အပိုင်း(၈၇)
လင်ရီးရွှမ်းက သက်စောင့်ဆေးလာရှာခြင်းမကြာမှီမှာပင် သတင်းက တောမီးလို ပျံ့နှံသွားလေတော့သည်။ ဒုတိယခေါင်းဆောင်နှင့် တခြားသူများကလည်း ထိုသတင်းကြောင့် အငြိမ်ထိုင်မနေနိုင်တော့ပေ။
" ဘာ အဲ့ဒိလေလံအိမ်မှာ အဆင့်ခုနစ် သာလွန်ဆန်းကြယ်သက်စောင့်ဆေး ရှိတယ် ဟုတ်လား? အဲ့တာ ဖြစ်နိုင်လို့လား"
ဟုတ်သော်ရှိ မဟုတ်သော်ရှိ သတင်းကမူ ပြန့်သွားချေပြီ ။ သတင်းမှားဖြစ်ရန်လည်း အကြောင်းတော့ မရှိပေ ။ ပစ္စည်းကောင်းများစွာ လက်ဝယ်ပိုင်ဆိုင်ထားသည်ကို ရှေ့လေလံပွဲများတွင် ပြသသွားခဲ့ပြီးလေပြီ ။ ဒုတိယခေါင်းဆောင်သည် လေလံပွဲတွင် သွားရောက်ကာ လေလံလုရုံမှအပ တခြားမတတ်နိုင်တော့ပေ ။
" လင်ကျွမ်းယန် ကို ပထုတ်လိုက်ဖို့ဆိုတာ လွယ်တဲ့ကိစ္စ မဟုတ်ဘူး ။ အဲ့လိုလုပ်လိုက်ရင် မျိုးနွယ်စုခေါင်းဆောင်က ငါတို့သတိထားမိသွားပြီး ပထမခေါင်းဆောင်ကို အခွင့်အရေးပေးလိုက်သလို ဖြစ်သွားလိမ့်မယ် ။ ငါတို့ လင်ကျွမ်းယန်ကို ပြန်ကုပေးလိုက်ရင်တောင် သူကသေချာပေါက် ပြန်ကောင်းလာဖို့ မသေချာသေးဘူး .........."
" ဒါပေမယ့် ပထမခေါင်းဆောင်နဲ့ တခြားသူတွေကလည်း အဲ့ဆေးလုံးကို ဘယ်ဈေးနဲ့ရရ သေချာပေါက် လေလံဆွဲမှာပဲ ..."
" ငါကတော့ အဲ့လေလံအိမ်က ငါတို့ကို ပစ်မှတ်ထားပြီး လုပ်နေမှာပဲ စိုးရိမ်တယ် ။ အချိန်တိုင်း အကွက်ချပြီး ငါတို့ကို တိုက်ခိုက်နေသလိုပဲ ။ ပထမက ငါတို့ လေလံပွဲကျင်းပမယ့်ရက်မှာပဲ ထပြီး လေလံပွဲ ကျင်းပပစ်တယ် ....။ အခုလည်း ........."
ဒုတိယခေါင်းဆောင်၏ မျက်နှာတွင် မကျေနပ်ဟန်များက အထင်းသားပင် ပေါ်လေနေသည်။
" ငါတို့ကို လိုက်ဆန့်ကျင်တိုက်ခိုက်နေရတဲ့ အကျိုးဆက်ကို ပြရသေးတာပေါ့ကွာ......မိုးကောင်းတုန်းတော့ ရွာထားဦးပေါ့ ...."" ဘာပဲပြောပြော အခုအချိန်က အရေးကြီးတဲ့ အချိန်ပဲ ။မျိုးနွယ်စုခေါင်းဆောင် ပြီးခဲ့တဲ့ကိစ္စနဲ့ ပတ်သက်ပြီး ဘာမှမပြောဖူးဆိုပေမယ့် သူ့ရင်ထဲမှာ မကျေနပ်တာတော့ ရှိလိမ့်မယ် ။ ငါတို့ ပြဿနာထပ်ရှာမိတာပဲ ဖြစ်ဖြစ် ၊ လက်ရှိပြဿနာကို မရှင်းနိုင်တာပဲဖြစ်ဖြစ် ခေါင်းဆောင်က အမြင်မကြည်ဖြစ်ပြီး တခြားတစ်ယောက်ယောက် အခွင့်အရေးပေးလိုက်ရင် ခက်မယ် .................."
![](https://img.wattpad.com/cover/341790359-288-k46659.jpg)
YOU ARE READING
လေလံအိမ်ရဲ့အရှင်သခင်
ActionTitle - I Inherit an auction house at the start trillion times rebate လေလံအိမ်ရဲ့အရှင်သခင် ဘာသာပြန် - ချိတ်/ဇော်ထက်နိုင် မူရင်းစာရေးဆရာ - Place of Belonging လင်မို က အရှေ့တိုင်းစိတ်ကူးယဉ် ဝတ္ထုထဲကို ဝိညာဉ်ကူးပြောင်းခံခဲ့ရတယ်။ သူက ဂန္တဝင်ဆန်ဆန် "ချုံ...