အခန်း ( ၇၁ )နတ်ဆိုးတပါးကမ္ဘာမြေသို့ဆင်းလာ၍မြောင်မျိုးနွယ်စုကိုရှင်းလင်းသုတ်သင်ခြင်း.....
ထိုစကားကြားသောအခါ ဝတ်ရုံနက်သည် မြောင်ယန်နှင့်အခြားလူများကိုကြည့်လိုက်သည်။ သူ့အကြည့်များသည် အေးစက်ခက်ထန်နေသည်။
“ဒါဘယ်လိုဖြစ်နိုင်မှာလဲ။ သူလေလံအိမ်မှာသိမ်းမထားရင် ဘယ်မှာထားမှာလဲ။ ငါတို့အကြံလည်းမသိဘဲဘာလို့သူနဲ့အတူယူသွားမှာလဲ”
မြောင်ယန်သည် ထိုလူဆိုလိုသည်ကိုနားလည်သည်
“ငါတို့ယူထားတယ်လို့ ပြောချင်တာလား”
”အဆင့်မြင့်ဖြေဆေးနဲ့ကျင့်ကြံနည်းစနစ်ကိုဘယ်သူမလိုချင်ဘဲနေမလဲ....တယောက်တဝက်ခွဲမယ်လို့ ငါတို့သဘောတူပြီးသားမဟုတ်လား..."
မြောင်ယန်သည် ဒေါသအလွန်ကြီးသည်။ သူ့ကိုမနာခံသူအားလုံးကိုလုံးဝခွင့်မလွှတ်ပေ။ ဝတ်ရုံနက်နဲ့လူ၏စကားကိုကြားသော် တခြားဘာမှမစဥ်းစားနိုင်တော့။
“မင်းမှာအစွမ်းရှိရင်လာရှာကြည့်။ မင်းတို့လင်မျိုးနွယ်စုက လူအနည်းငယ်ကလွဲပြီး ဘာများကူညီခဲ့လို့လဲ။ ဒီပွဲမှာ အများဆုံးပါဝင်တာ မြောင်မျိုးနွယ်စုဘဲ။ အဲဒါကိုတဝက်စီခွဲမယ်တဲ့လား”
ထိုလူသည်ဒေါသအိုးပေါက်ကွဲလေသည်။
“ကတိမတည်တဲ့ကောင် ငါ့ကိုဒီလိုစော်ကားရဲတယ်ပေါ့”
မြောင်ကျန်းသည် သူတို့နှစ်ယောက်စကားများနေသည်ကိုကြည့်၍ဖြန်ဖြေပေးရန်လုပ်လိုက်သည်။
“ဒုခေါင်းဆောင်စိတ်အေးအေးထားပါ။ ကျွန်တော်သားက ငယ်ရွယ်ပြီး ကလန်ကဆန်နိုင်လွန်းတယ်။ သူနဲ့တုဖြစ်မနေပါနဲ့”
အော်ဒီလိုဆိုထိုလူကကောက်ကျစ်သောဒုခေါင်းဆောင်ပေါ့။
ဒုခေါင်းဆောင်ရယ်လိုက်သည်။ သူနဲ့မြောင်တို့ကြားဆက်ဆံရေးကိုတွေးဆ၍အသာနေလိုက်သည်။
“ဒီရတနာတွေ လေလံအိမ်မှာမရှိဘူး။ လင်မိုကသူ့ရဲ့ကျောက်ဆွဲသီးထဲမှာထည့်ပြီးသူနဲ့အတူယူသွားတာဖြစ်နိုင်တယ်”
YOU ARE READING
လေလံအိမ်ရဲ့အရှင်သခင်
ActionTitle - I Inherit an auction house at the start trillion times rebate လေလံအိမ်ရဲ့အရှင်သခင် ဘာသာပြန် - ချိတ်/ဇော်ထက်နိုင် မူရင်းစာရေးဆရာ - Place of Belonging လင်မို က အရှေ့တိုင်းစိတ်ကူးယဉ် ဝတ္ထုထဲကို ဝိညာဉ်ကူးပြောင်းခံခဲ့ရတယ်။ သူက ဂန္တဝင်ဆန်ဆန် "ချုံ...