قمراي وانا الليل

البارت ثلاثه وستين

دخلت عبير بيت ابو إيهاب و قالت إنها صديقة غريد و أمجاد و دخلوها و قعدت و جو البنات و انصدمو عبير وش جابها و جلسو جمبها و جت تقول : الا اقولكم غيث حقكم ذا مزيون متزوج؟
و هنا غريد بغت تدفنها : خاطب وانا خطيبته به شي؟
عبير ضحكت : اي عادي كلها خطبة يقدر يفسخها الحين بعددد
غريد غمضت عيونها وهي تحاول ما تدفنها و الا تجي نجد تتدخل وقالت : الملكه بعد يوميننن و الا دق جوال ابو إيهاب و جاه خبر من الشرطة انه ابو سيف والي معه مسكومهم بس بقى اثنين الي هم فارس و حمد و معهم اختهم و هنا ابو إيهاب قال الخبر بصوت عالي و البنات لفو على عبير و قالت نجد : ذي اختهمممم!
و لف ابو إيهاب : من اختهم
نجد : يا عم هذي اخت فارس و حمد!
ابو إيهاب قام وقف : اخو عبدالله
عبير وقفت على طول و جت بتطلع الا قال أبو إيهاب : أوقفي عندتس ما تطلعين من بيتي الا على مركز الشرطه أنتي و اخوانتسس يبنت!
و فعلا دقو على المركز وجو خذو عبير و من الخوف علمتهم مكان حمد و فارس و مسكوهم و كل واحد أخذ حكم على أفعاله و بكذا طلعو من حياة بني تميمم

اما عند أمجاد رن جوالها و ردت : الو عقاب
عقاب ابتسم : يهلا يهلا يا حي ذا الصوت
أمجاد حاولت ما تصير خفيفه : اقولك انت ترا توي زعلانه
عقاب رفع حاجبه وقال : انت!
أمجاد تورطت و جت تقول : يعني مو انت مفهمت حاولت تسوي نفسها غبيه
عقاب ضحك : يا مصيبتي لا تسوين نفسس غبيه
أمجاد ضحكت : للحين تسميني كذا؟
عقاب : اي وليه يتغير
أمجاد : اجل خلاص انت بتصير عقابي
عقاب : اخص ياء التملك
أمجاد : يا حيوان يعني مو انا مصيبه ف انت العقاب
عقاب : انتي تعالي اطلعي لي برا و قولي ذا الحتسي قدامي و شوفي انا شبسوي فيس
أمجاد : افا عقابنا زعل
عقاب : يلا يلا اطلعي انا انتظرس
أمجاد : وين؟
عقاب : مع الأسف توس غبيه وين يعني برا تعالي
أمجاد : انا غبيه طيب طيب و سكرت و لبست جلالها و طلعت و ناظرها عقاب من فوق لتحت وقال : اي كويس يضبط تعالي اركبي
أمجاد عقدت حواجبها : وش الي يضبط و وين اركب؟
عقاب لف و عطاها ظهره : تعالي اركبي على ظهري يا بعد حيي أمجاد بلا استهبال! يعني وين بالله و ناظرها كذا و راح عندها و نزل لمستواها و شالها و أمجاد صرخت : عقابببب
عقاب حط يده على فمها : اششش فضحتينا و ركبها السياره و راح من جهة بابه و ركب و قال :
هاه يا مصيبه راسي كذا تصالحنا؟
أمجاد همم : قولي شعر و برضى
عقاب: اخص الغالي ما يطلب الا غالي تمام ابشري و اردف وقال...