قمراي وانا الليل

البارت تسعه وثلاثين

و خلص يومهم بشكل عادي و جا اليوم ثاني و صحو البنات بدري كالعاده و كانو بالمطبخ كل وحده تسوي شي و الي تجهز برا و الي برا تساعد العيال بالقهوة و الشاهي و كانت حالة استنفار قبل يقوم جدهم و ما يلقى كلشي جاهز و الحمدلله خلصو و قام جدهم و كلشي جاهز و جلسو كلهم و كان صمت لين قرر غيث يقتل الصمت و قال : الا يبه بغيت اقول شي
ابو غيث : قول وانا ابوك
غيث تنهد و هو عارف لازم يبدأ بذا الموضوع و ناظر بأمجاد كأنه يقولها انا اسف و اردف و قال : مو عقاب و أمجاد من كانو صغار قلتو انهم لبعض؟ و متى ما جا الوقت بيجي عقاب يخطب أمجاد ما تحسون الوقت جا؟ و لف على نظرات أمجاد الي كلها خذلان و ضيقه و نظرات ما توصف و صد وهو ما يبي يشوفها اكثر و اردف ابو غيث و قال : الا صدقت يولدي أمجاد كبرت و هو كبر و صار رجال مشاءالله عليه اجل لنا كلام مع ابو فيصل قبل لا تمشون للرياض و لف على ابوه و قال : شرايك يبه؟
ابو إيهاب : الي تقولونه يولدي انا معكم و كلنا نشهد لعقاب انه رجال و مافيه احسن من أمجاد له و الله يتمم لهم على خير و ما يدرون ان كلماتهم كانت كأنها نار بقلب أمجاد و غريد كانت تناظر غيث بحقددد ودها تذبحه هو ليه كذاااا! و لفو كلهم على صوت سعود لمن قال : وانا يعم ابو عبدالله طالب القرب منكم و بخطب بنتكم نجد على سنه الله ورسوله
ابو عبدالله : ابد والله يشرفنا القرب منك و البنت شورها من شور ابوها وانا موافق
سعود قام و باس راس ابو عبدالله و راح باس راس جده و ابوه و كلهم كان يباركون له و لنجد و قرر ابو إيهاب الملكه بعد يومين ملكة أمجاد و نجد عشان قبل يسافر ابو سيف على أنه متهاوش معه لكن بالنهايه ولده و يحبه حيلل