قمراي وانا الليل

البارت ثلاثه وثلاثين

عند نجد و غريد
نجد : غريد لتس ساعه تهوجسين علميني وش تهوجسين به خل اهوجس معس يختي طفشت
غريد : يربي حتى بهواجيسي ناشبه
نجد تربعت : اي يلا علميني وش صاير معتس
غريد : لا دامتس تربعتي محد بيفكني منتس فبقول لكن يعني تكفين إذا رح تهاوشيني خليه بعدين
نجد : الله يستر منتس
غريد : يلا ترا بقول
نجد : يلا قولييي
غريد : هالحين و سردت لها كلشي صار معها هي وامجاد تحت صمت نجد و اخر شي يوم خلصت غريد نجد صرخت و غريد نطت سكرت فمها و قالت : اصص فضحتينا اصصصص
نجد عضت يد غريد
غريد صرخت : احح يحيوانه
نجد : احسن
غريد : لا والله اجل وخري مارح اعلمتس وش يصير بعدين
نجد : لا يعيوني مهو بكيفتس رح تعلميني غصب عليتس
غريد ناظرتها بطرف عين و رن جوالها و ردت الو أمجد شفيك؟
أمجد : هلا، لا بس بقولتس غيث جاي عندتس انتي و غريد بيقعد معكم لين تطلعون الصبح وهو رح يجيبكم البيت يعني
غريد : لا أمجد انت تعال ليه انت ما تجي
أمجد : والله الرجال قديه بيوصل عندكم شسوي ارجعه
غريد : والله عيب كلشوي رايح جاي لنا
أمجد : كلنا اهل ما تفرق شفيتس
غريد : خلاص طيب يلا مع السلامه
أمجد : فأمان الله و قفل
نجد غمزت لها : شفيتس؟
غريد جلست على الكرسي و تأففت : غيث جاي و بيقعد معنا لين الصبح عشان يودينا البيت يعني انتي تخليني تقريبا يوم كامل بنقعد معه! يعني لو جابو اخوي ولا اخوتس يموتون لا هو محرم لا علي ولا عليتس وش ذا الماساه
نجد : يعني انتي تقنعيني انه ذا همتس انه مب محرم علينا ولا ودتس تهجين؟
غريد : نجد لا تخليني اجرم فيتس
نجد : ههههههه خلاص خلاص بسكت
غريد : تسوين خير ف العرب
نجد : خير ههههههههه