Chapter 78
လင်မို၏ အဆင့်တက်ခြင်းက လူတိုင်းကို အံ့ဩသွားစေတယ်
လင်မို၏ခန္ဓာကိုယ်သည် ဆေးလုံးများမှ ဝိဉာဉ်စွမ်းအင်များကို စုပ်ယူထားပြီး ထိခိုက်ဒဏ်ရာများကို တဖြည်းဖြည်းကုသကာ ရောင်စဉ်တန်းများ ထွက်ပေါ်နေလေသည် ။
နေရာကျဉ်းလေးတွင် များပြားလှသော ဝိဉာဉ်အင်အားများက အလျှံအပယ်ဖြစ်နေပြီး အရောင်စုံအသွေးစုံ အလင်းတန်းများက လင်မိုဆီမှ ဖြာထွက်နေလေသည် ။
သာမန်လူတစ်ယောက်အတွက်မူ ထိပ်တန်းအဆင့်ခြောက် ဆေးလုံးအား အပြည့််အဝစုပ်ယူရန် ခြောက်လခန့်ကြာလေသည် ။ နတ်ဘုရားဖျက်ဆီးခန္ဓာကိုယ် ပိုင်ဆိုင်ထားသည့် လင်မိုကမူ ထိပ်တန်းအဆင့်ဆေးလုံးများအားလုံးကို ဆယ်ရက်အတွင်းပင် စုပ်ယူလိုက်လေသည် ။
အစိမ်းရောင်အသက်ဓါတ်များက ခန္ဓာကိုယ်အနှံအပြားကို ပျံ့နှံနေပြီး သွေးပုတ်များကို တနေရာပြီးတနေရာ သန့်စင်ပေးနေလေသည် ။ လင်မိုသည် သူ၏ခန္ဓာကိုယ်မှ ပြေလျော့သွားသောအကြောတစ်ခုချင်းစီကိုလည်း ခံစားမိလေသည်။
လင်မိုသည် သူ၏စိတ်စွမ်းအင်များနှင့် ချီစွမ်းအင်များကို စုစည်းလိုက်သောအခါ အနှိုင်းမဲ့အရှိန်အဝါက ထွက်ပေါ်လာလေသည် ။ မည်သည့်အရာကမှ သူ၏တိုးတက်မှုအား မတားဆီးနိုင်တော့ပေ ။
လင်မိုသည် နှိုင်းယှဉ်မရနိုင်တော့ပေ ။ သူ၏စိတ်ဝိဉာဉ်အင်အားသည် ရာဇဝင်တင်လောက်ဖွယ် အခြေခိုင်သွားလေပြီ ဖြစ်သည် ။ ထူးဆန်းအံ့ဖွယ်နယိမြေသို့ ရောက်ရှိသွားသူလိုပင် ခံစားချက်များကလည်း ဖော်မပြတတ်ဖွယ်ရာပင် ။ ခေါင်းဖျားမှ ခြေဖျားအထိ အပြန်အလှန်ကူးလူးနေသော စွမ်းအင်များသည် မြောင်ဂိုဏ်းအား နှိမ်နင်းစဉ်က ထွက်ပေါ်နေသည့် ရောင်စဉ်များလိုပင် ။
" ဘာဖြစ်နေတာလဲဟ ......လင်မိုများ သတိရလာတာလား ။?"
" ဟာ..........မဖြစ်နိုင်တာကို ...ခေါင်းဆောင်ကြီးပြောတာ မကြားဖူးလား ။ မကြာဘူးဆိုရင်တောင် အနည်းဆုံး တစ်လတော့ကြာမယ်လို့ ပြောထားတာကို ........ဘယ်လိုလုပ် အခုသတိရမှာလဲ။?"
" ဂိုဏ်းခေါင်းဆောင်ကို အမြန်သတင်းပို့ချေ ."
YOU ARE READING
လေလံအိမ်ရဲ့အရှင်သခင်
ActionTitle - I Inherit an auction house at the start trillion times rebate လေလံအိမ်ရဲ့အရှင်သခင် ဘာသာပြန် - ချိတ်/ဇော်ထက်နိုင် မူရင်းစာရေးဆရာ - Place of Belonging လင်မို က အရှေ့တိုင်းစိတ်ကူးယဉ် ဝတ္ထုထဲကို ဝိညာဉ်ကူးပြောင်းခံခဲ့ရတယ်။ သူက ဂန္တဝင်ဆန်ဆန် "ချုံ...
