قمراي وانا الليل

البارت سبعه وثلاثين

و وصلو غيث و البنات و كانو قريبين من البيت و لقو فيصل يمشي رايح للسوق و وقفه غيث و فتح الشباك و قال : على وين يا صاحب الهوى
فيصل ضحك انه توه يسميه صاحب الهوى للحين و قال : ابد للمحل يا صاحب الليل
غيث ضحك : توي صاحب الليل احسبني صرت صاحب القمر
فيصل ضحك : قريب قريب وانا اخوك تصير صاحب القمر و النجوم بعد هههههههه
غيث وهو يضحك : ااا يا الحيوان ههههههههه، كنت بقولك تعال اقلط لكن ظني ابو فيصل رح يذكينا سوا
فيصل : على طاريه خل اروح قبل يجي يشيك علي و ما يلقاني هههههه و راح فيصل و غيث لف لفة بيتهم و وقف و نزلو البنات و دخلو البيت جوا و غيث دخل المجلس عند الرجال و قال : السلام عليكمم
كلهم ردو و عليكم السلام و دخل غيث و جلس جمب سيف و قال : كيفك يا السيف
سيف : على حطت يدك و اخذ فنجان القهوه عشان يتقهوى
غيث : انا اقول خل نزوجك، سيف شرق بالقهوة و لف بقوه على غيث و عطاه نظره و قال : خير يا الخوي
غيث ضحك و ضرب على ظهره و قال : افا شفيك ذا كله عشاني قلت خل نزوجك خلاص يشيخ خلك لي لا نزوجك
سيف : والله يقرفك وخر هههههه
غيث قرب من سيف و حط يده على كتفه و قال : ابشرك طال عمرك هذاني وخرت شتبي بعد
سيف : والله تدري ليتك مع الكل مثل ما انت معي
غيث قطب و قال : على كذا ما كنت صرت مميز
سيف لف عليه و تربع وقال : والله يعني ليه انت كذا يعني لازم تحط مسافه و ابن امه وابوه الي يتعداهااا
غيث ناظره كذا شوي بعدين اردف و قال : لازم تكون لك هيبه وانا اخوك و ما سمع الا ضحكة سيف و انصدم ليه يضحك و قال : انت وراك انهبلت وانا اخوك
سيف وهو يمسح دموعه من قوة الضحك : لا صدقت وانا اخوك لازم تكون لك هيبه يشيخ يعني الحين انت مالك الا هيبه؟ والله الظاهر عقاب عطاك دروس لان من شافك هج هههههههههه
غيث : شف انا بسامحك لأنك عضيدي ولا غير كذا كان دفنتك
سيف : بقى انا بهج مثلهم هههههه
غيث : سيفففففف الكل يناظر فينا خلاص اسكت
سيف لف يناظر و بالفعل كل الانظار كانت عليهم فعدل جلسته و صار وجهه جامد ما كأنه هو الي انهار ضحك قبل شوي و قال بهمس لغيث : عاد شفت ذا الطبع خذيته منك
غيث ابتسم له و مد له فنجان قهوة و قال : خذ عوضا عن الفنجان الي كبيته علي ههههه
سيف ناظره : والله عيب هههههه
_________
داخل عند البنات
نجد : الا بنات ياسميونه أخبارها تزوجت و نستنا
سحاب : امي تقول بعد ما تطمنو عليتس راحو شهر العسل وامي تكلمها كليوم لكن حنا بنات البطة السودا
نجد : امشي امشي ندق عليها و خذت نجد جوالها و دقت و البنات كلهم تجمعو حولها ينتظرون ياسمين ترد