غيم :حي الله جدي
الجد :الله يحييك اسمعي زين وابعدي المزح عنك يا ايه يا لا
شي راجع لك ولا احد بيغصبك
غيم توترت وحست الموضوع يمسها هي وليد وتذكرت تهديد ليال لها ابد مو مستعده تعطي اجابه ولا بعد مع جدها
الجد كمل:وليد يبي يملك عليك بعد زواج اخوك انتي حددي متى وهو موافق والزواج حددي انتي بعد بس يابنتي ماعاد له لانتظار طعم قعدتي معلقه انتي وهو واذا عن جامعه شوفي ليال بتتزوج بعد شهرين ولا قالت شي فرحي قلب وليد بموافقتك وفرحينا معه
غيم بداخله هذا هو يقول محد بيغصبك اجل لو غصبني :ياجد
قاطعه :لاتستعجلين برفض الاستخاره قد استخرتي خلاص وارتحتي له ماعاد بقى الا ملكه
غيم بمزح :خلاص موافقه دامك اجبرتني كذا
الجد باستغراب:متى اجبرتك
غيم غمزت له:خلك انت اجبرتني خل اصير ثقيله شوي
الجد يضحك :عزت الله محد صاحي فيكم لا انتي ولا هو كل واحد اخف من الثاني
غيم بمزح:يعني عبالك برفض ذاك الزين
الجد يضحك ؛كان من اول تعبت وانا امهد لك
ضحكت غيم وباست راسه :والله اني احبك واحبه
الجد بمزح :يابنت !وجهك مغسول بمرق مافي اي حياء عندك
غيم :يووه تغيرت ياجدو والله
وقف الجد :ماتغيرت ولا شي بروح اصرع زوجك واجي
فتحت غيم جوالها على طول وتفتح محادثتها مع ليال"ياحيييوانه "
ليال "😑😑"
غيم "ترا الحين احرجك مع فهد والنذاله جوي😉"
ليال صرخت "هييه مالي دخل والله ترا صارت سالفة بقولك بعد شوي بس ابعد الشببهه مني واهم شي تمت حاليًا "
غيم "بحاول اصدقك"
دقت ليال وتحكي لها اللي صار بتفاصيل وهي مقصره صوتها عشان ماتدري وامها وتلعن خيرها
"بالمجلس"
دخل الجد يحاول يخفي ملامح الفرح عشان يلعب بااعصاب وليد اللي من للتوتر جالس يهز رجله ومطنش سوالفهم وعيونه على الباب
الجد يسند نفسه على العصا:يلا مشينا
وليد بققق عيونننه:وش قالت
ابو ليث كمل لعب مع ابوه:بنتتي واعرفها كان ودي والله يافهد بس ما باليد حيله الراي الاخير عندها
ليث عصب:ماعليك والله اكلمها انا مو على كيفها
وليد يحس وده الارض انشقت وبلعته ولا يسمع انه غيم ردته صح بنهايه بيتزوجون بيقعد سنتين ينتظرها انغبن وضحت الغبنه على ملامحه اللي ماقدر يسيطر على نفسه عض شفايفه يتمالك غضبه بصعوبه طلعت معه الجمله:فمان الله اجل
غازي هو عارف انهم يمزحون :حرام عليكم وليد ترا يمزحون معك
وليد ما استوعب ومشى من كثر العصبيه مايسمع
لحقه فهد ميت ضحك :يااهووو نقولك وافقت
وليد يناظره بدون مايعطي اي ردة فعل
ليث :حسبي الله ياوليد نقولك وافقت الووو
صرخ وليد بعد ماضربه فهد عشان يستوعب:احلف قول والله
فهد :والله ماكمل جملته وليد نط عليه ويضمه ويصرخ يحس نفسه فالسماء من كثر السعاده
فهد مبسوط لوليد مره :ترا ابوي يناظر
وخر وليد عنه ويناظرهم ضحك من الفرحه :ماقدر امسك فرحتي
ابو ليث يضحك:ابد خذ راحتك
غازي:ناخذ ماتبقى من ثقل وليد ونستاذنكم فمان الله اخذ وليد يركض بشارع راح لابوه بدون سياره
ليث لحقه :ياسونيك تعال خذ شماغك
غازي :الحمدلله والشكر هات هذا شماغي من الفرحه ماجاب معه شماغ
ليث:هذا هو درى بس ملكه اجل زواج وش بيسوي
فهد :الشكوى لله نربطه لين يوم الزواج ونفك وعاد الله يعين اختنا
كملوا طقطقه على وليد
وليد دخل البيت يالله يلقط نفسه ويصرخ :يبه يمه
سعود ركض :شفييك
وليد دفه:وخر وين ابوي
ركض للصاله قبل مايسمع الجواب
دنق اول ماشافهم جالسين كلهم جت ليال تضحك:مبرووك ياعريس
ام عبدالله:والله وافقت؟
وليد يضحك :ايه ابشرك
قامت ام عبدالله تبارك له وهي فرحان له واخير بتفرح في عيالها
باركوا له والكل فرحان من فرحة وليد هو يدري بعد زواج ليال بس اي يوم مايدري بس ماهمه اهم شي تكون له وقريبه منه
...
.
مرت الشهرين ذي بسلام كلهم يجهزون الزواج رغم انه مختصر بالعايله وصديقات ليال وخوالها الا انه سوته بشاليه وحجزت الشاليه وهي اللي اختارت عكس ملكتها اللي ماتدخلتها فيه
ترددت تحجز مصورها او لا بس معاناه من التفكير حجزت
ولا صار بينها هي وفهد اي تواصل هو كان منضغط من الشغل صار يشتغل بالشركه عند جده والكوفي ويرجع متاخر والويكند يكون ياثث البيت كان متردده يكلمها تختار معه بس فضل يختار الاساسيات وهي تكمل البيت على راحتها لما تكون معه
غيم كانت متحمسه للزواج واختارت ملكتها تكون بعد زواج فهد بااسبوعين لان بعدها تبدا اختباراتها الفاينل
جهزت الفستان وحجزت وكانت تطلع هي وليال يخلصون شغلهم ومعهم البنات
لدُن نقلت من المدرسه ونفسيتها تعدلت بعد فتره هدى بلغوا عليها وورفع عليها قضيه جرها بالمحاكم جر خلها تندم ندم عمرها كيف تقرب من بنته
العد التنازلي للزواج مابقى الا اسبوع على الزواج رغم انه عائلي الا ان ليال نحفت نحف وصارت ماتاكل من التوتر زي اي توتر اي وحده بتتزوج
دخل وليد عليها بالغرفه منسدحه وتتأمل اغراضها
وليد:ليلو تبين نطلع طلعه اخويه ؟
ليال:لا مالي خلق حتى موعدي مدري كيف اروح
وليد:تكفين انتي خلاص نطلع نتمشى شوي طفشت محد معطيني وجه كل واحد مشغول وبعدها اوديك موعدك انا راضي بس خلينا نغير جو
ليال كسر خاطرها هو فعلا الفتره ذي كلهم مشغولين بشركه عبدالله بس يسافر ويخلص امور الشركه :يلا اجل بلبس واجي
لبست عبايتها ونزلت لوليد اللي ينتظرها
وليد بروقان :ابي اغنيه كذا تخليني اغير الطريق واروح لزوجتي
ليال:يع تكفى خلاص وليد ارحمني
وليد طنشها ويشغل الاغنيه ويغني وومنطرب هي صارت ماتستغرب ابد منه ومن حركاته
جاه اتصال غير موده وطريقه
ليال بقمطه لان مافهمت شي كل اللي سمعته الو يلا جايك فقط وليد مسرع ولا تحب تكلمه اذا متقروش تخاف تقروشه وليد كان يدخل بين السيارات بسرعه مجنونه صرخت بخوف يوم شافت الشاحنه متوجهه لهم
