"بمجلس النساء "
الجده تسولف والكل يسمع لها ويضحكون كانت جلسه حنونه مليانه ذكريات وضحك على بعض
الجده تثاوبت بنعاس:تاخر الوقت اعذروني
ام تركي:عذرك معك ياخاله وكلنا بنام اصلا تاخر الوقت
الجده:جهزتوا لبكره
ام ليث:ايه عبدالعزيز تكفل في كل شي
الجده:الله يوفقه ويزين له
رتيل:شفيه بكره
ام عبدالله:بكره بيجون امي واهلي
ليال بانفعال:وش يبون!
غيم قرصتها
ام ليث: جدك واعمامك مسوين لهم عزيمه لسلامة امي
غيم :غداء ولا عشاء؟
ام ليال:اكيد عشاء بس بيجون بدري يمكن يتغدون هنا
تأففت ليال يعني ناشبين لها بكل مكان
ديم تبي تنهي الموضوع قبل يكبر:بنات نطلع برا الجو يجنن
طلعت على طول ليال وبعدها البنات
ام ليال مسكت ديم :كلميها تتحمل بس بكره ماابي اتكلم معها وازعلها
ديم :عندي ولا يهمك
راحت ديم لهم وجلست جنب
ليال:ادري وش بتقولين لكن مو بيدي
ديم:مو حلوه قدام الكل بس هذا اللي ابي اقوله
سكتت ليال
غيم وهي تشوف رسالة وليد يبلغها انه صار بالغرفه:بنات انا بنام مع وليد ماراح انام معكم خلاص تفشلت منه
ردينا:تبين فرقانا دارين والله
غيم:ماراح تفهمين علي الحين لكن لا قدك مع تركي والله ان تسحبين علينا وتفهمين وش قصدي
ضحكوا البنات اما ردينا تفشلت :حيوانه خليني اذب على راحتي
غيم:هذاك زمن اول
دق وليد فزت غيم :اقابلكم بكره
رتيل:روحي للعاشق الولهان لا يبموت من الشوق
غيم :بروح البس له ريش وارقص له
ردينا شهقت:الله ياخذك والصراحه اللي انتي فيها
راحت غيم وهي تضحك
رتيل لفت على ليال:صدق تسوون كذا؟
ليال استحت من السوال:يابنت وش جاك علي
لدُن:جاوبي عشان يمدي نعطي دروس لذي
ردينا:ومين قال باخذ منك دروس
لدُن:ههاااي يعني موافقه!
ردينا قامت من عندهم وهي خجلانه اكثر لان رتيل معهم
ليال وقفت بسرعه :بروح لفهد باي
ركضت قبل ماتسمعهم
رتيل:الله يادنيا قعدنا مع الطفله ذي
لدُن:والله الطفله ذي بتصفقك كف وتعلمك الطفوله
ديم انسدحت وهي تتأمل السماء :اذا بتنكلمون ادخلوا
انسدحت رتيل معها ولدُن دخلت
.................
"اليوم الثاني"
فتحت عينها على صوت واحد يتالم فزت بخوف لقته ينظف جرحه
جته وهي نص عين مفتوحه والثانيه مقفله :شفيك!!
فهد :ازعجتك!
ليال فركت عيونها بنعاس:لا الساعه كم!
فهد :ثنتين اتوقعءءءا
فز ومسكها :بننتتت
ليال بدوخه لانها شافت الجرح :ايش ذا
جلسها على الكنبه ونزل الهودي :دايخه؟
ليال تمسك راسها:لا معليك شوي وبتروح انت اجلس الحين
جاب لها مويه وفكها:وين اللي تهيط امس تبي تشوفه
ليال تغمض عيونها:ياسااتر مادريت انه كذا
ضحك عليها :يلا صحصحي مابين اجيب لك فطور
ليال تمسك راسها:لا تجيب بروح اتروش
فهد :لاتقفلين عليك الباب عشان لا دختي الا واقدر ادخل
ليال:لا معليك
فهد غمز :منها تكون فرصه
بققت عيونها صفقته على يده :صاير قليل ادب
ضحك من اعماق قلبه:لاتنسين امس كنتي بتفصخيني لو ما مسكتك كان الله واعلم وش بتسوين
صاحت وهي مرتعه من كلامه ومنخرشه :هييه شفييك انت والله الحادث قلب مخك بعدين كنت بشوف جرحك وش ابي فيك
فهد بطقطقه:اييه حطيها عذر
وقفت:والله انك قليل ادب
اسرعت بخطواتها لدورة المياه "اكرم الله القارىء "
فهد يرفع صوته:لاتقفلين الباب شويات والحقك بس اغطي جرحي
ليال قفلت الباب قفلتين
ضحك وهو يسمع القفل
...............
غيم طلعت من دورة المياه " اكرم الله القارئ " لابسه روب الحمام ولافه شعرها :وليد حبي يلا قوم
وليد منسدح بالسرير:ليت احنا ببيتنا
غيم: من يوم فتحت عينك وانت ماغير تقول ليت وليت ترا فشله للحين احنا بالغرفه وش بيقولون عنا
وليد:طقاق يقولون اللي يقولونه على اساس اهتم لكلامهم!
تتاافف وهو عنده امل انه يرجع ينام
غيم بعدت المنشفه عن شعرها وهي تطلع الاستشوار وتستشور
وليد خزها على الازعاج اللي تسويه ويدري انه عناد فيه وقف وهو يدور تيشرت حقه تافف :وينه ذا بعد
غيم :وش !
دخل الحمام وهو متنرفز من الازعاج
خلصت غيم شعرها حطت كريماتها وحطت ميكب خفيف
وليد لسى بالحمام يتروش خذتها فرصه تلبس قبل مايطلع لبست لبس ثقيل
وليد:ياغييم
غيم:ياهلا
وليد :طلعي ثوبي وملابسي
فتحت دولاب ملابسه وهي تطلع له ملابسه اختارت له ثوب شتوي لليل
وليد من وراها :ليه !
لفت عليه ولا تنكر اغرمت بشكله لاف المنشفه على خصره وشعره مبلل ابتسمت :لليل ولا ماتبيه !
وليد:اها احسب تبين البسه الحين
قربت غيم تسوي نفسها تشاوره دنق لها باستغراب
شدت شعره بعنف وهي متنرفزه من حركته يوم قام :شفت تاففك مني وانا استشور! تحسب بخليها اخ وليد انا عدتها مره ثانيه ماراح يعدي اليوم على خير
كان ماسك منشفته عشان ماتطيح ويتالم:بسم الله متى صار ذا
غيم فكت يدها وهي تخزه سحبها وليد :الحين مسويه فيها ياانسه ربع ! تمدين يدك علي؟
غيم:اي ياحبيب امك امد واحمد ربك مافقعت عينك وانت تخز
قطع انفاسها بقبله على شفتها لخمتها الا انها اسعدتها
وخرته وهي تحاول تستجمع نفسها :بروح اساعد ماما نوره
طلعت بسرعه والابتسامه شاقه اذنها مو بس وجهها من السعادة
