طنشته وهي تطلع عليهم ولا كأنها تشوفهم مشت وهي لازم تعبر من عندهم لانهم بالسيب يعني تمر من بينهم فعلا خطت خطواتها وتدري انه بيلعن خيرها من امها بس اهم شي تكسر كلام فهد وتعانده
فهد كان يحاول يسمع وش بيقولون لها
سعد يناظرها من فوق لين تحت كيف مرت من جمبه ماينكر انها حلوه وجذابه بس كان يدور العذر يحب يعذرب فيها بحده :وش العري اللي انتي فيه؟
سعيد هو يكره بنات خواته والوحيده اللي يتقبلها هي ديم اما الباقي مستحيل ما يحرشهم او يتهمهم بكلامه بقرف:يا قليلة الادب ماكنا احنا خوالك تعبرين من قدامنا ولا تسلمين
سعد:خل السلام ماحنا بنسلم على وحده رخيصه مثلها ترخص بجسمها ونفسها بمنظرها القذر
ام عبدالله زعلت ماتنكر بنتها غلطت بس ماله داعي كلامهم :خواني على عيني وراسي بس بنتي خط احمر رجاء انا امها وانا ادرى بتربيتها
ليال واقفه تنتظر متى يخلصون متعوده على كلامهم السام اللي مثلهم بهدوء:خلصت انت وهو!
ام ليث:يمه ليال روحي الغرفه
سعد:ايه خلصنا وش عندك؟
ليال ضحكت باستفزاز:لا ابد عشان اقدر ادخل الغرفه اذا ما عندكم كلام مثلكم قذر تقولونه!
سعيد: صرنا احنا القذرين بنصحك نصيحه
غمز لها بوقاحته المعتاد عليها:انتبهي من نفسك لايطلع عليك كلام وتضطرين تحملين نفس ما اضطريت تتزوجين
ام عبدالله بحده رفعت صوتها :سعيد احترم نفسك وعن الغلط ولا والله لا ادخل محمد بالموضوع لا تحسبني ساكته يعني راضيه ساكته انتظر متى اخوي العاقل بيحترم نفسه ويقضب الباب قبل ما اطلع الاول والتالي ونشوف مين اللي شرفها ضايع
ام ليث توقف قدام سعد وترص على سنونها:سعد خذ سعيد
طلعوا ببرود وابتسامة الانتصار والشماته على وجهيهم كان ذا تحت انظار الكل وفهد مايقدر يتدخل وخاصة ان بنات خواله قدامه وكان ينتظر طولة لسانها وتصرفاتها اللي تسويها معه بس صدمته بهدوئها
ام عبدالله بقهر:وانتي الثانيه ماعرفتي تمرين الا الحين!!
ليال:وليه تبين انحبس عشان خاطر مين!
ام عبدالله بعصبيه:عشان خاطر خواني اللي ما تحترمينهم حتى سلام ماتسلمين دخله على يهود
ليال ببتسامه تستفز امها والمقصد من ابتسامتها تغيض حريم خوالها :ايه دخله على يهود وبعدين احترم الناس تتكلم فيني وبشرفي ! على اساس بناته مقطعهم الشرف ويط
الجمتها امها بكف :لا عاد اسمعك تتكلمين عنهم لا بسوء ولا بطيب تسمعين ولا بدال الكف عشره
بلعت ريقها وهي تحاول تستوعب الكف اللي جاها من امها
وهي تسمع شهقت غيم وام ليث اللي صرخت على اختها
دخلت الغرفه جلست تحس تخدرت بعد الكف
ام ليث:كسر يكسر يدك يا اميره كسر
فهد سمع صوت الكف غمض عينه بغبنه من تصرف خالته تمنى محد موجود ويدخل عندها طلع من القاعه وهو مقهور من خواله وخالته مايبي يخرب على اخته ملكتها ويتهور مشى بغبنه
غيم راحت لليال البنات يباركون لها وهي عيونها على ليال اللي تناظر بالفراغ مسكت ديم وسحبتها لداخل وعلمتها لان ديم تعرف تتصرف وكان ودها تدق على وليد وتعلمه يقوم يصفق خوالها بس ماتبي السالفه تكبر بنهايه بتطيح براس ليال
بعد نصف ساعه دخلت ام تركي :يابنات يلا تعالوا نستقبل الضيوف بدوا يجون طلعت رتيل ولدُن يستقبلون معهم ديم قعدت تنتظر ليال
غيم :ليالي!
ابتسمت :عيونها
غيم قلقانه عليها هدوئها مريب بالعاده تقوم حرب:بخير؟
ليال وقفت :ايه ابي اعيد على روجي
ديم:انا بعيد عليه دقيقه
طلعت الروج وهي تعدل على روجها
ابتسمت على منظرها وهي تبوس غيم من بعيد وتطلع بروقان والضحكه شاقه وجهها وكانت نيتها تقهر الكل والجميع
فهد ارسل لغيم لان ليال ماترد"وين ليال"
غيم "تستقبل الحريم"
فهد يحسبها تكذب عليه"ادري بللي صار مع خوالي وخالتي علميني وينها او خليها تكلمني"
غيم انبسطت ان ليال علمت فهد وخاصة ان فهد مابيسكت عن حقها "والله تستقبل كانت تعدل ميكبها وطلعت هي وديم يستقبلون"
فهد كان يناظر خواله ويخزهم بحقد"مين غصبها تطلع اذا ماتبي خليها ترجع عندك"
غيم يالليل النشبه "محد غصبها هي طلعت "
فهد"اذا صار شي جديد علميني وخلي ديم تنتبه لها "
غيم "ابشر" ضحكت على خوف اخوها واضح وقع بالغرام
دخلت ام ليث:تبين تنزفين الحين! ولا ننتظر شوي؟
غيم بتردد:مدري انتي وش تشوفين؟
ام ليث:بعد الاغنيه ذي لان ماشاءالله القاعه امتلت
غيم:وهج وردينا جو؟
ام ليث:ايه ويرقصون مو فاضين لك
غيم :خلاص اجل ابي انزف
ام ليث:يلا بقول للبنات وانتي جهزي نفسك
وبعدها كم رقصه طفت لمبات توضح بقدوم العروسه ودخولها كانت الانظار كلها ناحية الباب بنتظر دخولها بدت تنزف بكل هدوء وتوزع ابتسامتها وكانت اغلبهم تضحك والفرحه طالعه من عينها والبنات يصفقون لها وكانوا كلهم باالكوشه يستقبلونها ويصورن دخولها ماصدقت توصل للكوشه بغت تتعثر اكثر من مره
لدُن تخز غيم من ضحكها العالي:ابجح من اختي مافيه
وهج:وانتي صادقه خل تقلل ابتسامتها فاتحه فمها كانها تمساح
ليال بضحكه:حرام عليكم خلوها تبتسم مالكم دخل
ردينا:والله انها حلوه تبونها تنفس هذا المطلوب تكون مستانسه بكل لحظة
لدُن:ماقلنا تنفس بس بالمعقول تبتسم
اشتغلت اغنيه وقاموا يرقصون البنات لها وبدت الكوشه تمتلي بناس اللي يسلمون واللي يرقصون
