداع اللي مقتحم راسها وهي تحاول تتذكر وش صار
نواف فز لها بحنيه:ردينا !!
ردينا حطت يدها على راسها:وين انا
نواف :بالمستشفى تحسين بعوار انادي الدكتور؟
