قمراي وانا الليل

البارت سبعه وأربعين

غيث حس بكتمه و طلع برا و تنهد وقال وهو يطالع القمر :
جيتس ابيتس و ابي قربتس
و الملا كلهم يدرون لكن كسرني
فعلتس و كسرني نكرناتس
أجل انا؟ ما تحبيني وانا احبتس
و اغليتس بسكات و ما خليت الناس
يدرون عنتس و تجازيني بفعايل تمنيت
اني مت ولا شفتها ما اقول الا الله يبعد
حبتس عن قلبي و الله يقويني على فراقتس.
____
اما عند أمجاد راحت تركض و وقفت عندهم و قالت : غريد وينها؟
كلهم لفو عليها و قال أبو إيهاب : نقلوها الغرفه يبنتي و ننتظرها تفيق
أمجاد : طيب وش قالو وش طلع فيها؟
ابو إيهاب تنهد وقال : على قول الدكتور كانت معنفه و بدون اكل و شرب لكن هين هين
أمجاد : توسعت عيونها بصدمه و جتها بكيه و لفت تناظر نجد و جت نجد تضمهاا بقوه و قعدت تبكي و تقول : معليتس حنا بناخذ حق غريد اصلا بناخذه و الا تجي الممرضه و تقول ان غريد صحت و لكن يدخلون بالدور فأول شي دخلت ام سيف بعدها عيالها بعدين ابو إيهاب وبكذا لين وصل الدور لامجاد و نجد و الحمدلله غريد كانت كويسه و قدرت تحكي معهم و علمتهم كل الي صار و نجد طلعت معصبه ما قدرو يمسكونها راحت لسعود و قالت : تعال ابغى اكلمك و سحبته لاقرب غرفه و سكرت الباب و لفت عليه و قالت : انت صاحي فيك عقل؟
سعود قطب : شصاير
نجد : وش بيصير بعد بالله انت مرتاح الحين يعني وش استفدت غير انك نكدت على غريد و قلبت حياتها فوق تحت يعني الي يشوفكم يقول هي ما شرحت لكم الي صار وانه ما كان ذنبها يخي انتو ليه معقدين كذا تكفون فتحتو عقولكم شوي مو طبيعي وش هالتخلف يعني تموت البنت عادي عشان غلط ماهي قاصدته وانت جاي تسمي نفسك اخ لا يشيخ وش ذا الاخوه دام ذي اخوتك محد يبيها يعني صدق ابي شي واحد استفدته يوم انك رحت علمت ابوك وش صار بأس راسك؟
عطاك ميداليه يشيخ حسافه اني قلت لك اي و تزوجتك لو رجع فيني الزمن صدقني ما اوقعععع و الحين ماني الا زوجتك على الورق و بس لاني ما اتشرف اتزوج واحد مثلك
سعود : خلصتي؟
نجد : اي خلصت عندك شي لا سمح الله
سعود : اي ولا انا ما اتشرف اصلا اتزوج وحده مثلك و لا انتي الي حبيتها ولا انتي الي عرفتها ولعد ابيك مع السلامه الي ما يبيني ما ابيه و لا اتشرف بحبك غريد علمتني لمن خطبتك عن حبك لي لكن تدرين؟ معد ابيه خليه لك دام هذا كلامك لي و هاذي أفعالك مابيك مابيك مابيك مع السلامه فأمان الله و خلاها و طلع...