قمراي وانا الليل

البارت السادس

أمجاد : لقيتهااااا انتي جوالتس معتس ف دقي على وحده ممن البنات تجي تفتح لنا الباب
غريد : صفقت لها و قالت الله يا الذكاء ايوه و ب وش رح تفتح الباب براسها؟ مو المفتاح مع اخوتس الدلخ
أمجاد : الكلام بعدين بحاسبتس عليه لكن الحين خل نطلع اول و ثاني شي يذكيه تروح عذوب و تقوله غيث ابي مفتاح غرفتك ابي شي منها و يعطيها فهمتي يا الذكيه!
غريد مدت لها الجوال و قالت :  هاه تصرفي طيب انا من التوتر رجولي مو شايلتني بقعد و قعدت على الأرض
أمجاد : السرير وش مقصر فيه معتس!
غريد : الله يفشلتس تبيني اقعد على سرير اخوتس! طسي بس
أمجاد : بكيفتس و دقت على عذوب
_______
عند عذوب رن جوالها و شافت انه غريد و ردت قالت : الو؟
أمجاد فزت : الو الو تكفين انا في وجهتس ساعدينا
عذوب : يمه بسم الله شفيتس خرشتيني
أمجاد قالت لها كلشي...... وبس والله انتي قدها تساعديني؟
عذوب وهي منهاره ضحك : بعدين انتو حمير وش مطلعكم برا ولا قريب من الرجال بعد والله غيث يذبحكم
أمجاد : طيب و عشان ما يذبحنا تعالي ساعدينا
عذوب : خلاص طيب باي سكري و جتها فكره جهنميه برأسها تبي تأدبهم و دقت على غيث
________
عند غيث رن جواله و شاف انها عذوب و رد : الو عذوبي امريني فيتس شي؟
ابتسمت عذوب و قالت : لا لا بس اسمع وش بقول لك فيه ثنتين عالقين بغرفتك
غيث بأستغراب : هاه؟
عذوب وهي ماسكه الضحكه : الله يسلمك غريد و أمجاد طلعو برا طيب و سمعو صوتك جاي خافو و انحاشو لبيتنا و دخلو غرفتك ربي عاقبهم هههههه المهم و يوم سمعو انك جاي دخلو غرفة الملابس و عاد انت طلعت و سكرت عليهم الله يصلحك و الحين هم عالقين و تكفى لا تقول اني علمتك والله يذبحوني انا بس ابي اأدبهم هههههه
غيث : لا معليتس سويتي خير وانا اخوتس معليتس دواهم عندي وان دقو عليتس لا تردين
عذوب : ابشر طال عمرك
غيث : اي يلا مع السلامه و سكر و قال بصوت خافت وهو يضحك : خلهم يقعدون شوي بغرفتي عشان يعرفونن و رجع عند العيال
سامي : يعيال ودي نسوي زواج يخي مافيه واحد منكم وده يتزوج؟
عبدالله ضحك و رفع يدينه و قال : انا برا السالفه لا تذبحنا حبيبة القلب
عبدالرحمن : اخص يا حبيبة القلب هههههه
عبدالله : اهخ اي والله حبيبة القلب و الروح
فراس صفق له و قال : عشششنااااااااا
غيث : والله النصيب ما جا و قلنا له لا
دخل عليهم ابو غيث و قال يعيال
كلهم بصوت واحد سم؟
ابو غيث : اسمعو اثنين منكم يروحون يجيبون حطب بالله
هيثم : سعود امش معي نروح انا وانت
سعود : تم يلا مشينا و طلعو هو و هيثم و راحو يجيبون حطب من المخزن
سعود :  اجل اسمع الشاعر وش يقولك
هيثم ابتسم : وش يقول؟
هيثم ابتسم : وش يقول؟

سعود : ‏ضمني من شغف لهفه ومن قلب حار
لا رماني جليد البرد رمية عطب

ليه اكسّر حطب ، واحاول اشـب نـار
وانت في ضمّتك نارٍ بليـا حطب

هيثم صفققق بقوة و قال : الله الله الله وليه مخبي ذا الشعر الرهيب يبويييي اتحفنا دايم تكفى
سعود ضحك و طقه و قال : امش امش
و وصلو عند العيال وقال سعود يعيال انا عندي فكره خل نقعد نلعبب و بعدين الشياب وش يبون بالحطب بعز الحر تونا شهر ١٢؟
سيف : والله مدري عنهم احسني احتريت بدالهم ههههه
ياسر : يبو خلوهم يستمتعون بالجو
غيث : اخيرا سمعنا صوتك وينك ساعه غاط اعترف من تكلم بجوالك و لف على عبدالله و قاله بمزح وهو يغمز له اضبط ولدكك يا الطيب
عبدالله : ابشر و اخذ العقال و رماه على ياسر
و ياسر فز بألم الله يلعنن و استوعب قبل يكملها و قال : خلاص والله اسف يوم شاف نظرة ابوه له و كمل كلامه و قال : تمون والله تمون ارم بلك علي بعد خذ راحتك بس لا تناظرني كذا
العيال انهارو ضحك وطاحو فوق بعض يضحكون هههههههههه و اعتلت أصواتهممم
بلال : الله يقلعكك انت و ولدك يا عبدالله اهخ بطنيييي
عبدالله : والله انكم سامجين
طارق دخل عليهم و قال : صدق انك ثلاثيني جاد يا عبيد
و غيث من الضحك قام يبكي و قال : طارققق تكفى خلاص مقدر ههههههههه
طارق : اخص طلعتو ضحكة غيث والله اصفق لكم اجل بجيب عبدالله دايم عشان تضحك كذا و نسمع ضحكك بعدين ياللي ما تنتخي تقولي طارق ناشفه كذا؟ و خال وين راحت يا قليل الخاتمة
غيث رجع لجديته بثواني و لا كأنه الي تو سادح بالأرض يضحك و حط يده على صدره و قال : اعذرنا يا الخال و لف على العيال و قال يلا مشينا عند الرجال عيب والله
العيال كلهم بصوت واحد : ابشر
و طلعو برا عند الرجال كانو جالسين برا بالجلسة الي جزهوها لهم و جلسو عندهم
ابو إيهاب : دامكم جيتو اجل اسمعو العلم
ابو سيف : لبيه يبه
ابو إيهاب :  لبيت في منى، العلم يوصلكم و يتعداكم انا ابيكم كلكم تتزوجون الواحد وصل طوله ل السماء وهو عزابي ما تنتخون انتو! و اول شي نبدأ بصقر و طارق
فز طارق و قال : يبه!
ابو إيهاب : اقول لين متى بتجلس تحب قليلة الخاتمة ذيك خلاص يولدي مرت خمس سنوات وانت توك! عيب عليك خلك رجال و تزوج وشف حياتك اجل بتقعد كذا!
بقولكم سالفه طارق : (طبعا هو قبل خمس سنوات لمن كان عمره ثلاثين حب وحده ما تقرب لهم و أهله رفضوها بس هو صمل الا ياخذها و ما يتزوج غيرها لين ابوه وافق بعدد عناء و تعب منه و قاله لكن يا طارق انا محذرك منها! و طارق ما سمع كلام ابوه و تزوجها و بعد فترة طلعت حامل و طارق استاانس و الكلل استانس لطارق صح انه من وحده شينه لكن انه بيصير ابو و في يوم صحى طارق يبي يصلي الفجر و سمعها تكلم بالصالة و ما يدري من و كان رح يسحب لين سمعها تقول يا احمد اسمعني! و شده الاسم من ذا احمد و ليه تبيه يسمعها! ف وقف عند الباب يسمع و سمعها تقوله انت غبي كيف اقوله والله انا متزوجه قبل اتزوجك و ذا ولد أحمد مب ولدك صاحي انت فيك عقل؟؟ طارق لمن سمع ذا الجملة انهدمت دنياه و احلامه فوق رأسه و هو فعلا كان جدا يحبها و لكنها مره كسرته بشكل و ما كفاه ذا سمعها تقول اصلا انا تزوجته لانهه يحبني و مدلعني ابي الفلوس و الدلع ولا وع ما احبه يخي يغثني تعبت وانا اسلك و امثل لكن كلشي يهون عند الفلوس و ما تتخيلون قد ايش طارق تعببب نفسيا رجال طول و عرض طاح من طوله! و الى يومنا هذا مقد فكر يحب ولا يتزوج مو عشانه توه يحبها لاا معد عنده ثقه و يخاف تنهدم دنياه على رأسه مره ثانيه ف قرر يجلس وحيد احسن له ولا من ذاك اليوم كرها كره محد توقعه لأنها كسرت كلشي فيه و ما توقع ذا الشي منها كان يشوفها شي ثانييي و بنشوف هل فيه احد رح يجذب طارق بعد جرحه العميق؟ و يشده له؟)