قمراي وانا الليل

البارت ثلاثه وعشرين

و ركزت على نجد بما انها مره حاقده عليها لأنها دايم تقهرها و تغثها و ما تحبها ابد فراحت اخذت موية نجد و حطت فيهاااا....... و رجعتها مكانها و مشت بسرعه بدون لا يشوفها احددد و رجعت جلست ولا كأنها سوت شي وهو مع الأسف فيه اشياء كثير بسببهااا
___
عند البنات كانو يرقصون و نجد تعبت و وقفت و قالت انا بروح اشرب مويه و راحت عند أغراضهم و خذت مويتها و شربت وهي ما تدري وش ينتظرها لا شربتها و شربتها عادي و مشت و راحت عند البنات و كانت واقفه شوي بدت تحس بأشياء غريبه بس كانت تتجاهل الوضع يعني تحسبه إرهاق وكذا ف ما اهتمت
و لفت على صوت عذوب وهي تقول : بنات وحده تجي معي باخذ من سعود أغراض
نجد : انا انا بجي معتس ابي اتحرك
عذوب : زين زين تعالي و طلعو كذا لصاله كبيره نهايتها في باب يوديهم للرجال و نجد وقفت ورا الباب عشان سعود ما يشوفها و جا سعود حط الأغراض عند الباب و جت نجد هي و عذوب يبون ياخذونها الا نجد مقدرت توقف و قعدت ب الأرض و صرخت عذوب : يمه نجد شفيتس و وقف سعود على أصواتهم و قرب من الباب و قال : عذوب شفيكم؟؟
عذوب : سعود سعود الحقني نجد طاحت شسوي مدري شفيها
سعود : عليها شي لابسه شي؟؟
عذوب : حاطه طرحه طرحه تعال تعال بسرعه
سعود : طيب طيب بجيب غيث و راح يركض و وصل عند غيث وهو يتنفس بسرعه و قال : غيث غيثثث
غيث : بسم الله شفيك اصبر تنفس اشرب مويه
سعود : رفع يده و قال : ما ابغى ما ابغى تعال معي نجد طاحت مدري شفيها و عذوب معها تعال تعال
غيث : هاه يولد وش قاعد تقول انت وين طاحت
سعود : يخي امش و سحبه و وداه عند نجد و دخلو و كانو حاطين الطرحات نجد و عذوب و غيث حاول ما يدقق و وقف قدام نجد و قال : شفيتس؟
نجد وهي بالغصب تتكلم : ماادري يا غيث ماادري احس بشي غريب
غيث قطب : كيف يعني فهميني عشان اعرف شبلاتس و جلس قدامها و شاف لونها ازرق و خاف و اردف و قال : نجد بسم الله عليتس لونتس مزرق انتي ماكله شي؟؟
نجد وهي تتنفس بسرعه : اي اي
غيث شك : طيب وش اخر ششي شربتيه ولا اكلتيه؟
نجد : مويه
غيث قطب : ومن عطاتس المويه؟
نجد : ماادري خذيتها من الثلاجه
غيث : خلاص تمام الحين ناظريني تشوفيني زين؟
نجد : لا لا مقدر احسك صرت اثنين و الدنيا... و ما امداها تكمل الا اغمى عليها و فز سعود : يمه شفيها يا غيث شفيها
غيث : ماادري ماادري، عذوب يا عذوب بسرعه طيري جيبي عبايتهااااا و راحت عذوب بسرعه و علمتهم و جت غريد مع نجد عشان عذوب عيت تروح راحت فوق عند ياسمين فطلعو غريد معها و راحو فهد و غيث و و غريد كلهم بسياره غيث
غريد مع نجد ورا و فهد قدام و غيث يسوق و كانت غريد طول الطريق تحاول تصحي نجد..