قمراي وانا الليل

البارت ثمانيه وخمسين

و غريد كانت واقفه بصدمة و لمحها عقاب و بحيث انها خطيبة اخوه ف راح يتطمن عليها و وقف قدامها وقال : يبنت امير؟
وهي من سمعت الاسم انهلت دموعها لان غيث الي يناديها به و ناظرت عقاب و عيونها كلها دموع و صدت وقالت : أمر
عقاب : ما يأمر عليتس عدو بس شفيتس واقفه كذا روحي اقعدي جمب أمجاد رح تتعبين كذا و غريد كانت تحلل الموقف براسها وقالت : وين فيصل؟
عقاب : فيصل؟
غريد : اي فيصل ( كانت تتذكر الي صار لمن شافت غيث واقف لوحده امس و يكلم و سمعته يقول فيصل و جاها فضول و وقفت تسمع و سمعت انه رح يتقابلون الصبح و الحين غيث بغرفة العمليات! وش ممكن صار بينهم يعني) و اردفت وقالت : خلاص شكرا معليك انا احلها و عقاب ما فهم عليها و ما اهتم كثير قال ماله دخل ف خلاها و غريد دقت على فيصل وقالت له يجي المستشفى وبالفعل فيصل بعد ساعتين وصل عندهم عشان ما يبي احد يشك فيه فجاء

عند البنات في المزرعه و العيال الي بقو هناك كانو شايلين هم غيث و ينتظرون يجيهم خبر عنه ونفس الشي في بيت ابو إيهاب
___
اما في المستشفى عند غريد شافت فيصل جا فراحت سحبته و طلعو برا و اردفت وقالت : بسرعه الان تقولي وش سويت بغيث
فيصل قطب وهو يحاول ما يبين : وش سويت؟
غريد غمضت عيونها بغضب : انا اسالك ! تراني ادري بكل شي ف لا تخليني افضحك وقولي وش سويت به!
فيصل عرف انه مارح يرتاح منها فقال لها كلشي و غريد صفقته كف من قوة القهر وقالت : يا تفصخ الخطبة يا افضحك عندهم كلهم!
فيصل ناظرها بيأس و فصخ الخاتم و عطاها وقال : فأمان الله و غريد فصخت الخاتم و رمته هو و خاتمها و دخلت جوا و دخل فيصل وراها و اضطر يعلمهم بعدها طلع و هو مخذول كليا على أنه هو الغلطان! لكن عاش دور الضحية و عقاب شك بالوضع بس قال مو وقته خل يطلع غيث ب السلامه و بعدين و الا طلع الدكتور و تقدم لهم وقال : انتو أهل المريض غيث إيهاب.....
فراس : ايي وش فيه غيث شصار له!
الدكتور : المريض كان في وضع صعب و خطير و تخطا العملية بصعوبة و الساعات الجاية مهمة جدا رح يكون تحت المراقبة في العناية المركزة لان فيه احتمال ٧٠ بالمية انه يدخل غيبوبة و الحمدلله على سلامته و خطاكم الشر و راح و هنا كانت الصدمه للكل و أمجاد حست كان أحد صفقها كفف! و غريد من قوة الصدمة حست معد قدرت تتنفس و راحت طلعت برا عند الباب المستشفى و اخذت نفس بأقوى من عندها بس تحسس كان به حجر على صدرها و كانت تفكر وش بتسوي بدون غيث؟ لا لا مارح تقدر تعيش مارح تقدرررر هي راضيه يسوي الي يبيه يكرها يحبها يسوي الي يبيه بس خله يقومممم و يرجع بخير ذا يكفيهاا