قمراي وانا الليل

البارت الأول

كان ب بدايه الاجازه و مافيه دوامات و كان بليل الكل نايمم و مثل ما قلنا اول أمجاد و غريد يحبون المصايب ف خلوكم مع البارت و نشوف وش رح يسوون؟ يلا بدينا
أمجاد : اف ما جاني النوم يخي شذا دجاج ننام الساعه ٧ الله يصلحك يا جدي اجل دام كذا مالي الا غريدي تفزع لي و دقت على غريد
عند غريد: جاها اتصال و فزت تشوف مين و شافت الاسم "أمجادي" و خذته و ردت أرحبي يهلا والله
أمجاد ابتسمت : البقى يعيون أمجاد
غريد : ايوه وراتس ما نمتي؟
أمجاد : تكفين متى شفتيني انام ذا الوقت مستحيللل انام الحين
غريد : اي والله انك صادقه تحبين الدلع ههههه
أمجاد بخبث : طالعه منها انتي يعني؟
غريد بضحك : انا انتظر وش جاي بالطريق عندي احساس انه مصيبه
أمجاد : اجل دامني انقفطت خل اعلمتس
غريد : غردي طال عمرتس
أمجاد : اجل اسمعي الحين تذكرين عبير صاحبتي بالجامعة الي قلت لتس عنها؟؟
غريد : ايه الي دايم تدخلتس بمصايب كيف انساها
أمجاد بضحك : يقلعتس يوسخه حرام عليتس
غريد : اقول اسكتي بس محد مسكين الا انتي والله
أمجاد بضحك : المهم خل اكمل الله ياخذتس
غريد : اسلمي
أمجاد : جت تقولي انه بتمرني و نطلع
غريد شهقت و قالت : نعم نعممم صاحيه انتي فيتسس عقللل؟؟
أمجاد : ويلمههه
غريد : تستهبلين صح؟؟
أمجاد : لا بالله اني احتسي صدز
غريد : جعلتس باللي ما يتسمى وين بتذلفين انتي وياها هاه!
أمجاد : وجع غريد كأنتس امي جايتس انا تفزعين لي ترا مو تسفلين فيني!
غريد : اهخ منتس أمجاد اهخ
أمجاد : طيب تراني بروح معها وافقت قلت لها طيب
غريد : وجع مسرعع والله ما تروحين الا رجلي على رجلتس ناقصين مصايب حنا
أمجاد : طيب اخلصي بنتظرتس عند الاسطبل عجلي
غريد: قالت طيب و قفلت

                              و تقابلو عند الاسطبل

غريد : وينها هي قد وصلت؟
أمجاد : لا قالت إذا وصلت بدق عليتس
غريد : طيب و حنا وين بنذلف معها ان شاء الله
أمجاد : مدري قالت بنروح حفلة بنات
غريد شهقت : حفلة تكفين يا أمجاد ما تطمنت
أمجاد وهي بحد ذاتها خايفه بس ما تبي توضح و قالت : اشدعوه ترا مو اول مره اطلع معها
غريد : الله يستر قلبي ناغزني
أمجاد جوالها دق : يلا يلا البنت وصلت
غريد : الله يحفظنا بسم الله
أمجاد : ترا مب رايحين نجاهد هههههه
غريد : اص اص
                                 وصلو عند الباب

أمجاد : يوه الباب مسكر الحين كيف نطلع راح عن بالي
غريد : وانتي عمرتس طلعتي مع الباب اصلا مثل الناس الطبيعية
أمجاد : الله يقطعتس ههههههه
غريد : وانا صادقه مشينا ل الاسوار بس ( كان فيه ورا الاسطبل أسوار و بحكم انها اقصر من الجدار ف ينطون من عليها أسهل لهم)
أمجاد : يلا مشينا نتكسر و رفعت عبايتها و مشت و غريد وراها
وصلو عند الاسوار و غريد شهقت
أمجاد : يمه شفيتس
غريد : قطو قطووووو ( غريد تخاف من القطاوه)
أمجاد : الله ياخذتس حسبت جاتس شي اقول امشي بس قال قطوه قال و خير ان شاء الله وش بتسوي لتس يعني
غريد قبصتها و قالت : انا اوريتس
أمجاد : فزت ب ألم و جوالها رن و ردت الو عبير خلاص طيب جايين انطمي لحد يشوفتس تعالي من ورا عند الاسوار و سكرت جوالها و قالت يلا غريد مشينا نطب
غريد يلا : و فتحت ل أمجاد يدها عشان تحط رجلها و تنط و نطت أمجاد و لحقتها غريد بمساعدة أمجاد لها و وصلو بسلام ذا المره و لقو سيارة عبير واقفه و ركبو و مشت عبير على طول و قالت : يا هلا والله
ردو بصوت واحد يا هلابتس
عبير بحدة : اقول اسمعو ترا بنرجع متأخر مو شوي وحده تقولي ابي بيتنا
غريد شمقت و قالت بنفسها : وعوه شفيها ذي يعني ماني بعارفه اطلب لي سياره ترجعني يا اخر حبه انتي!
أمجاد ب ضحكه قهر : ابد معليك
عبير : اي زين
و من بعد كلام عبير كان الصمت سيد الموقف لين وصلو و جت تقول وصلنا يلا
أمجاد شهقت : يمه لحظه ليه فيه عيال برا
عبير توترت : هاه لا بس ذولا عمال
أمجاد بشك : اي زين و نزلت و وراها غريد جت تسحبها و لفت لها هاه شفيتس
غريد : يا أمجاد ما ارتحت امشي نرجع تكفيننننن
أمجاد : تصدقين حتنى بس اصبري خل ندخل نشوف ان فيه شي ننحاش طيب؟
غريد بصوت فيه صيحه من الخوف : طيب يلا بسرعه
و دخلو و كان كله بنات و ارتاحو جلسو و كان عاديي حكت عبير
عبير : عندي لكم مفاجأه
أمجاد بهمس ل غريد : الله يستر
غريد بضحك : مو ع اساس صاحبتس و تحبينها
أمجاد : اص ما اثق فيها مره احس وراها بلاوي الله يستر
غريد : قايلتلس انا بس ما تطيعين و لفو على صوت عبير وهي تقول ادخلو ادخلو حياكم
أمجاد شهقت يوم شافت عيال و وقفت و غدير وراها
أمجاد بصوت عالي : هيههههه شذا المصخرههه