الكل متحمس للملكه وأخيرا صار عندهم مناسبه
ليال وفهد كل واحد بعالم اخر فهد اللي كرف نفسه بدوام ولا يفكر بالملكه حتى ابوه اللي فصل له ثوب
ليال اللي كانت ابد مو متحمسه امها وخالتها ومرت عمها متكفلين بكل شي بتوزيعات وتقديمات والجده كانت تساعدهم وتنسق معهم
وديم ورتيل ماسكين الحجوازت كل وحده فيهم ماسكه شي
ليال ابد ماتدخلت بشيء فيها برود او عدم استعياب هي اللي كانت رافضه فكرة الزواج بس ماتدري ليه وافقت واثقه ان فهد مابيضرها ابد ولا يحبها وذا الشي مريحها
غيم وهي تكلم ليال وتحاول تقنعها:يابنت سوي زواج تكفين
ليال برفض تأم:لا والف لا
غيم بقهر:في اشياء خاطري اسويها تكفين
ليال:سويها بزواجك
غيم انقهرت:كلي تبن زين
ليال ضحكت :يلا حبي بنام
غيم :فيك برود العالمين بكره ترا فستان بيوصل
ليال وهي طفشت الكل يذكرها:ادري ادري والله
قفلت غيم وهي فرحانه باقي ثلاث ايام وصديقتها وأقرب وحدها لقلبها بتصير زوجة اخوها ضحكت وهي تنسدح وتنام نومه بعد خيالات دامت طويله
بنسرع شوي مافي شي مهم
يوم الـملكه💍🤍
الساعه عشره صباحًا قامت على اتصالات غيم وغيم كانت تبي تتطمن ليال قامت او لا قفلت في وجه غيم ودخلت تتروش طلعت وصلت الفجر جلست تدعي لها ولفهد ان كان زواجي منه خير يالله فتممه يالله وان كان لي شر يارب تبعده عني
تجهزت وجهزت شنطتها اللي بتروح فيها القاعه لبست بدي ابيض ولقنز ابيض خلصت من تجفيف شعرهـا
دق باب غرفتها
ليال وهي ماسكه عبايتها عشان تلبس :ادخل
عبدالله مدخل راسه:الحلو جاهز؟
ليال ابتسمت:جاهزه
دخل عبدالله ضمها وباس راسها:وين اغراضك امي مسويه حرب تحت
ليال ضحكت واشرت على اغراضها وهي عارفه امها ذي الفتره متوترة تبي كل شي زين ومتحمسه
سعود وهو شايل ثيابهم عشان يكُونها وقف قدام غرفة ليال: عبود لاتروحون بودي الثياب واجي معكم
وليد هو طالع من غرفته يعطي سعود :بالله خذ شماغي خلهم يكونها
عبدالله:وش تبي انت
سعود باستعجال :بروح معكم
اخذ شماغ وليد ونزل بدون مايسمع رد عبدالله عشان يمديه يلحقهم
وليد ابتسم ببرائه :ترا بروح معكم
عبدالله:اقعد انت وياه بوديهم وارجع
وليد:تبي ترجع بكيفك انا ابي اروح مع ليال وعدتها من امس
ليال وهي باقي حاضنه عبدالله :وش من امس صار لك اسبوع مزعجني بروح معك وبروح معك
وليد :والله ماتستاهلين اروح معك بس عشانك عروس مابقول لك شي
ضحك عبدالله لما سمع امهم تصرخ عليهم عشان ينزلون رفع صوته عشان امه تسمع :يلا نازلين
شال عبدالله اغراض ليال وركبو السياره
ام عبدالله ركبت قدام وهي تسمي بالله لفت على عبدالله اللي كان جالس على الجوال :يلا خل نمشي خالتك وصلت
عبدالله :انتظر سعود
ام عبدالله:وش يبي خله يقعد ماعليك منه
سعود اللي نزل من السياره ركض ركب بسرعه :عسى جيت بالوقت المناسب
وليد بطقطقه:جيت على الوقت اللي كنا بنغدر فيك ونمشي
سعود:افا
ام عبدالله متوتره:يلا ياعبدالله حرك وانتم اسكتو خلوني اقول اذكاري
حرك عبدالله بصمت هو يناظر سعود من المرايه اللي كأن يأشر له انه يشغل اغاني ضحك عبدالله:يمه
ام عبدالله وهي لمه يدينها حول وجهها وتقرا اذكارها وتحصن نفسها وعيالها
سكت عبدالله ينتظرها تخلص
لفت عليها :ماتخلون الواحد يقول اذكاره وش تبي
وليد:مالك حق يمه نبي ننطرب قبل مانوصل
سعود:انا ايد اخوي وليد
ام عبدالله لفت عليهم :الطرب اللي بيجي على ظهرك انت وهو
عبدالله استغل ان امه تتكلم مع وليد وسعود وشغل الاغنيه
"فرحتنا الليلة"وهم يرددون مع الاغنيه مو حافظين بس يغنون
'مبروك، مبروك يا عريس افرح واتهنى (افرح واتهنى)
مبروك، مبروك جبنالك غزال محنى (غزال محنى)
غزالة وتغازلوا (غزالة وتغازلوا)
جايزلك وجايزله (جايزلك وجايزله)
جايزلك تقوده وتبوسه على خدوده (جايزلك تقوده وتبوسه على خدوده)
عروستنا أحلى من القمر بشوية (عروستنا أحلى من القمر بشوية)
ليها جلوة حلوة خلقة ربانية '
ابتسمت ام عبدالله وجلست تصورهم وكان عبدالله مطول على الاغاني ويرقص شوي ويمسك الطاره شوي
وليد اللي ماسك يد ليال ويرقص اخته وسعود اللي كان يعبر فرحته بتصفيق وتصفير لان مو جوه الرقص ولا يعرف
ليال الحين حست انها عروس فعلًا مافي مزح توترت من الكلمات اللي صحتها وخلتها تستوعب هذي هي ملكه لو هو زوج وبتروح معه ماطولت بتفكيرها اللي قاطعه وليد اللي فك يدها وتلثم ويرقص باستهبال ضحكت من رقصه
وصلوا القاعه قصر عبدالله على الصوت ودخل لين وسط حوش القاعه عشان يسهل عليه تنزيل الأغراض نزل عبدالله
وام عبدالله :بشويش على الاغراض
عبدالله:ابشري
دخلت تشوف تجهيرات وتساعد اختها والمنسقه
نزل وليد وعبدالله فتح الدبه عشان ينزل الاغراض :ليال بالله نادي العاملات يشيلون مني
ليال وهي تصور سعود اللي كان يفتح لها الباب ويعطيها ورده:اصبر اخلص احتراف واقولهم سعود عدل شماغك
سعود طفش لان هذا ثلاث فيديو تصوره ماعجبها وتخليه يعيد :انا غبي فتحت لننفسي باب
ضحكت ليال :تكفى اخر مره
وغيم اللي اول ماشافت ام عبدالله جت اخذت السماعه وكانت لابسه عبايتها وحجاب اي كلام وهي تشغل زغريط وتطلع للحوش
عبدالله وليد معطين الباب ظهرهم لانهم باقي ينرلون انخرشوا كلهم من صوت زغريط وغيم اللي ماتدري انهم كلهم بوسط الحوش تحسبهم برا بشارع
وليد اللي لف من الخرشه وشاف غيم ورجع عطاها ظهره بصوت عالي :بقي من حماسك شوي لملكتنا حرام الاسراف
غيم وهي عيونها على الجوال تدور اغنيه مجرد ماسمعت صوت وليد طارت داخل وهي تسب وليد وليال وتسب غبائها
ضحك عبدالله وسعود وليال انهرت ضحك ومن حسن حظها كانت تصور وركضت وراها
عبدالله:شعندنا الاخ يمون؟
سعود يطقطق :ياشيخ نسيت انه خاطب
وليد يضحك:قريب ملكتي ان شاء الله ماعندها عذر
عبدالله هو يحط الاغراض عند الباب عشان الخدم ياخذونها :الله يقويك
ليال وهي تدخل الغرفه
غيم بتهديد:لو قلتي حرف والله لا احرجك مع فهد
ليال ضحكت:اهدي حبوبي مابسوي شي
ديم وهي تفك العبايه عشان تتبدا تتجهز:وش الكلمه الجديده ذي
لدُن وهي تدور شي عشان تصوره وتنزل:الله الكلمه حلوه عيدها بصورك زين وانتي تقولينها زين؟
ليال وهي تفك الحجاب لفت على ديم وغيم وتناظرهم بصدمه
غيم :لاتشرهين عليها مُراهقه تدور محتوى
لدُن استحقرتها:طالعه منها تراك مراهقه بعد
ديم بطفش من يوم هم بسياره والثنتين يتهاوشون:كلمه وحده منك انتِ وهي بتتصفقون تراكم رافعين ضغطي من يوم ركبنا السياره
لدُن استحقرتهم وطلعت
غيم بصوت عالي ترمي الشنطه عليها وجت على الباب:يابزرر
دخلت رتيل باستغراب من الشنطه اللي انرمت وصوت غيم العالي
اشرت ليال لها ان تسكت :هاي
سلمت عليهم :ماجو؟
ديم:خلاص على لفه اطلعي استقبليهم بالله دامك لابسه العبايه
رتيل طلعت تستقبل الارتست والهير ستايل
