وليد:جوالك مقفل خفنا عليك
ابتسم فهد بتسليك:عريس انا كنت اتجهز
ضحك وليد براحه :يلا ياعريس تعال عشان تملك لانهم ينتظرونك
فهد شغل سيارته :يلا مسافة الطريق
قفل ورمى جواله بنرفزه واخذ الدخان شغل زقاره تطفي قهره وتوجه للقاعه اول ماوصل ابوه اللي كان برا مع ليث ينتظرون فهد وكان ابوه معصب من الشماغه اللي طايح وازرار ثوبه المفتوح
نزل من سياره بعد ماضبط شكله
ابو ليث:ارجع تكفى ترجع
فهد باس راسه:شفيك
ابو ليث بحده:وش فيني فهد اضبط وضعك ولا والله تشوف شي مايسرك
ليث يأشر لفهد انه ماينفعل
فهد اخذ نفس مشى ورا ابوه سلم على جده واعمامه وجلس جنب الشيخ وتملكوا
ابو عبدالله يشاور اخوه ان ليال رفضت تشوف ازين ماجاء لفهد لان سمع عمه يقول لابوه طلع يشم هواء وبدوا المعازيم يجون
كانو الشباب واقفين يصبون وفهد اللي رفض يجلس كان يساعدهم رغم انها ملكته وفيه قهوجي الا ان الضيوف كانوا كثار
سوالفهم عاديه الجد كان خايف يجي فزاع ويخرب يومهم
وكان محذر الشباب انهم يسفهون فزاع اذا جا
عند عروستنا
ليال لابسها فستان سماوي مفتوح لاسفل ظهرها واكمام الفستان طويله فتحه لنصف الفخذ كانت أميره فعلا وضحت معالم جسمها
ديم اللي كانت لابسه فستان لونه فوشي عاري الاكتاف والاكمام
وكسرات من عند صدر ماسك لين عند خصرها ومنفوش كانها باربي
رتيل لابسه فستان اسود ماسك على جسمها
ديم فستانها بيبي بنك ناعم وماسك على جسمها طويل
وظهرها مفتوح شوي
لدُن فستان أصفر طبقات منفوش
ليال وهي تشوف المصوارت يدخلون الغرفه:لا عاد
رتيل ببتسامه غبيه :يقول جدي هذي هديه منه
ليال غمضت عيونها بدوخه حست بحر
رتيل باستغراب:بنت؟
جلست على طول من زادة الدوخه
دخلت ام عبدالله عشان تشوف ليال ليه ماجت
قامت رتيل بقمطه مسكت يد ليال وكانت بارده
ام عبدالله بخوف :وش فيه؟
هزت كتوفها رتيل بعدم معرفه
ام عبدالله قاست السكر وكان منخفض فتحت شنطتها وتطلع
كاكو حاطته احتياط اكلته ليال وهي باقي ماتكلمت رجعت راسها على ورا وغمضت عيونها
رتيل جابت لها مويه
ليال بهدوء:خلاص بجلس شوي هنا انتم روحوا مافيني شي
ام عبدالله ؛لا بقعد معك
ليال :خلاص يمه تكفين روحي بلحقكم بجلس شوي و اجي
رتيل :انا معها روحي
راحت ام عبدالله وهي قلقانه عليها باقي ماتعودت على السكر وليال ماتحب الاهتمام تتنرفز
ام ليث لمحت وجه اختها :شفيك
ام عبدالله:ليال نازل السكر عندها بس
ام ليث بخوف:كيفها الحين
تنهدت ام عبدالله وجلست على الكنبه:مدري بس رتيل عندها
جت بتروح ام ليث مسكتها أم عبدالله:لاتروحين باقي حساس من ذا الموضوع
اشرت ام ليث لغيم وجت غيم لها :روحي شوفي ليال
جتهم ليال ببتسامه ولا كان فيها شي سلمت على الحضور هي ورتيل كانت تمشي بثقه رغم الخوف وتوتر اللي تحس فيه تتصنع القوه والثبات سلمت على حريم خوالها وهي تكرهم كره العمى وقفت جنب غيم وامها وتوزع ابتسامات للجميع وتحس عقلها مو معها
وهج وهي تضم ليال :مبروك مبببروك يااجمل عروس
ليال كل ماقالو لها مبروك تتوتر زياده
دقتها وهج وهي تشوف ليال مو حولها:اشبك؟
ليال انتبهت لها :مافيني شي بس احس توني استوعب
ضحكت وهج :شفتيه؟
ليال باستغراب:مين
غيم ضحكت:زوجك ياطيبه
ليال خافت من كلمة زوجك ناظرتهم بنظره المخروشه
ضمتها وهج وهي تضحك:وايي يناس فاهيه
غيم:وخري عنها ماابي اسبب مشكلة في وسط فرحتي
وهج جت بتتكلم
لدُن:الله يفشل العدو انقلعوا هناك
جتهم فرصه انهم ينحاشون الثلاثه
