قمراي وانا الليل

البارت ثمانيه وعشرين

في البيت كانو كلهم متجمعين بالحوش كالعاده و قتلت ام عبدالله الصمت و قالت : انا ودي اروح المستشفى اتطمن على نجدي ما ودكم تودوني؟
ابو عبدالله : ابشري يجي الصبح و اوديتس الحين الساعه ٢ الطريق ظلما
ام عبدالله : انا قلبي ظلما يا ابو عبدالله قلبي وش تفرق لو الطريق صار ظلما؟
عبدالله : افا يأم عبدالله من مظلم قلبتس لأجل اظلم عليه دنياه
ام عبدالله : ماادري احس به شي ببنتي بس انتو ما تسمعوني
فايزه : ما بها شي الا دلع وش بعد
سحاب لفت عليها و عطتها نظره و قالت : والله محد مدلع غيرتس اسكتي بس
فايزه : اي غيرانه مني
سحاب ناظرتها بقرف و قالت : ما القى الا انتي اغار منتس كذبتي الكذبه و صدقتيها
فايزه : اي اي و نجد انا اعلمتس شفيها انا شفتها مدري وش تاخذ الله اعلم وش يطلع
هنا سحاب تجمعت الشياطين براسها و قامت مسكت فايزه و وقفتها و قالت : ان كانس قد هالحكي الي قلتيه عيديه يلا!
فايزه : فكيني يا الهمجيه وع شذا تعلمي الذرابه شوي
سحاب ضحكت : شف من يحكي عن الذرابه!
فايزه وهي تبي ترفع ضغطها و تطلعها هي الغلطانه قالت بهمس لسحاب :  يعيوني انتي اختس مدمنة مخدرات فهمتي؟
سحاب من سمعت الكلمة صفقتها بكففففف و فايزه سوت نفسها انصدمت و مسكت خدها و قالت : هيههه خالد ترضاها علي يا خالد و قعدت تبكي و قام خالد مسك سحاب من شعرها و على طول سحبه عبدالله و مسكه بياقته و قال : انا ما قلت لك يدك معد تمدها ولا اكسرها؟
خالد : واخليها هاللي ما تستحي تطق زوجتي
عبدالله : والله الي يستحي انت و زوجتك مهو أختي
خالد : محد مدلعهن غيرك لو انك مصفقهننن كان الحين محد منهن سوا ذا السوات لكن هين دواهم عندييييي انت رايح لبيتك وهم منفردين بي
عبدالله مسكه بقوه اكثر : والي خلق سبع يا خالد أن لمست وحده فيهم اني لا اخليهم يصلون عليك ولا اقول ذا اخوي ولا شي سامعني؟؟ و بعدين ماعدني برايح جا نقلي للرياض ابشرك يعني قاعد على قلبك يا اخي العزيز و دفه و قعد كذا يمسح على ثوبه و قال : فهمتنيي؟
خالد : دفه و قال انقلع بس و عبدالله كان بيصفقه لكن قام ابو إيهاب و ضرب بعصاته الأرض و قال : عجيب والله معد لي من يحشمني ولا يقدرني!
عبدالله : لا محشوم يبه ( كلهم ينادونه كذا) لكن ولدك ماادري شفيه
ابو إيهاب : انا لي تفاهم معكم اصبرو بس و اردف و قال : انا رايح المستشفى عند نجد يا سعود تعال معي و مشى و خلاهم...