قمراي وانا الليل

البارت الثامن

ابو إيهاب ابتسم و قال : اجل دام البنت وافقت خلاص بكره كتب الكتاب و العرس بعد اسبوعين
طارق غص بالشاهي و قال وهو يكح : يبه! مو منجدك بكره وشو بكره بسم الله لذي الدرجه تبي الفكه مني تراني بقعد على قلبك والله ماني برايح مكان بسكن هنا بيتي قدام بيتك
فهد وهو يضحك : الله يقلعك ناشب ناشب يعني ههههههه
ابو إيهاب : يولد العجله فيها الخير ليه نماطل؟
طارق : ابد يبه خلاص على خشمي ابشر
ابو إيهاب : اي ذا هو ولدي
عبدالله همس لطارق وهو يضحك : اذا انت بنفسك غصيت بالشاهي من الصدمة اجل بنتنا وش بتسوي يا عزتي لها
طارق ضحك و قال : تكفى لا تجلطونها مسكينه صدمتين بيوم واحد ههههههه الله يصلحه ابوي مستعجل
عبدالله : اي معليك اجل بدق عليها
طارق : اي يلا بس بشويش مو على طول السلام عليكم ترا بكره ملكتك والله ان تموت البنت
عبدالله مات من الضحك : لا يحمار مو كذا هههههههه
طارق : لاني اعرفك ما تعرف تمهد السالفه
عبدالله : حرام عليك ظلمتني و طلع جواله و دق على ياسمين
عند البنات رن جوال ياسمين و ردت : الو
عبدالله : يهلااا باللي لهاا الخافقق يهليييييي
ياسمين ابتسمت و قالت : أرحب يا حبيب القلب أرحب
عبدالله ضحك و قال : لا انا معادني حبيب قلبتس صار طارق
طارق طقه و قال : خيررر انت
عبدالله ضحك و أشر له اص و كمل كلامه و قال : و حبيب قلبتس رح يملك عليتس بكره و العرس بعد اسبوعين
طارق شهق و طقه بأقوى ما عنده و قال : يا قليل الادب البنت بتموت من الصدمه اصلا من الصدمة معد تكلمت انا قايل مافيك طب
عبدالله انهار ضحك و قال : اشدعوه بعدين وش اقعد امهد شسوي يعني و قال الو ياسمين انتي معي
و ياسمين من الصدمه شهقت و طاح جوالها و حالتها حاله و رفعت الجوال و حطته على اذنها و قالت : الو معك
عبدالله : سمعتي شقلت لتس
ياسمين : اي يعني بكره نخطب و العرس بعد اسبوعين؟
عبدالله : لا يحماره الملكة بكره رح يملك عليتس و العرس بعد اسبوعين
هنا ياسمين غصت ب ولا شي و بغت تموت
عبدالله : بسم الله بنتنا ودعت هيه والله عادي ترا ننكنسل لا تموتين علينا الرجال يبيتس توه و حنا نبيتس
طارق انهار يضحك : الله يقلعك قايلك بتغص البنت ههههههه
عبدالله بصدمة : والله احس معد بقى فيها دم من الصدمه جف دمها و الجوال كان على رجله من الصدمة طيحه و تكلمت ياسمين و قالت : عبدالله
و سمع طارق صوتها و قال بهمس( يحظ عبدالله و سكت و قال هيه لا تصير خفيف أثقللللل!!)
عبدالله رفع الجوال و حطه على اذنه و قال : يعيونه
ياسمين : انت صادق؟
عبدالله : اي والله
ياسمين : يمه اجل قفل قفل
عبدالله : على خشمي و قفل
و راحت ياسمين تركض للبنات و تقول الحقونييييي بموتتت يبنات فزو لها بخوف
نجد : اختي انهبلت
غريد : يمه شفيتس
ياسمين : يا خايسين ملكتي بكره
نجد شهقت : هاهههههههههه
ياسمين : اي شفتي انا من الصدمه شهقت من لا شي
عذوب : قلنا يحبتس بس مب لذي الدرجه
ام عبدالله : مبروك يبنيتي
تقدمت ياسمين و باست رأس امها و قالت : الله لا يحرمني و يمه صح حنا بننام هنا عندهم؟
ام عبدالله : اي يا يمه بغيتن شي من البيت؟
نجد : لاا يمه نزرف ملابس من البنات عاد احلا فقرة عندي هههه
عذوب : حلالتس والله، الله تكفون يونس يعني العيال مب عندنا اليوم يا لبيههه
ام إيهاب جت بعصاتها : قومي انتي وياها طلعو الفرش للرجال خل ينامون
عذوب صرخت و قالت يوههه
جمان : ويلمههه شفيتس انتي خرشتينا
عذوب : هاه ولا شي دقيقه و خذت جوالها و دقت على غيث
غيث : هلا؟
عذوب : اف يا غيث نسيت البنات وينهم!!!
غيث : من هن اي بنات بسم الله
عذوب طقت راسها بخفه : ياحمار أمجاد و غريد
غيث : اول شي اشوفنا نغلط!
عذوب تورطت : خلاص والله اسفه بس كأنك نسيتهم
غيث : اي اعقلي خلاص الحين اروح لهم
عذوب : سم و سكرت
غيث : يارب الهمني الصبر شكلها ودها تموت على يدي لكن انا اعلمها بس خل اوول اربي المهبل حقنا بعدين نحول لها و راح لبيتهم