ارسلت استفهام
رد "يعني مافي زواج"
ليال"المطلوب افرح؟ احزن؟"
فهد "اللي ودك "
طفت جوالها فرحت بس بعد وش بعد ماتقدم لها وجرحها؟
شافت ملامحهم المتوتره ولا تلومهم ضحكت باستهزاء:مرسل تحليل للزواج يبني مثلا افرح او اقوم ارقص استغفرالله
لدُن صفقت راسها خلاص بتذبح اخوها
غيم مو فاهمه شي:وش تحليله؟
ضحكت ليال:ابد فهد خطب سماهر
صرخت غيم :وش تقولين
لفت على خواتها:تمزحون صح؟
ديم :يارب سترك انجن اخوك رسمي
لدُن:قسم بالله مسحور صدقوني بس اوريكم فيها ام ديود
ليال :ترا النتايج مو متطابقه
لدُن:ماعليك الزقت بتخليها متطابقه خبيثه خبيثه
ليال تنهدت:طقاق متطابقه مو متطابقه مايهم يهمني فهد وش يسوي معي اما مع غيري الله يستر عليهم مايهموني
اابو عبدالله من ورا الباب يدق:ادخل !
ردت ليال انه يدخل ودخل
ابتسم لهم :والله ودي تنامون هنا ولا تخرب سهرتكم لكن فهد عيى
ديم ترد على عمها بخجل:الله يعطيك العافية ماتقصر بس بنرتاح اكثر مع اخونا
ابو عبدالله:اللي يريحكم ولا ودي اضغط عليكم وين ودكم فيه تأمرون ياغيم تراك معهم خليت زوجك يعطيك بريك منه
ضحكت غيم:ماقصرت
لف على ليال اللي ساكته:يلاا يبه وانتي تجهزي زوجك ينتظرك
قامت وهي تاخذ لبس تغير بدون ماترد على ابوها طلع ابوها والبنات يتجهزون غيم قرصت ديم مقصره صوتها:سالتك مية مره ولا جاوبتي
ديم بالم:ما ابيك تتنكدين
غيم :تنكدت الحين اكثر اففف
لدُن :مو وقت ناقششكم بعدين
طلعت ليال لهم وهي تلبس عبايتها وتطلع معهم وكان الهدوء ماقبل العاصفه
......
فهد طلب لهم عشاء وخلا العاملات يجهزون لاخواته غرفه لهم
طول الوقت ليال وتحاول تهدي من دقات قلبها اللي تزيد تحس انها مفضوحه ماتدري هو توتر هو فرحه شوق المهم ان مشاعرها متلخبطه لكن ماراح تخليا تعدي بسلام
البنات دخلوا غرفتهم مجرد ماوصلو
فضلوا يجلسون عشان ليال تقعد مع فهد شوي ومنها غيم تعرف وش صاير
اما ليال راحت غرفتهم وتفصخ عبايتها لابسه بدي وجنز
فهد تحنحن من وراها : ماتحسين بالبرد؟
ليال وهي تتوجه غرفة تبديل: الا
طلعت وهي تلبس البلوفر عدلت شعرها سريع :ايه اخبارك؟
فهد ابتسم:الحمدلله بخير انتي كيفك ! وليه ماتردين علي؟
ليال جلست على حافة السرير:تمام الحمدلله
فهد اخذ الكرسي وحط قدامها بضبط وجلس رفع حاجبه لان ماردت على سواله
ليال بعبط:شفيك؟
فهد:مافيني شي سالتك ماودك تردين؟
ليال تغير الموضوع ببتسامه تصفق بيدها بحماس:ماتوفقت مع سماهر تبي ادور لك غيرها؟
فهد منكر تصرفاتها بيشوف نهايتها معها وش:لا شكرأ
ليال تزم شفايفها: اففف ترا بزعل ليكون ذوقي مايعجبك!!!
فهد اخذ نفس :ما ابي يكفيني انتي
ليال بعبط اكثر :بس ما كان هذا كلامك يوم خطبت! وبعدين مين قالك اني بكمل معك انا ابي الطلاق
فهد بنرفزه:بدري عليك والله امسي امسي
ليال:شفيك بزوجك وحده ماضيها وحاضره نظيف ماتبي؟
فهد:قلت لك ما ابي مكتفي فيك انتي ! ماتفهمين؟
تاففت وهي تلم شعرها
فهد ببتسامه يلطف الجو:خلي شعرك مفتوح احبه كذا
ليال ضحكت بخفوت:من عيوني تامر امر يازوجي الجميل
فهد حس انها ماخذته طقطقه وتضايق قام
لدورة المياه "اكرم الله القارئ "
تتكلم بصوت خافت:كرررييهه كرررييهه
راحت تعدل شكلها وكلامه ينعاد براسها فتحت الدرج بنرفزه وهي تطلع المقص ضحكت من الفكره اللي جت في بالها
سمت بالرحمن وهي تجمع شعرها مع يعض وتقصه عشوائي
انتابها الضحك مجرد ماتخيلت شكل وجهه حركة راسها وهي تلعب بشعرها مبسوطه بنتيجه صدق القصه اي كلام اهم شي تنكد عليه طلع فهد ما انتبه لها: طلبت عشاء لا تنامين
رفع عينه لانها ماردت بقق عينه بذهول من الشعر اللي بالارض وهي متخصره ومبتسمه :شرايك مو احلا؟
بلع ريقه بصدمه منها ومن تصرفاتها اذا شعرها سوت فيه كذا وش بتسوي فيه؟:ليال اتمنى انه مقلب
ليال تتدلع :لا تقول ماعجبك ترا بزعل
غمض عينه يكتم غضبه:ما انتي طفله شعرك ذا وش تلعبين فيه عشان قلت انه حلو؟ مجنونه انتي ترا بديتي تختبرين صبري وانا ما انصحك
ليال قربت بغنج وهي تلعب بشعرها:تحملني ياحبيبي كلها فتره وتفتك مني
فهد مسكها من معصمها :سوي اللي تبين لكن معصي اطلقك خذيها قاعده من الحين
ابتعد عنها وهو يرد على الجوال نزل يستلم المطعم طلعت وهي تنادي البنات يتعشوون وحالفه تججنن فهد
ليال وبس شمت الريحه قلبت معدتها ماقدرت تاكل ولايعه كبدها جلست معهم احترام للبنات
فهد يناظر ليال اللي جالسه بس ماتاكل وجهها احمر من كثر ماهي ماسكه نفسها قرب اكلها لها :كلي
ليال بداخلها يرحم امك لاتقربهقامت وهي ماتقدر تمسك نفسها ويالله تتكلم:تسلم مالي فيه
ديم:ليال كلي شوي بس
ليال تصطنع الابتسامه:ماكله في بيتنا اذا جعت باكل
طلعت فوق وهي تعجل بخطواتها اول مادخلت الغرفه قفلت الباب المفتاح تركض الحمام تستفزغ ودموعها تنزل من الالم غسلت وجهها اخذت نفس بهدوء تهدي نفسها
فرشت اسنانها وفضلت تتروش ماهي طايقه ريحة الاستفزاغ تروشت سريع ولبست بجامه تدفيها تذكرت البنات ما معهم لبس طلعت لهم ملابس وعطرتها حطتها بالكنبه وفتحت القفل عشان اذا جاء فهد
طفت لمبات الغرفه وهي تبي بس تنسدح وتنام
"عند فهد وخواته"
جالسين بصاله بعد ما كلوا
غيم تكلمت بهدوء:صدق انك خطبت؟
فهد بعد شعره عن وجهه :ايه
أنسدح على فخذ لدُن:سوي لراسي مساج
غيم :ايه؟ ليه خطبت من الاساس!
فهد:ابد بنت خالك دقت تستنجد فيني لان خالك بيزوجها واحد ماتبيه
لدُن :وماشاءالله من وين جابت رقمك وليه من الاساس تكلمك ليكون مصلح اجتماعي واحنا ماندري؟
ديم :فهد تتكلم جد؟ الكلام اللي تقوله قوي
فهد بارتياح :ماقلت الكلام هذا الا لكم لان تهموني ولاني اعرف بيطلع كلام وبصير أشياء انا في غنا عنها ولو يرجع الزمن ماخطبت ولا عاد ينفع كلمة "لو "ويا لدُن الكلام اللي يصير هنا خليه هنا لا تجين بعد يومين القى الكلام منتتشر سويت اللي علي وانتهى بكيفها
لدُن :اذا تكلمت سماهر بتكلم
فهد:والله لا اخليك تزعلين مني انا وثقت فيك وقلت
غيم :ماهو مبرر اللي سويته يعني لا سمح الله طلعت النتائج متطابقه بتكمل؟
فهد بتفكير:حتى لو كملت محد يوصل مكانة ليال
غيم:ندري محد يجي مكان ليال لكن مو منطقي كلامك
فهد:عاد هذا اللي صاير تبين الفى لك كلام يرضيك؟
غيم بدون ماتحس صوتها يرتفع منغبنه من بروده:وش دخل رضاي الحين اتكلم معك خطبت سماهر عشان ابوها بيزوجها واحد ماتبيه وش دخلك اصلا بالموضوع من انت بنسبه لسماهر؟ ومن هي تدق يالفارس يالمنقذ باتمان العايله على غفله بتقعد كل من دق عليك يستنجد فيك تقعد تخطب واحنا ندعي النتايج ماتتطابق مو منظقي يارجال
فهد: انا متزوج عليك ولا على ليال؟
غيم :كلمني بالمنظق لا تقعد تبرر
فهد قاطعها:انا سالتك متزوج عليك ولا على ليال؟
غيم:ليال
فهد:قلتيها ليال ليال ماسوت اللي قاعده تسوينه وهي زوجتي انا شوفيها فوق ومريحه ولا هامها غير مسلسلاتها وحياتها ف لاتحرقين اعصابك على غيرك وغيرك مرتاح وانتي محترقه اعصابك
غيم:بعذرها مايهمها الموضوع دامك بتصير باتمان العايله
ديم :معليش انا اتفق مع غيم ماعندي الجراءة اناقش احد عن حياته لكن الحق ينقال حركتك مالها تبرير ولا منطق احمد ربك ان ليال باقي معك
لدُن:اي وربي لو انا قسم بالله لا اقدم فيه خلع
مسح وجهه بنرفزه :تصبحون على خير
"قام لغرفته"
فتح الباب بشويش وعرف انها نامت اخذ الملابس وحطها بغرفة خواته رجع غرفته بهدوء مجرد شوفتها وهي نايمه ردت روحه الضجيج لللي براسه من تفكير صار هدوء مايفكر بشيء غير الشوق تعداه انسدح بلهفه لها ويقترب منها بهدوء لمس وجهها البارد مبتسم ويتأمل لوحه فنيه امامه تلمس شعرها المبلول وعرف انها متروشه ولا تابت طفى المكيف بنرفزه من حركتها
فتحت نص عين بخمول:خير
ضحك بداخله من ردة فعلها:ابد مشتاق وقلت اطفي الشوق
مالها خلق تبي تنام وقامت من لمساته اللي دغدغت وجهها:شفيك انت تقول ذبانه فوق راسي وشوقك ياحبيبي تعرف وين تحطه
بصوت خافت وهي تلتفت للجهه الثانيه وتعطيه ظهرها:استغفرالله
ضحك وبعبط سحبها له وهو يدخل يده تحتها بحيث تكون بحضنه يرص بقوه:لو تقولين اللي تقولينه عسسل على قلبي
ليال بضيقه تحاول تبعده :يافهد ابي انام
فهد:نامي ما منعتك بس بحضني
حاولت تفك يده عحزت فيه غفت وهي بحضنه اخذ نفس وهو يبوس بقوه ويدفن وجهه برقبتها وهي غارقه بنومه
