دفته عنها وعطته ظهرها تمسح دموعها
فهد غمض عينه :نصيحه لي ولك عطيني وجهك
لفت عليه وهي بتموت من الخجل وتمسح دموعها قرب منه اخذ المنديل منها ويمسح المسكرا اللي ساحت
ليال بصوت يالله ينسمع ولا تناظر فيه:امسح وجهك
فهد يقرب اذنه لها عشان يسمع:وش تقولين؟
اخذت الفاين منه وحطت يدها على عيونه عشان مايشوفها وتمسح روجها عن فمه
فهد داخ من الخرفنه ويكلم نفسه والله وطحت وانا ولد ابوي لعنبوها من بنت
وخرها بهدوء ماتحمل عطرها وانفاسها على وجه اخذ الفاين من يدها وفتح الكام يمسح فمه كان روجها احمر وصعب ينمسح وكان يمزح معها بس ملامح وجهه ماتبين انه يمزح :تبين تفضحيني بين العرب
ليال بكت ماتخطت البوسه ويجي يزيد عليها
ضمها بوهقه :يابنتي انا اسف والله اسف خلاص بس لاتبكين بيفهمون غلط الله يرحم والديك
ماردت عليه وهي تبكي اكثر
فهد:عندك دموع زايده شكلك !تدرين اجلسي هنا وسوي نفسك تعبانه وانا برجعك البيت خلاص ؟
ليال من بين دموعها:والله ما ارجع معك
ضحك:خلاص ولا يهمك لاترجعين معي بس لاتبكين
فهد:اسمعي بطلع انا وكلمي البنات يجونك زين؟
ليال تمسح دموعها :زين
فهد وخرها من حضنه وشاف لبسها: لاتنادين احد اقعدي لين نطلع واذا بتنادين البنات البسي عباتك ماله دعي يشوفونك
ليال وهي تبي تفتك منه:طيب بس اطلع
طلع فهد بحذر ويتلفت احد يشوفه او لا اخذ سيارته وحرك مبتعد عن الانظار ريحتها علقت فيه ابتسم بكل رحابة صدر وتنهد من جمال الشُعور اللي يحسه فيه فتح علبة الدخان يضيع ريحة عطرها عشان يقدر يرجع لهم بدون محد يقفطه رجع بعد مافر شوي وهدا
تركي كان يحاول يتواصل مع احد بالمستشفى وشاف فهد لما طلع من قسم النساء
فهد نزل من سيارته توجه لتركي:وش تسوي هنا
تركي :ابي اخلص لي شغله انت وين كنت
فهد مايناظر بعين تركي:كنت افر شوي ليش
تركي ضحك :حلوه الفره؟
فهد ابتسم لا اردايا مو فاهم قصد تركي بعفويه:اجمل فره في حياتي
تركي بضحكه يشاور فهد بمزح:طيب امسح الروج وانا اخوك
فهد عرق من الخجل حمر وجه:في ذمتك !
مات من الضحك كان بس بيختبر فهد وفهد مسكين فضح نفسه
فهد يدور:وين يالخبيث!
عبدالله مبتسم على ضحكة تركي اللي نادر يسمعها:عسى دوم الضحكه
فز فهد بخرشه يحاول مايخلي عبدالله يشوفه وياشر لتركي بعيونه
تركي ماتحمل منظر فهد كيف خجلان وقامط تكى على صدام السياره ويضحك من كل قلبه
فهد راح قبل مايقفطه عبدالله
عبدالله بفضول :وش مسوي
تركي يمسح دموعه من الضحك:الله يسعده على نياته
كمل تركي :تعرف احد بالمستشفى ***********
عبدالله بتذكر:ايه ليه!
تركي يمون على عبدالله:في بنت ابي اساعدها
عبدالله باستغراب:عسى ماخلاف!
تركي تنهد بضيق:اركب السياره واقولك
عبدالله مشى وراه ركبوا سيارة تركي متوجهين للمستشفى
عبدالله:اسلم
تركي هو ذابحه التفكير:الله يسلمك على كلام عم البنت مالها الا عمها ذا واهلها متوفين بحادث ومزوجها ولده ولده رخمه حاط حرته فيها وغير كذا متزوج عليها قريب ولاعب بالبنت لعب
عبدالله بنرفزه:عمها اللي قايل لك !يعني يدري بالتبن اللي عنده ولا تحرك وبكل ثقه يقولكم
تركي :ايووه وصلت عند النقطه اللي انا تحركت عشانها
تدري وش اللي يقهر بعد ماحكى لنا طلعت اكلم ابوي لقيت النجس عندها
عبدالله:ضربته؟
تركي لف عليه:خبل انت! محامي انا ابي اكسب القضيه بصفي اروح اضربه هو للامانه كنت بمد يدي بس الحمدلله ما احتجت وهج
عبدالله يدور رقم واحد يعرفه يشتغل بالمستشفى:طيب اكلمه وش نسوي!
تركي:ابد ابيه يعطيني تقرير ان الكلب مد يده عليها احس البنت هطفه مابتشتكي عليه وبعطي البنت رقمي اذا تبي تخلع الكلبب تكلمني بس اهم شي التقرير الطبي
عبدالله بوهقه:طيب لازم البنت هي اللي تتكلم
تركي بتفكير:اجيب رتيل تكلمها؟
عبدالله:مجنون انت اول شي شوف الساعه كم ثاني شي تجي رتيل وش بتقول سلام عليكم اختي تبين تنفصلين عن زوجك هذا الرقم تواصلي معنا
تركي:تتطنز انت؟
عبدالله بجديه:اتكلم صدق تدري رجعنا الاستراحة وقتنا غلط
تركي:يعني شلون انا ابي اساعد البنت كيف
عبدالله:انت توديها كذا جهنم ياحبيبي بالمساعده حقتك تعرف اسمها اصلا؟
تركي :لا
عبدالله:ارجع الاستراحة لا اهفك كف
تركي:اهدا حبيبي تراك بسيارتي
عبدالله:وش بتسوي
تركي:تدري كلم ذا اللي انت تعرفه وقل له يعرف لي اسمها على الاقل تكفى يا ابو عابد
عبدالله لف عليه: هد اعصابك ياطيب انت شايف البنت وش فيك متحمس ماخبرتك تحمست على قضيه نفس كذا
تركي ابتسم:لا والله تبي انزلك؟
عبدالله عدل جلسته :ايوه ايوه الابتسامه ذي وراها علوم شفتها!
تركي:لمحتها فقط بس ياولد في شي يجذبني لها لا تسال وش لان مادري
عبدالله بطقطقه :سبحان الله ماجذبك الا الشيطان قول جازت لي اما سالفه انك منجذب او متعطف مع سالفه العب على احد غيري
تركي:تدري انك وصخ؟
عبدالله:نزلني عند سيارتي
وصلوا بالوقت المناسب الحريم والبنات يسلمون على الجد بشارع
البنات واقفين ورا امهاتهم
رتيل بوهقه:بنات اظفري نشب بشماغ عمي محمد
لدُن:ياعزتي لعمي صدمة حياته الاظفر حق رتيل
ليال بعالم اخرى ومتكيه على غيم
غيم :تعبانه؟
ليال تتثاوب:لا بس ابي انام
غيم دفتها عنها:اذلفي مامنك فايده اربع وعشرين ساعه نايمه
ليال:اقول تتوقعين لو سحبنا على وقفتهم ذي تقولين داخلين معسكر ونركب السياره بيزعلون؟
غيم :امم شوفي الله يسلمك اوقفي معي لين اشوف واحد من اخواني ركب سيارته واركب سالفة تخليني لحالي معصي
ليال:نركب مع وليد ولا سعود يلا بعدين اركبي مع خوانك او احنا نوديك
لدُن وهي تسمعهم:بروح معكم ياكلاب ترا سمعتكم
ليال يالله توقف من الكعب:يلاا
ديم:بنات ليث يقول تبون ياخذنا فره بسياره وقهوه؟
غيم صرخت :تم يلاا
لدُن:الله يفشلك انتي وصوتك
الجد بحده:مين اللي صرخت؟
الكل يناظر غيم :انا
الجده:وش فيك يمه بسم الله عليك؟
رتيل ترقع لها:شافت صرصور على كتف ديم
ديم صدقت مادرت انها ترقعيه نطت على ليال
اول ماشافت ان ديم متوجه لها انطلقت ركض وديم تضرب كتفها وتصرخ ركض لها ابو ليث يساعد بنته
والبنات ميتين ضحك
غيم ميته ضحك:امسكوا المجنونه بتطلع من الحدود
كان الكل يضحك على ركضة ليال وديم كيف تضرب نفسها
الجد يضرب بعصته؛وين راحت ذي !
سعود :انا بروح لها
جتهم ليال تركض شايله كعبها وتصرخ:بابااا
