ردينا :بنات بتجيبون احد يسوي ميكب وشعر؟
ديم تمدد رجلها:ايه بتجي بالقاعه
ليال :انا بروح صالون اسوي أظافري واذا امداني خليتهم يسوون شعري
رتيل:الله والمشوار سوي معنا بالقاعه اريح لك حتى لو تأخرتي تكونين بالقاعه على الأقل
ليال تأففت :على الطاري المشوار اه بنهار فهد رافض اروح مع سواق لحالي!!!
غيم عقدت حاجبها: غريبه وش عندي توم كروز ماكان يوديني غير السواقين
صفقت بيدها بحماس:شفتييي جف لساني من كثر ماتكلمت كملت وهي تقلد حركته: يقول انا رافض بس هم بحكم ابوي
ديم بققت عيونها بذهول:يااربيي ما اكذبه قسم بالله محد جاب السواق غيره بابا اللي كان رافض
رتيل:واضح يدور عذر
ليال بغيض:مدري عنه قهرني قهررني كل مافتحت معه الموضوع قفله
غيم تدق صدرها:افتحي الموضوع قدامي وازهليني فيه
ليال :تهقين بيقتنع !
ديم:انا اقول اهجدي انتي وهي ماحنا ناقصين مشاكل
رتيل:صادقه ديم دامه رافض الله يعينك عليه
ردينا:الحين بتروحين ولا مابتروحين؟
ليال:هو رافض يخاف اطول عليه بس بحاول يعني
رتيل:ياحمار جيبها القاعه طيب
ليال:الحيوانه ماتطلع لشخص واحد
غيم :طيب انا ابي عادي
ديم:تستهبلين بناخذ معك عادي
ليال:قولو والله انك تبون ما تسلكون لي وابتلش معها
غيم:انا عني ابيها والله فاتتني اني اجيب
ليال:احجز ؟ كلكم تبون صح!
ديم:اييه احجزي ومنها ترتاحين وانتي تسوين اظافرك ماتشلين هم مين يرجعك
ضحكت بفرحه:اهخ يبنات كنت شايله هم
ردينا باحراج:بنات عادي اسوي معكم؟ لان نواف يقول مشغول
ليال وهي تناظر جوالها:لا مو عادي بحجز لك بصالون
غيم فهمت ليال:ايه صراحه ماابي زحمه بالغرفه ماابي اتوتر
ديم اللي تناظر ردينا اللي ملامحها تغيرت:عمى ان شاءالله انتي وهي
ضحكوا :ياماما انتي تامرين بس مو تطلبين
ردت ردينا وهي باقي مخروشه:يقلع عدوينكم صدق صدق صدقت
ليال ضربت كف غيم:احلا مرت اخ بالعالم تفهمنني على الطاير
غيم بضحكه:طاير ولا نازل؟
رتيل:طبعا لازم نغير الموضوع لان بيبدا اثقل مزح بالعالم
غيم:ترا زواج زواجي يعني خليك صديقتي ولا ما اخليك تدخلين
رتيل:تكفين بنهار اذا مادخلت مالت عليك وعلى زواجك
ليال هي تشوف رسالة فهد انها تطلع:يلا بنات اشوفكم بكره
غيم:خير على وين؟
ليال:بروح اشتري لبس لبكره ماعندي
ديم:مابتتعشين معنا!
ردينا:ياسخيفه البسي اي شي اجلسي معنا
ليال بدلع:لا معليش فهودي ينتظرني باي
غيم:وعوه يالوعه اذلفي انتي وفهودي مالت عليكم
ضحكت ارسلت لها بوسه بالهواء طلعت تلبس عبايتها
طلعت له ابتسمت من منظره كان يلعب بمسبحته وتشوف بس مقفى ظهره وليث قدامه وضحكهم العالي خاطرها تصوره من ورا بس خجلت من ليث عاد ليث لحد يطيح بين يده مايهتم من تكون بيطقطق يعنّي بيطقطق
ليث بعد فهد عشان توضح له الرؤيه :ياهلا بنت العم
التفت لها فهد وابتسامته شاقه وجهه:تأخرتي
ليال بخجل من ليث:الله يحييك
فهد اقترب مسك يدها لان بيروحون السياره:يلا توكل
ليث:طيب خلني اكمل بسالها عن حالها
فهد باستعجال :بخير دامها معي يعني في اتم صحتها يلا فمان الله
سحبها وهي تضحك بصدمه:مجنون بسولف معه
فهد:وانتي وش دخلك فيه اخوي ترا
ليال تقلده:ولد عمي ترا
فتح لها الباب يقطع نقاشهم وعيونه على خواله :اركبي ياحبيبتي ورانا يوم طويل
دخلت السياره لمحت فيصل وخوالها متجهين لليث
فهد اللي من لمح وجودهم ويبعد نظراته عنهم ماله خلق بشوفتهم قلبه ناغزه منهم ولا يدانيهم ركب سيارته ويسوق بصمت ويلعب بسبحته بهدوء
ليال حست هدوء فهد انه تعبان ولا وده يوديها خللت يدها بيده:احسك تعبان! عادي مو لازم اروح
فهد قرب يدها لشفته ويقبلها :لا والله مو تعبان الحين اوديك تاخذين اللي ودك ونتقهوى ونتعشى عوضاً عن العشاء
"يقصد العزيمه "
ابتسمت من تقبيله ليدها والمشاعر اللي داهتمها عصرت معدها عصر التفت براسها لجهته:تدري اني احبك؟
لمحها بطرف عينه ضحك من ذهوله باعترافها اللي يعتبر اول مره تنطقه بصريح العباره غمض عيونه وفتحها بسرعه:اعترفي تبين نسوي حادث؟ قلت الاوقات يوم تعترفين الحين
تأففت بقهر من ردة فعله وهي تبعد يدها عنه وتتكلم بسرعه من غيضها منه:مايعجبك شي يالشايب؟ احمد ربك اني احبك والله بعد شين وقوي عين يلا مناك
مما زاد ضحكه عليها :بالله اذا انا شين مين الحلو اجل؟
رصت بسنونها بغضب من ضحكته اللي تغيضها :الحين تركت كل شي ومدقق على ذا صدق انك شايب مو وجه اعترافات
فهد ابتسم بداخله ويخفي ابتسامته بثقل:وين الاعتراف بالموضوع كلنا ندري انك تحبيني الا انتي
ليال زمت بشفتها:طيب ممكن تسوق وانت ساكت
فهد يمسح شنبه بابتسامه جانبيه :في نظريه تقول ان اذا شخص صار بثر فيدل على انه يحب شخص اللي أمامه ولا انا مااداني البثاره
ماردت ليال عليه وهي تراقب الطريق بعيونها
ابتسمت بخفه من مدت يده اللي حاوطت يدها كيف يقدر يلعب باعصابها بثواني يطيررها للسماء ويغير مزاجها بحركاته يحبها لما تعصب وتتكلم بسرعه
............
اول ماوصلوا المول
فهد بتحذير:اسمعيني خذي اللي تبين لو يكون اللي يكون بس لاترجعين السوق مره ثانيه
ليال:بسم الله تونا مانزلنا
فهد:مايحتاج اعرف حركاتكم بتقليد "يااي الاضاءة بالمحل غير عن البيت يالله طلع المقاس اكبر لا مايناسبني ألوانها"
ليال التفت له:عزيزي فهد اجلس مع نفسك شوي وشوف مين يخلق المشاكل ترا جالسه اتغاضى محارشك معي
فهد تدارك الامر :انتي زعوله مره
نزلت وهي تنتظره وهو يعدل نفسه ويتعطر دقت الشباك عليه يستعجل
نزل:لاحول ولا قوة الا بالله خليني أتعدل
ليال بحده:ترا بالمول مو عزيمه؟
فهد فتح يده لها وابتسامته شاقه وجه:احب اكون مرتب
حطت يدها بيده وهي تحس شعور الغيره بدا تتغاضى ابتسامته اللي يوزعها للخلق
دخلت اول محل قدامها وهي تلهي نفسها بالملابس وهو واقف يدور له بدله عضت شفتها وهي تشوف ابتسامته مع الموظفه ويكلمها طبيعي ويطلب مقاسه
رمت الفستان بنرفزه:ماغير يفتح فمه كانه تمساح
ناظرها بطرف عين وهو سمع كلامها كمل مع الموظفه من داخله طاير من الوناسه من غيرتها
طلعت من المحل وهي بتنفجر من الغضب ومن الجوع تجمعت كلها عليها دخلت المحل اللي جمبه تدور بالمحل من القهر وعيونها على باب المحل تنتظره يطلع
انتبهت للموظفه اللي تكلمها :وش حابه اساعدك فيه!
ليال بتسليك:تسلمين بس اتفرج
الموظفه تاشر:لو حابه نزل امس كولكشن جديد اذا حابه تتطلعين عليه!
مشت معها ليال وهي تتفرج ماعجبها شي طلعت وهي تدور دخلت محل وهي تشوف فستان اسود لفت انتباهها جت بتطلع لها مقاس فزت من صوت فهد :عجبك!
خزته وهي تكلم الموظفه:لو سمحتي فيه مقاس سمول؟
جت الموظفه وهي تطلع لها مقاس :تفضلي عزيزتي
سبقها فهد:في غرفة قياس؟
الموظفه:ايه على اليسار
دخلت وهي تقيس الفستان وكأنه انخلق لها صورت وارسلت للبنات وتنتظر ردهم
فهد ورا الباب:خلصتي ادخل؟
فتحت له وعيونها على نفسها بالمرايه:هاه كيف!
فهد تحنحن بانبهار من جمالها:خذيه وانتي مغمضه عينك
ضحكت من تعبيره:لهدرجه حلو؟
ابتسم على ضحكتها: تبين الصدق؟هو عادي جداً بس انتي اللي محليته
ليال تناظر نفسها هو صادق انها عادي جداً:احس في شي غلط
فهد:اصبري لاتطلعين كاني شفت فستان حلو كم مقاسك؟
ليال تعدل الفستان:جيب سمول
طلع هو يدور بعينه اخذ الفستان ونادى الموظفه تساعده جابه لها وهو يتخيل شكلها فيه:سمّي
اخذته وهي محتاره لان برضو لونه اسود
فهد متكتف يحاول يشغلها عشان ماتدقق وتلبس :انا اقول اخذيه حتى لو ماجاز لك يكفي انه من اختياري
ابتسمت بتسليك تمد يدها للبرا:صادق شاطر حبيبي الحين تقدر تتفضل ابي اغير!
فهد بوهقه ان خطته ماضبطت:ترا زوجك انا وش اطلع وبعدين الفستان انا مختاره بشوفه عليك
زمت شفتها وهي تكتم عصبيتها:فهد اطلع يرحم امك
هز راسه باسف :ان لله وش فيك علي ؟
فتحت الباب ولا نطقت بس واضح معصبه من ملامحها طلع ينتظرها لبست وعجبها الفستان فكته بسرعه عشان تغير وتطلع
فهد:تبين اساعدك؟
ماردت وهي تستعجل بللبسها خلصت وهي تطلع رمت الفساتين عليه :روح حاسب وانا بروح ادور لي شي اكله
طلعت مستعجله وهي تحس بجوع مو طبيعي شهيتها مفتوحه وصارت تشتهي الاكل وهي متعوده اذا الدوره بتجيها تكون شهيتها مفتوحه
فهد راح يحاسب وهو مصدوم من حركتها حتى ماسمعت رده
لاحقه وهو يسرع خطواته صوت عليه التفت له :شفيك!
فهد مسك يدها:قبل ماتاكلين في محل ابيك تجين معي
ليال:نروح اول ناكل بعدين بكيفك
فهد يسحبها معه وهو ناوي الليله مايطلع الا وجايب لها
مشت معه باستسلام بققت عيونها من لمحت المحل:خيررر
فهد ابتسم:امشي والله لو اطلع بعشر الف راضي
ضربته بخجل :قصر صوتك طيب!!
دخلت وهي خجلانه كونه بيدخل معه تحس الانظار عليها ولا عرفت حتى وين تروح كان محل لملابس داخليه واقمصه
فهد اخذ لبس كله ريش وتعبير وجهه تدل على تعجب:امانه في ناس تلبس كذا؟
ليال تناظر اللي حولينها وهي ماتدري تستحي منهم ولا منه قربت وهي تقرص عضده:والله لو تنطق بكلمه اني لا اطلع واخليك اسكت
تأوه بالم سكت عشان ماتطلع يدري فيها مجنونه
اخذت لها كم قميصه
فهد:بس ذي زيدي مو من حلالك شي
رحمتها الموظفه قربت:عزيزتي تبين أساعدك بشيء؟
ليال تحس شوي بتبكي من الخجل وخاصة الانظار عليهم:بس ابيك تطلعين مقاسي
ساعدتها الموظفه وفهد لما شاف ليال بدت تختار وتدور معها الموظفه عطى ليال بطاقته وطلع يحس بانتصار طلعت ليال وهي ودها تصفق فهد اخذ منها الاكياس:تبين نطلع؟
ليال:تسوي فيني خير
طلعو من المول وهو مستانس بالاقمصه واخيراً بيشوفها باقمصة بدال التيشرتات والبجايم
......
عند الناس من زمان مارحنا لهم
عوض منسدح بتعب من تمارين اللي سواها :كيف قدر منصور يخبي طول المده؟
ابو عوض منقهر:جاهم رزق لكن معليك والله لا اوريهم
عوض تنهد بضيق :وانت شعليك منهم!
ابو عوض خزه بعصبيه :اكرمني بسكوتك وبدال ماتعلمني علم نفسك كيف تمشي يالعاجز
وقف هو غضبان من من وجود علاقة بين نواف وآل مهدي
عوض ناظر جهة الباب ورفع راسه بضيق من كلام ابوه اللي يعتبر يومياً تجريح في عوض
ابو عوض يكلم:انا خارج المملكه حالياً وابي عينك عليهم بإذن الله اسبوع وانا عندكم
***: تبي عثرات ولا ومراقبه بس؟
ابو عوض:مافي مراقبه بلا عثرات اي شي يمسكهم من يدهم اللي تعورهم يفيدني تركي سوا شي بعد اخر قضايا له؟
*****:اللي عرفته انه طلع من مكتبه المحاماه وحول كل شغله بشقته
ضحك :فاد اللي سوينا فيه
**** ابتسم:افا عليك فاد وبس ماعاد اخذ قضايا بعد ماخسر القضايا الاخيره
ابو عوض:كمل شغلك وفلوسك بتوصل لك سلام
قفل حس براحه وهو يشوفهم يتخبطون والحقد اعمى عينه وياويل نواف من حقد عمه
....
اليوم الثاني كانت العزيمه كبيره وبتكون بالمزرعه ترددت غيم انها تحضر وخاصة المزرعه تبعد عن بيتها بمسافه طويله
الكل طلع من بيته بدري والاغلب يقضي التجهيزات للعزيمه
غيم تدور با أغراضها:لدُن قولي انه شنطة الميكب معك!
لدُن مغطيه راسي بالبطانيه:ماشلت شي ولا معي شي ولحد يكلمني
غيم رفعت صوتها بقهر:كل تبن قلت لك شيلها معك يعني احط ميكب بوش؟
لدُن:مالي دخل انا قلت ماراح اشيل شي
ديم راكبه قدام:خلاص بنقول ليت يرجع او شوفي البنات يجيبون معهم
غيم تنرفزت مدت يدها على لدُن بقهر:انها ملعونه
شهقت لدُن:قدها؟
غيم :ايه وش بتسوين؟
لدُن بحركه سريعه فصخت شوزها ورمت على غيم وبدت الحرب بينهم
ديم حاولت تبعدهم مافي فايده كل واحد العن من الثانية
جا ليث من سوبر ماركت
ديم:ايوه جا ليث خليه يسنعكم ياكلاب
فتح ليث الباب رص بسنونه على منظرهم:تعدلي الله لا يوفقك انتي وياها ترا السياره مو مظلله
بعدوا عن بعض وكل وحده تشمق لثانيه وكارهين بعض
حط الاغراض بحضن لدُن وقفل الباب بقوه
ركب السياره ويلتفت عليهم بغضب:مركب بزارين معي؟ حتى البزارين اهون منكم اعقلوا كل يوم على ذا الحال ؟
غيم :كلمها الوصخه ذي ماتحترم احد تخيل اني قايله لها تأخذ شنطة الميكب ولا اخذتها ليتها تكلمت على الاقل اخذها
لدُن تقاطعها؛الحين مين الوصخ؟ الفاظك يا اختاه وهذا انتي اللي اكبر مني وتتكلمين كذا وتنتظرين مني احترمك!
ليث:تلايطي انتي وهي لا اخلي العقال يعلم عليكم
حرك وهو متنرفز منهم لان السياره مو مظلله وغير كذا لمح الناس يعرفهم
